TITU 3:2 - Jinghpaw Hanson Version Bible

² kadai hpe mung n shatan ai hte, ga law lam n tam ai sha, myit ngwi myit pyaw rawng nna, masha yawng hte hpe lam shagu hta sumnung ai myit madun dan mu ga, shanhte hpe shadum jahprang nga u.

Jinghpaw Common Language Bible 2009

² Kadai hpe mung n kaja ai hku shatan nhkan ga n tsun ai sha sim sa ngwi pyaw hku hkau ai hku nga na hte, tut nawng masha yawng hte hpe sumnung ai myit madun dan mu ga, shanhte hpe tsun shadum nga u.

TITU 3:2 ပူးပေါင်းရင်းမြစ်များ

2 SAMUELA 22:36

Na a hkye la ai n-gang nang ngai hpe jaw nit dai; Na a myit nem ai hku hta ngai kaba wa nngai.

SHAKAWN KUNGDAWN 140:11

Baw law ai masha gaw ga ntsa e n grin lu u ga; Kashun kashe sha ai wa hpe mung, N hkru ai gaw shi hpe hkan jahten na ra ai.

GA SHAGAWP 19:19

Myit grai kahtet ai wa gaw, ari hkrum na ra ai; Shi hpe lang mi mawai la yang, bai mawai la ra na ra ai.

GA SHAGAWP 25:24

Azep ai num hte rau, masha law ai nta e nga ai hta, Nta jut hkan e nga na gaw, grau mai nga ai.

GA SHAGAWP 6:19

Masu ga tsun ai sakse wa, Kahpu kanau shada dumbru dumbra shangun ai wa rai nga ai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

MAHTE 11:29

Ngai gaw myit sumnung ai hte myit gyip nga nngai rai nna nye a kandang hpe hpai mu, nye a lam sharin la mu: dai rai yang nanhte a myit masin ban sa ai hkrum na malit dai:

KASA 23:5

Pawlu gaw, “Hpunau ni e, shi hkinjawng agyi re ai ngai n chye nna rai sai; ‘na amyu ntsa e up ai wa hpe roi lu na n rai,’ nga nna ka da nga ai,” nga nna bai yin wu ai.

1 KORINHTU 6:10

lagu lagut ni mung, nammak lawhpa ai ni mung, chyaru ya shang ai ni mung, shatan nhkan ai ni mung, dip lu dip sha ai ni mung, Karai Kasang a mungdan a sali wunli hpe hkam la lu n rai.

1 KORINHTU 9:19

Ngai gaw shing rai gade a ahkang npu e n nga timung, malaw maga hpe lum la lu hkra, yawng mayawng a mayam ngai tai nga nngai.

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

2 KORINHTU 12:20

Kaning rai nme law, nanhte hpang de ngai du yang, ngai ra ai hte maren nanhte n rai nga nna, nanhte ra ai hte maren ngai mung n rai nga na nhten, ngu nna ngai tsang nga nngai: gasat gala, manawn masham, n dawng n yawt ai, bra wa na lam, baw law ai ga, kadum kahte ai ga, grang ai ga hte kabrawng kabrang rai nga na hpe mung, ngai tsang nga nngai:

GALATI 5:22

Wenyi a asi chyawm gaw tsawra ai, kabu gara ai, ngwipyaw ai, myit galu kaba ai, matsan dum ai, mai kaja ai, kangka ai,

GALATI 6:1

Hpunau ni e, masha langai ngai n dum shami e yubak galaw hkrup a yang gaw, Wenyi rawng ai ni nanhte gaw, shing re ai wa hpe shingdi ai myit hte shadaw shalan rai nga mu: nang mung agung alau n hkrum u ga, tinang dai sadi nga u.

GALATI 6:10

Dai re ai majaw, aten ladaw naw pra nga yang, anhte masha nlang hte hpe mai kaja ai amu galaw nga ga, rai timung, makam masham a dinghku na ni hpe, grau nna galaw nga ga.

EHPESU 4:2

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

EHPESU 4:31

Myit gadun ai, sindawng katawt ai, masin pawt ai, ga law ga la ai, shatan nhkan ai amyu myu hte, n hkru n hkra ai yawng hte nawng, nanhte hte tsan gang nga u ga.

HPILIPI 4:5

Masha yawng mayawng nanhte a sumnung ai myit hpe chye wa mu ga. Dai Madu gaw ni magang wa ra ai.

1 HTESALONI 2:7

Anhte gaw nanhte ka-ang e, sumnung nga ai hte, ma masut gaw tinang a ma hpe chyu jaw ai zawn, rai wa saga ai.

1 TIMOHTI 3:11

Dai hte maren numsha ni mung, shatep shingdi rai nna, nlem ai ni n re ai sha, sadi sahka hte lam shagu hta kangka re ai ni, rai lu na rai.

1 TIMOHTI 3:3

chyaru len ai wa hte anu ajin re ai wa mung n re ai sha, sumnung ai, ga law ga la ai myit n rawng ai, aja gumhpraw n tsaw ai hte,

YAKU 3:17

Ntsa de na hpaji byeng-ya chyawm gaw, shawng npawt e san seng ai rai nga ai; dai hpang e, htingrai htingrat chye ai, sumnung ai, shingdi ai, matsan dum ai hte kaja ai asi hte hpring nga ai, gale galau n re ai hte hpyi hpun n chye ai hpaji byeng-ya rai nga ai.

YAKU 4:11

Hpunau ni e, nanhte shada da nsu nnawn ga hkum tsun myit. Tinang a kahpu kanau hpe nsu nnawn ga tsun nga ai, shing n rai, jeyang ai wa gaw, dai tara hpe nsu nnawn ga tsun nga nna jeyang ai wa rai nga ai. Dai tara hpe nang jeyang nga ndai rai yang gaw, tara jeyang ai wa nang tai nga ndai.

1 PETRU 2:1

Dai re ai majaw, dai Madu gaw n-gaw nnyeng rai nga ai hpe, nanhte chyim yu manu yang gaw,

1 PETRU 3:10

Dai rai nna, “Asak hkrung ai tsawra nga ai hte Nhtoi kaja mu mayu ai wa kadai mung Shi a shinglet hpe n hkru ai kaw na, Shi a nten hkalem ga kaw na, jahka la u ga.

1 PETRU 3:8

Dai hta n-ga, nanhte nlang shada da myit hkrum nna, myit yu machyi ai, hpunau shada da tsawra nna, matsan dum ai hte myit gyip ai;

1 PETRU 4:4

Nanhte gaw shawng na ladu nan ahkut ai matsat shabat lam hta e, shanhte hte rau n gat nang lawm manit dai majaw, nanhte hpe shatan nhkan let, amau nga ma ai;

2 PETRU 2:10

Dai ni gaw nden ja ai ni hte, tinang a myit hkan nna, hpung shingkang rawng ai ni hpe n hkrit kamyin ai sha, shatan nhkan nga ai ni rai nga ma ai;

YUDA 1:10

Dai ni mahtang gaw, shanhte n chye n chyang ai hpa lam hpe mung, shatan nhkan nga ma ai; myit n leng ai ashu ashan ni zawn, tinang myit hte chye na lu ai lam hta pyi, tinang dai tinang hkum hpe jahten shabya kau mu ai.

YUDA 1:8

Shanhte chyawm gaw dai hte maren tinang a yup mang hta, hkum shan hpe awu asin di kau mu ai, ahkang aya lu ai wa hpe ndang kau mu ai hte, hpung shingkang rawng ai ni hpe, shatan nhkan di kau mu ai.