YEREMIA 7:3 - Jinghpaw Hanson Version Bible

³ Israela Karai Kasang, Zaw nawng zaw wa up ai Yehowa ning nga ai: “Nanhte a htung hking hte arawn alai hpe, galai kau mu: shaloi ngai nanhte hpe ndai shara hta nga shangun na nngai.

YEREMIA 7:3 ပူးပေါင်းရင်းမြစ်များ

2 HKAWHKAM 17:13

Rai timung Yehowa gaw, Nanhte a n hkru ai lam ni kaw na kayin wa mu; nanhte a nji nwa ni hpe ngai hkang da ai hte, nye a shangun ma myihtoi ni a n-gup hta nanhte kaw shagun dat ai tara yawng hte maren, ngai hkang da ai lam ni hte matsun maroi ga hpe hkan nang nga mu, ngu nna myihtoi shagu hte, myi san ai ni yawng a n-gup e, Israela amyu masha ni hte Yuda amyu masha ni hpe sakse hkam ya mu ai.

EZRA 10:11

Dai re ai majaw, nanhte a nji nwa ni a Karai Kasang Yehowa hpe yubak tawngban nna, shi ra ai lam hkan galaw mu: dai mung na amyu ni hta, maigan amyu num ni hpe jahka kau mu,” ngu nna shanhte hpe tsun mu ai.

GA SHAGAWP 28:13

Tinang mara ip da ai wa gaw gan ga lu na, n rai; Mara tawngban nna koi kau ai wa chyawm gaw, n-gaw nwai ai hkam la na ra ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

YEREMIA 18:11

Dai re ai majaw, ya Yehowa ning nga ai: Yu mu, ngai nanhte a lam n hkru ai hku maw nna, nanhte a matu tsin-yam mazing da nngai: ya langai hte langai tinang a n hkru ai lam hta na kayin wa mu; nanhte a htung hking hte arawn alai hpe shading mu, ngu nna Yuda mung na ni hte Yerusalem masha ni hpe htawn tsun u, nga ai.

YEREMIA 26:13

Dai re ai majaw, nanhte a lam hte arawn alai kau da nna, nanhte a Karai Kasang Yehowa nsen hpe madat mara mu; shing rai Yehowa gaw, nanhte hpe lakap nna tsun ai ari ahpri dawm la na ra ai.

YEREMIA 35:15

Dai hta kaga ngai gaw jau jau rawt nna, nye a shangun ma myihtoi ni mahkra hpe mung, nanhte hpang de shangun dat nna, Nanhte langai hte langai hkan ai n hkru ai lam hpe koi kau mu; nanhte a arawn alai hpe shading mu; hpara tsasam ni hpe daw jau na matu hkum hkan myit; shing rai nanhte hte nanhte a nji nwa ni hpe ngai jaw da ai mungdan hta, nanhte shanu nga lu na myit dai, ngu tsun da timung, nanhte gaw tinang na pat kau nna, nye a ga n madat myit dai.

YEREMIA 35:16

Rehkab a kasha, Yonadab a kashu kasha ni gaw, tinang kawa a htet da ai ga hkan shatup ma ai rai nna, ndai amyu masha ni gaw nye a ga n madat ma ai majaw, Israela Karai Kasang Yehowa ning nga ai: Yu mu, ngai tsun ai tsin-yam tsindam mahkra hpe, Yuda mung hte Yerusalem mare ntsa e ngai shapraw na nngai: kaning rai nme law, ngai tsun timung shanhte n madat ma ai; ngai shaga timung, shanhte n htan hkraw ma ai, nga ai.

YEREMIA 4:1

Israela amyu e, nang bai wa mayu yang, gaja wa ngai hpang de bai wa nna, na a matsat shabat amu, ngai kaw na htawm kau ai rai yang gaw, nang hpe kadai sa shamawt lu na n rai;

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.