YEREMIA 40:1 - Jinghpaw Hanson Version Bible

¹ Ya sin langa ni a hpyen du Nebuzaradan gaw, Babelon mare de rim woi wa ang ai, Yerusalem mare hte Yuda mung na bawng dung ai ni hte hpawn, Yeremia hpe hpri sumri hte gyit tawn nhtawm, Rama mare e shi hpe dat tawn ai hpang, Yehowa mungga Yeremia kaw du pru ai.

Jinghpaw Common Language Bible 2009

¹ Hpyen luksuk ni a hpyen du Nebuzaradan gaw ngai hpe Rama mare e dat tawn ai hpang, dai Madu gaw ngai hpe mungga tsun wu ai. Ngai gaw Babelon mung de bawng dung hkrum mat wa ai Yerusalem mare masha ni hte Yuda mung masha ni yawng hte rau dai yang e sumri gyit sharen da ai hkrum nga nngai.

YEREMIA 40:1 ပူးပေါင်းရင်းမြစ်များ

2 HKAWHKAM LABAU 16:1

Ya Asa hkaw dung ai sumshi kru ning hta e, Yuda hkawhkam Asa hpang de kadai mung n shang n pru lu mu ga, Israela hkawhkam Basha gaw Yuda mung de lung nna, Rama mare hpe de da wu ai.

SHAKAWN KUNGDAWN 107:16

Magri chyinghka ni hpe shi agrawp kau nna, hpri htinggrang ni hpe kahtum kadaw di kau nu ai.

SHAKAWN KUNGDAWN 68:6

Karai Kasang gaw gram nga ai ni hpe htinggaw sharawn nna, Bawng dung ai ni hpe ngamai ai de jashawn mu ai: Je hpre ai ni chyawm gaw zaibru jang hta nga nga ma ai.

YEREMIA 31:15

Yehowa ning nga ai: Rama shara hta e ngoi ai nsen, sharung shayawt ai hte hkrap ngu hkrap ngoi ai nsen, na lu ai; Rahkela, shi a kasha ni hpe hkrap nga ai rai nna, shanhte n nga ai majaw, shalan shabran n rai lu sai.

YEREMIA 39:9

Shaloi sin langa ni a hpyen du Nebuzaradan gaw, mare kata e naw ngam nga ai ni, shi hpang de rap wa ai ni hte, naw ngam nga ai yu maya ni hpe, Babelon mare de bawng rim mat wa mu ai.

YEREMIA 42:7

Dai hpang shi ya na jang, Yehowa mungga Yeremia kaw du nna,

EZEKELA 33:21

Ya, anhte a bawng dung wa ai shi lahkawng ning na, shata shi a, manga ya shani e, Yerusalem mare na lawt lu ai wa langai mi, ngai kaw du nna, “Mare hpe jahten kau manu ai,” nga nna tsun ai.

KASA 21:13

Pawlu chyawm gaw, “Nanhte hpa rai hkrap ngu hkrap ngoi nga nna, nye myit hpe gawng run shangun ya nga myit ta? gyit hkang ai sha n-ga, Madu Yesu a amying ningsang majaw, Yerusalem e sa si hkam na pyi ngai jin jin rai nga nngai,” ngu nna htan shangap wu ai.

KASA 28:20

Shing rai, Israela amyu a myit mada ai lam a nhkan e, ndai hpri hkang hkyihkyang hte sharen ai ngai hkrum nngai majaw, ngai kaw mahtang sa tsun chyai na, ngai nanhte hpe shaga dat nngai,” ngu nna tsun mu ai.

EHPESU 6:20

ngai mai tsun ai hte maren n hkrit n kang ai sha tsun dan lu hkra, nye a n-gup hpaw ai shaloi, tsun dan lu na mung sumtu, ngai hpe jaw ya u ga, nye a matu mung akyu a hpyi nga mu.

YAWSHU 18:25

Bai, Gibeon, Rama, Rerot;

1 SAMUELA 7:17

Bai wa yang, Rama de wa du du re ai; dai yang e shi a nta rai nga sai: dai kaw mung Israela masha ni hpe tara dara ya let, Yehowa matu tawn hkungri gaw da nna nga nga ai.