YAWHAN 3:3 - Jinghpaw Hanson Version Bible

³ Yesu gaw, “Ngai nang hpe gaja wa teng teng tsun de ga, Ntsa de nna n shangai ai masha gaw, Karai Kasang a mungdan mu lu na n rai,” ngu nna shi hpe htan wu ai.

Jinghpaw Common Language Bible 2009

³ Yesu gaw, “Ngai nang hpe kaja wa teng teng tsun de ga, ntsa de nna n shangai ai masha gaw, Karai Kasang a Mungdan mu lu na n rai,” ngu nna shi hpe htan wu ai.

YAWHAN 3:3 ပူးပေါင်းရင်းမြစ်များ

YEREMIA 5:21

myi tu ninglen n mu, na tu ninglen n na ai, nyan kata ai, angawk angak re ai amyu e, ndai ga madat mu: Yehowa ning nga ai:

EZEKELA 36:26

Myit masin ningnan ngai nanhte hpe jaw nna, nanhte a kraw lawang hta, wenyi ningnan bang ya na nngai: nanhte a hkumhkrang na nlung salum hpe ngai shaw kau nna, shan salum bang ya na nngai.

MAHTE 16:17

Dai rai nna Yesu gaw, “Bara-Yona Simun e, nang a lu ndai: ashan hte asai gaw, nang hpe dai madun dan ai n rai; sumsing lamu e nga ai nye a Wa gaw dai hpe madun dan da ndai.

MAHTE 19:24

Bai, ngai nanhte hpe tsun made ga, Sutgan lu ai wa gaw Karai Kasang a mungdan hta shang loi ai hta, gawla-uk gaw samyit na hku gale na grau loi nga ai,” ngu nna tsun wu ai.

MAHTE 21:31

“Dai yan hta na kadai wa mahtang kawa a myit hkan shatsup lu a ta?” ngu nna san wu ai. Shanhte gaw, “Kasha shadoi mahtang rai nga ai,” ngu mu ai. Yesu gaw, “Ngai nanhte hpe teng teng tsun made ai gaw, Kang hta ai ni hte shawa num ni, nanhte a shawng e, Karai Kasang a mungdan hta shang shang rai ma ai.

MAHTE 5:18

Nanhte hpe ngai teng teng tsun made ga, lamu hte aga garai n lai wa yang, dai hpe garai n shabyin byin gaw, dai jep ai tara kaw nna, ga kanu langai mi hte madin langai mi pyi, lai wa lu na n rai.

MARKU 10:14

Yesu dai hpe mu yang, myit yu pawt nga ai rai nna, “Ma ni hpe ngai hpang de sa shangun maru; shanhte hpe hkum gang shadang myit; kaning rai nme law, Karai Kasang a mungdan gaw, dai zawn re ai ni a mungdan rai nga ai.

MARKU 9:47

Na a myi nang hpe kataw shangun a yang gaw, dai hpe malawk kau u: myi lahkawng maga hkum ai hte, shanhte a matu byet n si nna, wan mung n si n krip hkraw ai,

YAWHAN 1:13

dai ni gaw, asai hte shaprat ai ni n rai, hkum shan a myit hte mung n rai, masha a myit maw ai hku hte mung n rai, Karai Kasang e shaprat ai ni she rai ma ai.

YAWHAN 1:5

Dai nhtoi gaw nsin hta htoi nga ai rai nna, nsin mahtang gaw dai hpe n chye hkap la wu ai.

YAWHAN 1:51

Bai Yesu gaw, “Ngai nanhte hpe teng teng tsun made ga, Sumsing lamu hpaw malang wa nna, Karai Kasang a lamu kasa ni gaw, Masha Kasha a ntsa e lung wa yu wa rai nga ai hpe, nanhte mu na marin dai,” ngu nna shi hpe htan tsun wu ai.

YAWHAN 12:40

Shanhte a myi hpe shi magap ya nna, Shanhte a myit masin hpe mung, shaja ya wu ai,” nga ai ga majaw, shanhte n kam n sham lu ma ai.

