YAKU 2:3 - Jinghpaw Hanson Version Bible

³ dai reng ai hpun palawng bu hpun ai wa hpe nanhte hkap yu mu ai rai nna, Nang e arawng lu ai shara hta dung nga u; bai, dai matsan mayan re ai wa hpe, Wonang e tsap nga u; shing n rai, nye a lagaw nhpang e dung nga u, nga nna tsun myit yang gaw,

Jinghpaw Common Language Bible 2009

³ Nanhte gaw dai reng ai hpun palawng bu hpun ai wa hpe grau hkungga nna, “Ndai kaja dik ai shara kaw dung u,” ngu nhtawm, matsan ai wa hpe gaw, “Wo nang e tsap u, shing n rai nang e nye a lagaw nhpang dun ntsa dung u,” nga ai rai yang,

YAKU 2:3 ပူးပေါင်းရင်းမြစ်များ

GA SHAGAWP 18:23

Matsan mayan wa tawngban timung, Sut su wa chyawm gaw n gawn n sawn htan nga ai.

ESAIA 65:5

bai shanhte gaw, “Nang hkrai kaga tsap nga u, ngai kaw hkum ni; ngai gaw nang hta grau chyoi pra nga nngai,” nga nna tsun ma ai. shing re ai ni gaw nye a ladi hta wan hkut, tutnawng hkru nga ai wan zawn, rai nga ai.

LUKA 23:11

Herod mung shi a hpyen masha ni hte shi hpe aroi arip di nna, jahpoi asawng nhtawm, reng ai hpun palawng jahpun nna, Pilat hpang de bai nhtang sa shangun mu ai.

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

YAKU 2:2

Kaning rai nme law, aja lachyawp chyawp nna, reng ai hpun palawng bu hpun ai masha langai mi; bai, agang chyalang re ai hpun palawng bu hpun ai matsan mayan masha langai mi, nanhte a tara jawng hta shang wa ma yang;

YAKU 2:6

Nanhte mahtang matsan mayan wa hpe n gawn n sawn di kau mu hka; sut su ai ni chyawm gaw, nanhte hpe zingri zingrat di myit dai rai nna, tinang a lata hte nan tara tingnyang ni a man de, nanhte hpe dun ahkyit la myit dai, n rai ni?

YUDA 1:16

Shanhte gaw, wu wu di di rai nna, put ngun nga ai ni, rai nga ma ai; tinang a myit marin ai hku hte maren shanhte hkan hkawm ma ai; shanhte a n-gup grang ai ga kaba tsun nga ai; sake manawn lu sha hkra, masha a myi man hpe tau yu ai ni, shanhte rai nga ma ai.