YEREMIA 12:3 - Jinghpaw Hanson Version Bible

³ Nang chyawm gaw, Yehowa e, ngai hpe chye nga ndai; ngai nang hte myit hkrum ai hpe, nang dinglik yu nna mu ndai: sat kau na matu sagu ni hpe dun shapraw ai zawn, tara n lang ai ni hpe dun shapraw nna, sat na shani a matu san da mu.

Jinghpaw Common Language Bible 2009

³ Rai ti mung, Madu e, nang gaw ngai hpe chye ndai; Ngai hpa galaw ai hte ngai nang hpe kade daram tsaw ra nga ai hpe nang mu ndai. Ndai n hkru ai amyu masha ni hpe sat na sagu ni hpe zawn dun garawt mat wa u; shanhte hpe sat kau na aten ladaw da ai du hkra shanhte hpe sin da u.

YEREMIA 12:3 ပူးပေါင်းရင်းမြစ်များ

2 HKAWHKAM 20:3

“Yehowa e, ngai gaw na a man e kangka nna myit ding ai hte hkawm nga nngai rai nna, nang sharawng awng ai lam shagu hpe hkan galaw ni ai gaw, dum ya e law,” ngu nna hkrap ngu hkrap ngoi let, Yehowa hpe hpyi nem wu ai.

1 HKAWHKAM LABAU 29:17

Nye a Karai Kasang e, nang gaw kraw lawang hpe dinglik yu nna, dinghpring ai myit hpe sharawng nga ndai, ngai chye nga nngai. Ngai gaw nye dinghpring ai hta, tsawra ai myit hte ndai arung arai yawng mayawng sak jaw nngai: dai hta kaga, nang e hpawng nga ai, na a amyu masha ni mung nang hpe sak jaw ai lam, kabu gara ai myit hte ngai mada mu nngai.

YOBA 23:10

Shi mahtang ngai htinglet hkawm ai lam chye nga ai; ngai hpe dinglik yu yang, ja jet zawn ngai pru na nngai.

SHAKAWN KUNGDAWN 11:5

Yehowa dinghpring ai ni hpe dinglik yu nna, Tara n lang ai wa hte kashun kashe tsaw ai wa hpe, Shi a myit masin n dawng nga mu ai.

SHAKAWN KUNGDAWN 139:23

Karai Wa e, ngai hpe manaw yu nna, Nye a myit mang ai lam hpe chye ya e; Ngai hpe dinglik yu nna, ngai myit ai hku hpe chye ya e.

SHAKAWN KUNGDAWN 17:3

Nang nye a myit hpe dinglik ya yu nit dai; Shana e nang ngai hpe kawan yu nna, Ngai hpe chyam yu yang, hpa mung n mu ndai: Ngai myit ai lam nye a n-gup hte n shai li ai.

SHAKAWN KUNGDAWN 26:1

Yehowa e, nye a myit san pra ai hte ngai hkawm nga nna, Myit n kashai let, Yehowa hpe shamyet shanat nga nngai majaw, Ngai hpe tara dara ya e.

SHAKAWN KUNGDAWN 7:9

Tara n lang ai ni a n hkru ai lam sim mat malu ga; Dinghpring ai ni hpe mahtang shagrin mu. Dinghpring ai Karai Kasang gaw, Masin hte nhkyun ni hpe chyam yu ai wa rai nga ai.

YEREMIA 15:15

Yehowa e, nang chye nga ndai; ngai hpe dum let, kawan katsan yu nna, ngai e hkan shachyut ai ni hpe matai dawp u: shanhte hpe sharang let, ngai hpe hkum dawm la et; na a majaw ngai shatan nhkan hkrum ai hpe, dum u.

YEREMIA 17:16

Ngai chyawm gaw, na a malai sagu rem wa tai na, n hkan shachyut nngai; dai n kaja ai nhtoi hpe n marit nngai: nang chye nga ndai; nye a n-gup na pru ai ga gaw na a man e rai nga ai.

YEREMIA 17:18

Ngai hpe zingri zingrat ai ni kaya kahpa hkrum mu ga; ngai mahtang kaya kahpa n hkrum u ga; shanhte mak mat mu ga, ngai mahtang mak mat ai n hkrum u ga: ru tsang hkrum ai shani shanhte a ntsa e du shangun nna, shanhte hpe atsai awai agrawp kau mu.

YEREMIA 20:12

Dinghpring ai ni hpe dinglik yu nna, myit masin hte kraw lawang hpe chye lu ai, Zaw nawng zaw wa up ai Yehowa e, nye a amu hpe na a man e ngai shapraw dan ai majaw, nang shanhte hpe matai dawp ai lam, ngai mu lu n ga.

YEREMIA 48:15

Moba gaw marawng marang tai mat sai; de a mare ni hkru hkat mat masai; shi san da ai shabrang ni gaw, sat kau hkrum na matu yu wa masai, nga nna Zaw nawng zaw wa up ai Yehowa mying ai Hkawhkam tsun nga ai.

YEREMIA 50:27

shi a usu ni mahkra hpe sat kau mu; sat ai shara de yu wa mu ga; shanhte nhtoi du nna, ari ahpri hkrum na aten du ra ai majaw, shanhte dingnye hkrum mu ga.

YEREMIA 51:4

Shanhte gaw Hkalde a mung hta kadawng taw nna, de a mare lam ni hta galun kau ai hkrum na mara ai.

YAWHAN 21:17

Bai masum lang, “Yawhan a kasha Simun e, nang ngai hpe tsawra nga nni?” ngu nna san wu ai. Masum lang du hkra, Nang ngai hpe tsawra nga nni? nga nna shi hpe san wu ai majaw Petru myit yawn nna, “Madu e, nang gaw yawng mayawng hpe chye nga ndai; ngai nang hpe tsawra nga nngai gaw, nang chye nga ndai,” ngu nna, htan wu ai. Yesu gaw, “Nye a sagu ni hpe bau nga u.

YAKU 5:5

Nanhte gaw ga ntsa e shakawng n dawng rai nga ai hte, pyaw daw hkrai kadaw myit dai; sat ai shani hta e, nanhte gaw tinang a myit hpe kawn da manit dai.

2 PETRU 2:12

Dai masha ni mahtang gyit hkang la nna, jahten shabya na matu mara myit n leng ai ashu ashan ni zawn pra wa ai ni nan, rai nga ma ai; n chye n chyang ai hpa lam hpe mung shanhte shatan nhkan mu ai rai nna, tinang ni e jahten shabya di ai lam hta jahten shabya ai hkrum na hte, n ding n man ai amu a matu mara n ding n man ai shabrai hkam la na maru ai.