YAWHAN 3:4

Bai Nikodi gaw, “Masha gaw aprat kaba sayang, kaning rai bai shangai lu na a ta? kanu a hkritung de bai shang nna shangai lu na a ni?” ngu nna san wu yang,

2 KORINHTU 4:4

Karai Kasang a hkrang bung sumla ngu ai, Hkristu a hpung shingkang rawng ai kabu gara shiga a nhtoi gaw, n kam n sham ai ni hta n htoi tu u ga she, ndai mungkan ga na Hpara gaw, shanhte a myit mang ai hku shakyaw shamak kau ya manu ai.

2 KORINHTU 5:17

Hkristu hta e marai langai ngai rai nga ai teng yang gaw, shi gaw ningnan hpan da ai wa rai nga ai; dingsa hte gaw lai mat wa sai, yu mu, dai hte gaw ningnan tai wa sai.

GALATI 6:15

Kaning rai nme law, matu gadoi hkam ai lam rai timung, matu gadoi n hkam ai lam rai timung, hpa akyu n nga ai: hpan da ai hkum ningnan chyu sha, akyu rai nga ai.

EHPESU 2:1

Nanhte mung, nanhte a tawt lai ai bungli hte yubak a majaw chyasi rai nga ai shaloi e,

TARA JAHPRANG 29:4

Ngai gaw nanhte hpe mali shi ning tup dai nam mali lam hku woi wa made yang, ngai nanhte a Karai Kasang Yehowa rai nga nngai gaw nanhte chye lu hkra, nanhte a hpun palawng n tsam mat, nanhte din ai kyepdin mung n htum;

TITU 3:5

anhte hkum nan galaw ai dinghpring ai magam bungli a majaw n re ai sha, shi a matsan dum ai chyeju majaw she, bai shangai lam hte seng ai kashin kamun kau ya ai hte, anhte a hkye hkrang la ai Madu Yesu Hkristu a marang e,

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

1 PETRU 1:3

Anhte a Madu Yesu Hkristu a Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a marang e, ahkrung nga ai myit mada shara hte,

1 YAWHAN 2:29

Shi gaw dinghpring nga ai hpe nanhte dum nga myit yang gaw, dinghpring ai amu galaw ai wa kadai rai timung, shi e shangai dat ai wa rai nga ai, nanhte chye nga myit dai.

1 YAWHAN 3:9

Karai Kasang kaw nna shangai ai wa gaw, yubak n galaw ai: kaning rai nme law, shi a nli gaw shi hta rawng nga ai rai nna, Karai Kasang kaw nna shangai wa sai majaw, shi yubak galaw lu ai nrai.

1 YAWHAN 5:1

Yesu gaw Hkristu nan rai nga ai, nga nna kamsham ai wa kadai rai timung, Karai Kasang kaw na shaprat ai wa tai nga ai rai nna, dai shaprat ai wa hpe tsawra ai wa kadai rai timung, shi kaw na shaprat hkrum ai wa hpe mung tsawra wu ai.

1 YAWHAN 5:18

Karai Kasang kaw na shaprat ai wa kadai rai timung, yubak n galaw ga ai, anhte chye ga ai; Karai Kasang kaw na shaprat ai wa gaw, shi hkum hpe hkang lu ai hte, dai n hkru ai wa gaw, shi hpe n kahtep lu ai.

1 YAWHAN 5:4

Karai Kasang kaw nna shaprat ai wa kadai rai timung, dai mungkan ga hpe dang kau nu ai: padang lam chyawm gaw, anhte a makam masham rai nga mali ai.

SHINGRAN 3:14

Bai, Ladoki mare na Hpung a kasa hpe ning ngu ka dat u: Kangka re ai hte tengman ai sakse wa, Karai Kasang hpan tawn da ai a npawt nhpang, Amen ngu ai wa, ning nga nga ai: