TITU 3:5 - Jinghpaw Hanson Version Bible

⁵ anhte hkum nan galaw ai dinghpring ai magam bungli a majaw n re ai sha, shi a matsan dum ai chyeju majaw she, bai shangai lam hte seng ai kashin kamun kau ya ai hte, anhte a hkye hkrang la ai Madu Yesu Hkristu a marang e,

Jinghpaw Common Language Bible 2009

⁵ anhte gaw hkye hkrang la ai hkrum saga ai. Ndai zawn hkye hkrang la hkrum ai gaw anhte nan shachyen ai mai kaja ding hpring ai magam bungli lama ma a majaw n rai, shi nan a matsan dum ai chyeju a majaw rai nga ai. Dai chyeju gaw Chyoi Pra ai Wenyi kaw na hka hte bai shangai ai hte asak ningnan lu la ai lam rai nga ai.

TITU 3:5 ပူးပေါင်းရင်းမြစ်များ

YOBA 15:14

Shinggyim masha gaw hpa wa rai nga nna, chyoi pra lu a ni? numsha hta shangai ai wa, kaning rai dinghpring lu a ta?

YOBA 25:4

Dai rai nna shinggyim masha gaw, Karai Wa man e kaning rai dinghpring lu a ta? Numsha hta shangai ai wa gaw, kaning rai san pra lu a ta?

YOBA 9:20

Ngai dinghpring, timung, nye a n-gup ngai hpe mara shagun na ra ai; ngai myit tsup, timung, ngai hpe gumlau shadu na ra ai.

SHAKAWN KUNGDAWN 130:7

Israela e, Yehowa hpe ala nga u; Yehowa gaw chyeju myit rawng nga ai rai nna, Hkye hkrang la ai lam kaba shi hte rau rai nga ai.

SHAKAWN KUNGDAWN 143:2

Na a man e hkrung mahkrung n ding n man rai nga ma ai majaw, Na a mayam wa hpe tara hkum dara et.

SHAKAWN KUNGDAWN 51:10

Karai Kasang e, ngai hta san seng ai myit hpan tawn da nna, Agrin nga na Wenyi, nye a kata e shabai bang ya e.

SHAKAWN KUNGDAWN 62:12

Madu e, nang kaw nna chyeju pru nga ai: Kaning rai nme law, tinang galaw ai hte maren, Nang langai hte langai hpe bai htang na ndai.

SHAKAWN KUNGDAWN 86:15

Madu e, nang chyawm gaw, matsan dum chye ai, Sumnung re ai, myit galu ai, chyeju kaba hte, Sadi sahka rawng ai Karai Wa, rai nga ndai.

SHAKAWN KUNGDAWN 86:5

Madu e, nang mai kaja nga nna, mara raw kau ya ndai; Nang hpe shaga ai ni nlang hte hpe, nang chyeju kaba madun nga ndai.

ESAIA 57:12

Na a dinghpring ai lam ngai shapraw dan na nngai: nang galaw sai amu gaw, hpa akyu shabyin lu ai n rai.

EZEKELA 36:25

Ngai nanhte a ntsa e san seng ai ntsin lapri nna, nanhte san seng na myit dai; nanhte hta kap ai agang chyalang yawng hte, nanhte a hpara sumla ni hta na ngai nanhte hpe jasan jaseng na nngai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

MAHTE 3:11

Ngai gaw, myit malai lu myit ga, hka hta nanhte hpe baptisma jaw made ai, rai timung, nye a hpang e du sa ai wa mahtang gaw, ngai hta n-gun grau ja ai rai nna, shi a kyepdin gun na pyi ngai n ging n dan nngai: dai wa gaw Chyoi pra ai Wenyi hta mung, wan hta mung nanhte hpe baptisma jaw na myit dai:

LUKA 1:50

Shi hpe hkrit kamyin ai ni a ntsa e, shu mashi shu masha du hkra, Shi a matsan dum ai myit anga nga ai.

LUKA 1:54

Anhte a ji wa ni hpe tsun da sai hte maren, Abraham hte shi a kashu kasha ni hpe,

LUKA 1:72

Anhte a ji wa Abraham hpe dagam da ai, dagam ga ngu ai,

LUKA 1:78

Shi a amyu hpe hkye hkrang la ai lam chye lu shangun na matu mung, Nsin, hte si ai shingnip kata e dung nga ai ni hpe htoi ya nna,

ROMA 11:14

shanhte hpe manawn shangun lu mawe yang gaw, nye a kasa aya hpe ngai shagrau sha-a nga nngai.

ROMA 11:6

Dai gaw chyeju hte rai nga a yang gaw, magam bungli majaw n rai; bungli hte rai yang gaw, chyeju lam chyeju n rai nga ai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

ROMA 3:20

kaning rai nme law, dai jep ai tara hte yubak lam hpe chye ginhka lu ai majaw, jep ai tara a magam bungli hku hte shi a man e kadai mung dinghpring ai kaw n du lu ma ai.

ROMA 3:28

Kaning rai nme law, tara a magam bungli n lawm ai sha, kamsham ai hte sha masha gaw dinghpring lu ai, anhte sawn nawn ga ai.

