YEREMIA 20:4 - Jinghpaw Hanson Version Bible

⁴ Kaning rai nme law, Yehowa ning nga ai: Yu u, ngai gaw nang hte na a jinghku ni mahkra hta, nang hpe hkrithpa lam shatai na de ai; shanhte gaw na a man e, hpyen ni a nhtu hte si na mara ai: Yuda mungdan ting hpe Babelon hkawhkam a lata de ngai ap kau nna, shi gaw mung masha ni hpe Babelon mare de rim wa nna, shanhte hpe nhtu hte sat kau na ra ai.

Jinghpaw Common Language Bible 2009

⁴ Dai Madu gaw shi nan, ‘Ngai gaw nang hkum nan hte na a jinghku ni mahkra hta nang hpe hkrit hpa lam shatai na we ai; shanhte yawng gaw gumlau hpyen ni a nhtu ni hte sat kau hkrum na mara ai hpe nang mu na rin dai. Ngai gaw Yuda amyu masha ni yawng hte hpe Babelon hkawhkam wa a lata de ap kau na we ai. Shi gaw nkau mi hpe shi a mungdan de bawng masha hku woi mat wa nna kaga ni hpe sat kau na wu ai.

YEREMIA 20:4 ပူးပေါင်းရင်းမြစ်များ

YEREMIA 29:21

Nye a amying gang let, nanhte hpe masu ga htoi ya ai, Kolaia kasha Ahab hte Masea kasha Zedekia hpe lakap nna, Israela Karai Kasang Zaw nawng zaw wa up ai Yehowa ning nga ai: Yu u, Babelon hkawhkam a lata hta ngai shan hpe ap kau nna, shi gaw shan hpe nanhte a man e sat kau na ra ai;

YEREMIA 52:27

Babelon hkawhkam gaw Hamat mung Ribla mare hta shanhte hpe kahtam sat kau mu ai. Shing rai Yuda amyu gaw tinang a mung hta na shapraw kau ai hkrum mat ma ai.

YEREMIA 6:25

Yi hkauna de hkum sa myit, lam hkum hkawm myit: hpyen wa a nhtu hte shoihpa shoirang, shara magup rai nga ai.

SHAKAWN KUNGDAWN 73:19

Ahkring sha shanhte hten mat wa ma hka! Tsin-yam kaba hte shanhte atsai awai hten mat masai.

2 HKAWHKAM 25:7

Zedekia man e shi a kashu kasha ni hpe sat kau ai hte, shi a myi hpe achyaw baw kau ya nna, hkang hkyihkyang hte gyit nhtawm, Babelon mare de woi wa mu ai.

1 SAMUELA 2:33

Na a matu mara langai ngai hpe, nye a tawn hkungri na ngai n shamyit kau ai rai yang, dai gaw, na a myi shakyaw na hte, na a myit shayawn na matu rai nga ai: rai timung na a matu mara ni yawng, mangan n nga ai si na mara ai.'

YEREMIA 13:10

Nye a ga n madat hkraw ai, tinang a myit ja ai hta hkan hkawm nna, hpara tsasam ni hpe nawku ai hte, daw jau na matu hkan nang ai, ndai n hkru ai amyu gaw, akyu n rawng ai, ndai shingkyit zawn tai mat na ra ai.

YEREMIA 13:19

dingda mare ni gaw pat kau ai hkrum nna, kadai hpaw lu ai n rai; Yuda mung ting bawng dung hkrum nga ai; atsai awai bawng dung hkrum masai.

YEREMIA 20:6

Nang Pashura hte, na a nta masha ni mahkra mung, bawng rim mat wa ai hkrum na mara ai; nang gaw Babelon mare de du na rin dai; dai yang e nang mung, na a masu ai myihtoi ga madat ai, na a jinghku ni mahkra mung, si wa nna, lup makoi ai hkrum na mara ai, ngu nna shi hpe tsun wu ai.

YEREMIA 46:5

Shanhte hkrit nna kanut mat wa ai hpe, hpa majaw ngai mu na rai ni? shanhte a share ninghkrin ni sum mat nna, n kayin yu wam ai, hprawng mat shajang ma ai: shara magup hkan e shoihpa shoirang hkrai rai nga ai, nga nna Yehowa tsun ai.

YEREMIA 52:24

Bai sin langa ni a hpyen du wa Nebuzaradan gaw, hkinjawng agyi wa Seraia hpe mung, hpunglum wa ngu ai Zehpania hte Yehowa nta chyinghka sin ai marai masum hpe mung rim la wu ai: