YEREMIA 5:2 - Jinghpaw Hanson Version Bible

² Shanhte gaw, “Yehowa hkrung nga ai hte maren,” nga nna dagam timung, gaja wa masu let dagam ma ai.

Jinghpaw Common Language Bible 2009

² Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

YEREMIA 5:2 ပူးပေါင်းရင်းမြစ်များ

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

YEREMIA 4:2

dai hta kaga nang gaw, hkrung nga ai Yehowa amying gang let, tengman ai hku, tara ding ai hku, dinghpring ai hku dagam lu nna, maigan amyu ni gaw, shi a amying hta tinang hkum hpe shaman ya nna, shi hta hpa let gumrawng na mara ai, nga nna Yehowa tsun ai.

2 TIMOHTI 3:5

shanhte gaw tara hkungga ai htung hkan ma timung, dai hte seng ai hpung shingkang hpe nyet kau ai ni rai nga ma ai: shing re ai ni hpe mung koi kau u.

HOSEA 10:4

Shanhte gaw ga kaman tsun nna, ga shaka tawn da yang, masu ai hku dagam ma ai: dai re ai majaw, hkauna lawk e tu ai mana hpun zawn, dawdan ai lam alawan du na ra ai.

YEREMIA 7:9

“Nanhte gaw masha rai lagu ai, masha sat ai, num shaw la shaw ai, n teng n man ai hku dagam ai, Bala man e manam pyaw ai baw nat nawng nna, tinang n chye ai hpara hpang de hkan nang let,

ESAIA 48:1

Yaku a dap nta na ni e, Israela ngu ai amying mying ai ni, Yuda hka hpawk kaw na pru ai ni; Yehowa a amying hta dagam nna, Israela Karai Kasang a mying gang timung, tengman ai hte dinghpring ai hku n hkan ai ni;

JAW JAU 19:12

Na a Karai Kasang a mying ningsang n jahpoi myit ga nye mying gang nna n teng n man ai lam hkum dagam myit: ngai gaw Yehowa rai nga nngai.

1 TIMOHTI 1:10

hpye ai amu galaw ai ni, la shada tam ai ni, masha hpe lagu ai ni, masu magaw ga tsun ai ni, masu dagam ai ni hte san seng ai sharin shaga ai ga hte nhtan shai ai lam kaga naw nga a yang gaw, de a matu mara jep ai tara tawn da nga ai:

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

HOSEA 4:15

Israela amyu e, nang shawa num tai timung, Yuda amyu n shut n hpyit u ga: Gilgala de hkum shang myit; Bet-awen de hkum lung myit; Yehowa hkrung nga ai hte maren, nga nna hkum dagam myit.

YEREMIA 44:26

Dai rai nna, Egutu mung hta sa shingbyi nga ai, Yuda masha yawng hte e, Yehowa ga madat mara mu: Yehowa ning nga ai, Yu mu Egutu mung ting hta shingbyi nga ai Yuda masha langai mi muk, Madu Yehowa hkrung nga ai hte maren, nga nna nye a mying n tsun lu hkra, ngai gaw nye a daru magam mying gang let dagam da ni ai.

ZEHPANI 1:5

sumsing lamu na zaw nawng zaw wa ni hpe, tinang a nta ntsa e nawku ai ni hpe mung, Yehowa hte Malhkam hpara hpe, rau nawku nna, dagam nga ai ni hpe mung;

YEREMIA 9:2

Ngai gaw, nye a amyu hpe kau da nna pru mat wa lu hkra, nam mali hkan e jarawp lu n ga lè: shanhte yawng num shaw la shaw ai ni hte, myit magaw ai hpung rai nga ma ai.