ROMA 4:5

Magam bungli n shachyen ai sha, tara tawt lai ai ni hpe dinghpring lu shangun ai madu hpe kamsham nga ai wa gaw, shi a kamsham ai hpe gaw, dinghpring ai, ngu ya wu ai.

ROMA 9:11

Karai Kasang shakyet da nhtawm, lata la ai lam gaw, magam bungli hte n re ai sha, shaga la ai wa a majaw she grin wa u ga, kasha yan garai n shangai ai rai nna, kaja ai hte n kaja ai hpa garai n galaw ti pyi,

ROMA 9:16

Dai rai nna, lu la mayu ai wa a myit e rai lu ai n rai, gat shakut ai majaw mung rai lu ai n rai, dai gaw chyeju rawng ai Karai Kasang a myit majaw sha rai nga ai.

ROMA 9:30

Dai re ai majaw anhte kaning ngu tsun na ma? Dinghpring ai lam n shachyut ai maigan amyu ni gaw, dinghpring ai hpe lep la ma ai; rai sa, kamsham ai hte lu la ai dinghpring ai hpe lep la ma ai:

1 KORINHTU 6:11

Nanhte nkau mi gaw shing rai chyalu ni rai nga myit dai: rai timung, nanhte gaw anhte a Madu Yesu Hkristu a mying ningsang hte, anhte a Karai Kasang a Wenyi e kashin kamun kau ai mung, shachyoi shapra ai mung, dinghpring ngu ai mung, hkam la manit dai.

GALATI 2:16

masha gaw jep ai tara a magam amu hte n rai, Hkristu Yesu a makam masham hta sha dinghpring lu ai gaw, anhte chye nga ga ai majaw, jep ai tara a magam bungli hte n rai, Hkristu hta kamsham ai hte anhte dinghpring lu u ga, anhte pyi Hkristu Yesu hta e kamsham saga ai: kaning rai nme law, jep ai tara a magam bungli hte kadai mung dinghpring ai kaw n du lu ma ai.

EHPESU 2:4

Shing rai, tawt lai ai bungli a jaw e, anhte chyasi rai nga ga timung, nachying matsan dum chye ai Karai Kasang gaw, shi a tsawra ai myit kaba a marang e anhte hpe tsawra nna,

EHPESU 4:23

nanhte a myit mang na wenyi hta ningnan wa tai nna,

EHPESU 5:26

Dai Hpung hpe hka hte mungga e hka shin kau ai hte jasan jaseng kau nhtawm, dai hpe shachyoi shapra nna, agang chyalang hte kapum kapam re ai hpa mung n lawm ai sha,

TARA JAHPRANG 9:5

Dai mungdan nang shang madu sha lu ai gaw, na a dinghpring ai a marang e mung n rai, na a myit masin tengman ai a marang e mung n rai: Yehowa na nji nwa Abraham, Isak, Yaku hte hpe dagam da ai ga shadik na majaw, na a Karai Kasang Yehowa gaw dai amyu ni hpe, tinang a n shawp ai a majaw na a man na shaden kau nu ai.

KOLOSE 3:10

hpan tawn da ai wa a hkrang bung sumla hte maren rai nga ai chye chyang ai lam hta ningnan tai wa ai gawng shing-yan ningnan hpe nanhte dagraw nga myit dai:

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

TITU 3:4

Rai timung, anhte a hkye hkrang la ai Madu Karai Kasang a chyeju hte n-gaw nwai myit dan pru wa ai shaloi e,

HEBRE 10:22

n hkru n hkra ai myit dum chyalu hte lawt hkra, anhte a kraw lawang hpe lapri bun nna, anhte a hkumhkrang hpe mung san seng ai ntsin hte kashin kamun kau ngut jang, tengman ai myit masin hte, hkum tsup re ai makam masham hte, anhte sit shang wa ga:

HEBRE 4:16

Dai rai nna, matsan dum ai hkam la lu na hte, kyin dut ai aten e shadaw shalan ai chyeju mu lu hkra, chyeju tingnyang man de, anhte nden ja ai myit hte sit shang wa ga.

HEBRE 6:6

bai htak mat wa ai ni gaw, Karai Kasang a Kasha hpe tinang hkum nan wudang hta bai jen da nna, shi hpe n gawn n sawn di kau mu ai majaw, myit malai ningnan bai lu la na matu, lam kanang mung n hku malu ai.

1 PETRU 1:3

Anhte a Madu Yesu Hkristu a Kawa Karai Kasang gaw a nga u ga: si mat ai ni kaw na Yesu Hkristu a bai hkrung rawt wa ai a marang e, ahkrung nga ai myit mada shara hte,

1 PETRU 2:10

Nanhte mung, shawng e amyu rai nga myit dai n rai, ya chyawm gaw, Karai Kasang a amyu rai wa manit dai; shawng e chyeju hkam la manit dai n rai, ya chyawm gaw, chyeju hkam la lu manit dai.

1 PETRU 3:21

Dai hka hta na zawn, ya e baptisma ngu ai kumla gaw, nanhte hpe hkye hkrang la lu nga ai; dai gaw, hkum shan hta e kap ai matsat shabat hpe sharun kau na lam n rai; Yesu Hkristu a bai hkrung rawt wa ai a marang e, Karai Kasang a man e san seng ai myit nsam tam san ai lam rai nga ai.