YEREMIA 5:7 - Jinghpaw Hanson Version Bible

⁷ “Ngai na a yubak hpe kaning rai raw dat kau lu na rai ta? na a kashu kasha ni gaw ngai hpe kau da nna, hpa n re ai hpara ni hpe gang let dagam masai: ngai shanhte hpe jahkru shakat ngut yang, shanhte gaw num shaw la shaw amu galaw nna, shawa num a nta hta ju nga ma ai.

Jinghpaw Common Language Bible 2009

⁷ Dai Madu gaw, “Ngai gaw hpa majaw nye a amyu masha ni a yubak ni hpe raw ya ang nga a ni? Shanhte gaw ngai hpe kau da ai hte karai ajet n rai nga ai ni hpe nawku manu ai. Ngai gaw nye a amyu masha ni hkru kat ai aten du hkra jaw sha ni ai, rai ti mung, shanhte gaw lashaw numshaw amu shut hpyit nhtawm shawa num ni hte shanhte a aten shama nga ma ai.

YEREMIA 5:7 ပူးပေါင်းရင်းမြစ်များ

2 HKAWHKAM LABAU 13:9

Nanhte mahtang Yehowa hkinjawng ni, Arun a kashu kasha ni hte Lewi masha ni hpe shachyut kau nhtawm, maigan mung na myu ni zawn tinang ra ai hte maren hkinjawng dang da myit dai, n rai ni? shing rai, kadai mung hkinjawng aya lu la na matu, usu langai hte sagu la sanit sat nawng ya nna hpa n re ai Hpara ni a hkinjawng tai nga ma ai.

YOBA 31:12

Dai gaw sung htum ai shara du hkra hkru kau ai wan rai nga nna, nye ngamu ngamai yawng, ru hte nawng, shamyit kau wu ai.

SHAKAWN KUNGDAWN 50:18

Lagu lagut mu yang, nang shi hpe ra nga nna, Num shaw ai ni hte rau mazum nga ndai.

YEREMIA 12:16

Shing rai, shanhte gaw Bala mying gang nna, nye a amyu masha ni hpe dagam sharin ai hte maren, Yehowa hkrung nga ai, nga nna nye a mying gang dagam let, nye a amyu masha ni a lam azin ayang sharin la ma yang gaw, shanhte gaw nye a amyu masha ni a ka-ang e dè nga lu na mara ai.

YEREMIA 13:27

Pa ga na kawng ni a ntsa e nang galaw ai matsat shabat ngu ai, num shaw la shaw ai, nying sharung ai hte n san n seng hpye ai amu hpe, ngai mu ni ai: Yerusalem e, nang dingnye lu ndai; nang n san n seng ai gaten du hkra naw rai nga na a ta? nga nna Yehowa tsun ai.

YEREMIA 16:20

Masha gaw, Karai Wa n re ai hpara ni hpe, tinang a matu galaw mai a ni?

YEREMIA 2:11

Masha amyu mi gaw tinang a hpara ni hpe, hpa n re hpara ni hte galai ma ai kun? nye a amyu masha ni chyawm gaw, akyu n rawng ai baw hte, tinang a arawng sadang hpe galai kau ma hka.

YEREMIA 2:31

Amyu masha ni e, Yehowa a ga hpe sumru yu mu: ngai gaw Israela amyu a matu nam mali, shing n rai, nsin htat ai mungdan tai yu ni ni? nye a amyu masha ni gaw, Anhte prang mat saga ai; nang hpang de bai wa na n rai, nga nna hpa majaw tsun nga ma ta?

YEREMIA 23:10

Kaning rai nme law, mungdan ting num shaw la shaw ai ni hpring chyat nga ma ai; matsa mawa ga majaw, mungdan yawn nga ai; nam mali na udat shara ni, ahkun ahkraw rai nga ai: mung masha ni hkan shachyut ai lam gaw n shawp ai rai nga ai; shanhte a n-gun atsam gaw tara maga de nga ai n rai.

YEREMIA 3:19

Rai timung ngai gaw, Nang hpe kasha ni hta kaning di yin la nna, ngamu ngamai ai mungdan, maigan amyu baw ni a kaja htum ai sali wunli ga, nang hpe kaning di jaw na rai ta? ngu nna san yang, Nang gaw ngai hpe, Nye Wa, nga na rin dai; ngai kaw na mung, yit mat wa lu na n rai, nga nna ngai htan nngai.

YEREMIA 3:8

Htak mat sai Israela gaw, la shaw ai hte shut ai amu galaw ai majaw ngai shi hpe kau da nna, jahka ai laika jaw timung, myit magaw ai, shi a kana Yuda gaw, n hkrit ai sha sa nna, shi mung shawa num tai nga ai hpe, ngai mu nngai.

YEREMIA 7:9

“Nanhte gaw masha rai lagu ai, masha sat ai, num shaw la shaw ai, n teng n man ai hku dagam ai, Bala man e manam pyaw ai baw nat nawng nna, tinang n chye ai hpara hpang de hkan nang let,

YEREMIA 9:1

Nye amyu shayi sha hte seng ai sat kau hkrum ai ni majaw, ngai gaw shani shana hkrap ngu hkrap ngoi nga lu hkra, nye a baw ntsin hkrai, nye a myi gaw myi prwi lwi ai hka hpawk, tai u ga law.

YEREMIA 9:2

Ngai gaw, nye a amyu hpe kau da nna pru mat wa lu hkra, nam mali hkan e jarawp lu n ga lè: shanhte yawng num shaw la shaw ai ni hte, myit magaw ai hpung rai nga ma ai.

SHARUNG SHAYAWT 3:42

Anhte tara tawt lai nna, gumlau saga ai; nang yubak raw dat kau ai, n rai.

EZEKELA 22:11

Langai mi gaw htingbu jan hpe shaw nga ai; langai mi gaw3 kanam hte shut hpyit nga ai; langai mi gaw kajan hte jaiwawng wawng nga ai.

HOSEA 11:8

“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

HOSEA 13:6

Shanhte a udat shara law ai majaw, hkru kat ma ai: hkru kat ma yang, shanhte myit kaba nna, ngai hpe, malap kau ma ai.

HOSEA 4:2

Matsa mawa, masu ai ga, masha sat ai, lagu lagut hte num shaw la shaw ai amu hkrai, rai nga ai: shanhte hpya sha nna, masha sat ai yubak matut manoi rai nga ai.

HOSEA 7:4

Shanhte yawng num shaw la shaw ai ni rai nga ma ai: shanhte gaw muk kabaw ai wa kahtet shangun ai wan htung hte bung nga ma ai: shi gaw shadung gumchya nna, muk wawm ai du hkra, dai wan hpe shagrung ra ai, n rai.

JAW JAU 20:10

Masha wa a num shaw ai wa gaw, shi shaw ai num hte rau sat kau ai teng teng hkrum lu na rai mu ai. Tinang kawa a madu jan hte nga sha ai wa gaw, dai jan hte rau sat kau ai teng teng hkrum na rai ma ai: shan lahkawng gaw si ging ai yubak lu ma ai.

AMO LAIKA (AMOS) 8:14

Samari a shut hpyit ai lam hkan nna, Dan e, na a hpara hkrung nga ai hte maren, nga nna mung, Berasheba a htung hking grin nga ai hte maren, nga nna mung, tsun dagam ai ni gaw kadawng mat nna, galoi mung bai rawt lu na n rai, nga nna Madu Yehowa tsun ai.

ZEHPANI 1:5

sumsing lamu na zaw nawng zaw wa ni hpe, tinang a nta ntsa e nawku ai ni hpe mung, Yehowa hte Malhkam hpara hpe, rau nawku nna, dagam nga ai ni hpe mung;

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

1 KORINHTU 6:9

N ding n man ai ni gaw Karai Kasang a mungdan a sali wunli n hkam la lu na re ai, nanhte n chye nga myit ni? Lam hkum dam myit: hpye ai amu galaw ai ni mung, gawngngu sumla nawku ai ni mung, num shaw ai ni mung, ngang ai ni mung, la shada tam ai ni mung,

1 KORINHTU 8:4

Dai rai nna, sumla ni hpe nawng ai hkungga sha na lam gaw, sumla gaw ga ntsa e hpa n re ai sha rai nga ai hte, langai sha rai nga ai Karai Kasang hta kaga shaje n nga ai, anhte dum chye ga ai.

GALATI 4:8

Rai timung, dai aten e nanhte Karai Kasang hpe n chye nga myit dai majaw, hking madung hku yu yang, Hpara n mai ngu ai ni a npu e, nanhte yamnga myit dai.

TARA JAHPRANG 32:15

Yeshurun chyawm ga hpum sau nna lahkat wu ai: Hpum sau ai hte shing-yan bawng nna di di tawng tawng nang rai nga ndai; Dai rai ti, hpan wa Karai hpe shi kau da nna, Shi e hkrang la ai Lunghkrung hpe n sawn wu ai.

TARA JAHPRANG 32:21

Karai Kasang n re ai hte shanhte ngai e n ju shangun nna, Shanhte a rai dum la ai myit hte shapawt mi ai: Dai re ai majaw, hti n mai ai amyu hte ngai shanhte hpe manawn shangun nna, Angawk angak re ai amyu hte shapawt na mawe ai.

HEBRE 13:4

Hkungran ai lam gaw, yawng mayawng a man e arawng lu u ga; hkungran ai yup ra mung, san seng nga u ga: kaning rai nme law, hpye ai amu galaw ai ni hte num shaw la shaw ai ni hpe, Karai Kasang tara dara na wu ai.

YAKU 4:4

La shaw ai ni e, mungkan ga hpe jinghku hku ai myit gaw, Karai Kasang hpe n dawng n yawt ai myit rai nga ai, nanhte n chye nga myit ni? Dai rai nna, mungkan ga a jinghku tai mayu ai wa kadai rai timung, Karai Kasang hpe n dawng n yawt ai wa tai nga ai.

YAWSHU 23:7

nanhte hta naw ngam nga ai ndai amyu ni hte n kanawn, shanhte a Hpara amying n gang, de a amying hte n dagam, shanhte hpe n jaw n jau, n naw n ku ai sha;