YEREMIA 15:5 - Jinghpaw Hanson Version Bible

⁵ Yerusalem e, nang hpe kadai matsan dum na rai ta? Na a matu kadai yawn na rai ta? Nang hkam kaja nga n ni? nga nna kadai wa shayan san na rai ta?

Jinghpaw Common Language Bible 2009

⁵ Dai Madu gaw, “Yerusalem amyu masha ni e, nang hpe kadai matsan dum nna, na a ntsa e kadai wa yawn na rai ta? Nang hkam kaja nga n ni?, nga nna kadai wa shayan san na rai ta?

YEREMIA 15:5 ပူးပေါင်းရင်းမြစ်များ

ESAIA 51:19

Katsi katsang hte marawng marang, hku wa hte ri nhtu, ndai lam lahkawng nang hkrum sha nna, na a matu sharung shayawt na kadai? Ngai nang hpe kaning rai shalan shabran lu na rai ta?

NAHUM 3:7

Shing rai nang hpe mu ai ni yawng, Ninewe mare marawng marang tai wa sahka; shi a matu kadai hkrap shabam na rai ta? shi a matu shalan shabran ai wa, ngai kanang tam na rai ta? nga nna tsun let nang kaw na hprawng na mara ai, nga nna Zaw nawng zaw wa up ai Yehowa tsun ai.

YEREMIA 21:7

Bai, Yehowa ning nga ai: Dai hpang e ngai gaw, Yuda hkawhkam Zedekia hpe mung, shi a ali ama ni hpe mung, ana zinli, ri nhtu, kawsi hpang gara ai lawt nna, ndai mare hta naw ngam nga ai mung masha ni hpe mung, Babelon hkawhkam Nebuhkadneza lata hta mung, hpyen ni a lata hta mung, shanhte a asak tam ai ni a lata hta mung ap kau nna, shi gaw shanhte hpe nhtu hte sat kau na mu ai: dai wa gaw lahpawt dum na n rai, matsan dum na n rai; yu machyi dum na n rai, ngu nna htawn tsun wu ai.

SHAKAWN KUNGDAWN 69:20

Shatan nhkan ai hte ngai myit htum nngai, Si hkra ngai machyi nga nngai; Myit yu machyi ai masha, ngai tam timung, n nga ai, Shangwi shapyaw ai wa mung, ngai n mu nngai.

YEREMIA 16:5

Bai, Yehowa ning nga ai: Sharung shayawt ai nta hta hkum shang et; si ai ni a matu yawn hkyen ai myit madun nna, hkrap ngu hkrap ngoi na, hkum sa et; nye a ngwipyaw ngu ai, n-gaw nwai hte matsan dum ai hpe ndai amyu masha ni kaw na ngai dawm la kau se ai.

YEREMIA 13:14

shaloi kahpu kanau shada mung, kawa hte kasha ni hpe mung, shada ahkawk hkat shangun na nngai: ngai matsan dum na n rai, lahpawt lama na n rai, karum la na n rai; shanhte yawng hpe shamyit kau na nngai, ngu u, nga nna Yehowa tsun ai.

YOBA 19:21

Nye a jinghku ni e, Karai Wa a lata ngai hpe hkra ai majaw, ngai hpe matsan dum e, matsan dum e law.

1 SAMUELA 25:5

Shaloi Dawi shi a ma marai shi hpe shangun dat nna, “Hkarmela mare de sa masu; Nabala hpang de sa nna nye a matu shachyen ya mi:

1 SAMUELA 17:22

Ya Dawi gaw shi gun ai arai ni, arai sin ai wa a lata hta ap da nhtawm, luksuk hpawng de gat shang nna, kahpu ni hpe shachyen wu ai.

1 SAMUELA 10:4

shanhte mung nang hpe shachyen nna, muk pa lahkawng jaw ai hpe, nang hkap la na rin dai.

TARA AGYI 18:15

Dai majaw shanhte shayan shang nna, dai Lewi shabrang wa nga ai Mihka nta de du ma ai hte shi hpe shachyen mu ai.

PRU MAT 18:7

Shaloi mawshe mung, katsa hpe tau la na nga pru nna, gum dagup nhtawm shi hpe pup wu ai: shing rai shada da hkam kaja ai lam san let, sum kata de shang wa ma ai.

SHARUNG SHAYAWT 1:17

Ziun gaw shi a lata ladawn timung, shalan shabran ai wa n nga ai: Yehowa gaw, Yaku grup yin e, hpyen ni hpe san da nu ai; Yerusalem gaw shanhte hta matsat shabat zawn rai nga ai.