TITU 3:1 - Jinghpaw Hanson Version Bible

¹ Ahkang aya lu ai du ni a npu e taw nga nna, madat mara nga na hte, kaja reng ai magam bungli shagu a matu chyip chyip rai nga let,

Jinghpaw Common Language Bible 2009

¹ Mungdan up hkang ai ni hte ahkaw ahkang lu ai ni a npu e taw nga nna madat mara nga na matu mung, mai kaja ai magam bungli nga manga hpe galaw na jin jin rai nga na matu mung, na a hpung masha ni hpe shadum nga u.

TITU 3:1 ပူးပေါင်းရင်းမြစ်များ

GA SHAGAWP 24:21

Ngai sha e, Yehowa hte hkawhkam wa hpe, hkrit kamyin nga u; Myit gale galau re ai ni hte hkum kanawn et:

HPAJI NINGLI 10:4

Du wa gaw nang hpe myit kahtet yang, na a aya hpe hkum kau da u; hkam sharang ai myit gaw yubak kaba hpe yeng kau chye ai.

ESAIA 43:26

Ngai hpe shadum e; tara dangrang hkat ga: nang mara lawt lu hkra, na amu hpe tsun u.

YEREMIA 27:17

Shanhte a ga hpe hkum madat myit; Babelon hkawhkam hpe daw jau nna hkrung nga mu; ndai mare hpa majaw katsi katsang shara tai na rai ta?

MAHTE 22:21

“Kehta a sumla hte masat rai nga ai,” ngu mu ai. Shaloi shi gaw, Dai rai yang gaw, “Kehta hte seng ai hpe gaw, Kehta hpe ya mu; Karai Kasang hte seng ai hpe mung, Karai Kasang hpe ya mu,” ngu nna shanhte hpe tsun mu ai.

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

EHPESU 2:10

Kaning rai nme law, anhte shi a magam bungli rai nga ga ai; mai kaja ai bungli shachyen na, Hkristu Yesu hta e hpan da ai ni gaw, anhte rai nga ga ai: dai mai kaja ai bungli hta anhte hkawm nga u ga, Karai Kasang gaw dai ni hpe shawng nnan e lajang tawn da mu ai.

TARA JAHPRANG 17:12

Na a Karai Kasang Yehowa man e amu gun hpai ai hkinjawng wa hte tara agyi wa a ga n madat ai, dingsa sa tawt lai ai wa gaw sat kau ai hkrum na rai nna, Israela amyu hta na n shawp ai amu seng kau lu na rai ndai.

HPILIPI 1:11

nanhte a tsawra ai myit gaw chye chyang ai hte myit leng ai yawng hta grau nna jat htam wa na matu ngai a hpyi nga nngai.

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

1 TIMOHTI 2:2

hkawhkam ni hte ahkang aya lu ai ni mahkra a matu mara mung, hpyi nem ai, akyu hpyi ai, hpyi htinglu ya ai hte shakawn kungdawn nga u ga, shaje mahkra a shawng e, ngai shadut jahkat dat nngai.

1 TIMOHTI 4:6

Ndai lam hte gaw nang hpunau ni hpe shadum jahprang nga n yang gaw, nang hkan nang nga ai makam masham a mungga hte mai kaja ai sharin shaga ai lam hta pan kaba wa ai majaw, Hkristu Yesu a amu gun hpai wa kaja, nang rai na ndai.

1 TIMOHTI 5:10

kaja ai bungli galaw yu ai rai nna gumhkawng nga ai jan; kashu kasha hpe lanu lahku yu ai; manam daw yu ai, chyoi pra ai ni a lagaw hpe kashin yu ai, nni nkri hkrum ai ni hpe galaw bau ai hte, kaja ai amu bungli shagu hta azin ayang hkan galaw yu ai rai a yang gaw, gaida jahpan laika hta shang u ga.

2 TIMOHTI 1:6

Dai re ai majaw, ngai lata mara jaw ai hte, nang hta rawng ai Karai Kasang a chyeju hpe naw wut shagrung ya na, ngai nang hpe shadum dat de ai.

2 TIMOHTI 2:14

Ndai lam ni shanhte hpe shadum jahprang nga u; hpa akyu n shabyin ai hta n-ga, na lu ai ni a myit hpe gale galau shangun ai ga hte gasat ningjet n nga mu ga, Karai Kasang a man e shanhte hpe hkang da u.

2 TIMOHTI 2:21

Dai re ai majaw, dai ni hta na tinang hkum hpe jasan jaseng kau ai wa rai yang gaw, chyoi pra ai, madu lang ging ai hte, amu kaja shagu a matu hkyen da ai arawng lu ai wa rai na ra ai.

TITU 1:16

Karai Kasang hpe chye chyang ga ai, nga ma timung, matsat shabat re ai ni hte n madat mara ai ni rai nga nna, mai kaja ai amu yawng mayawng a matu n htuk ma ai majaw, tinang a arawn alai hte shi hpe nyet kau ma ai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

TITU 3:14

Anhte a masha ni mung asi kata ai ni n rai mu ga, lang ra ai lam hta lang lu hkra, mai kaja ai amu shachyen chye na sharin la mu ga.

TITU 3:8

Ndai ga gaw kangka re ai ga rai nga ai rai nna, Karai Kasang hpe kamsham ai ni gaw, kaja reng ai magam bungli a shachyen nga na myit dum nga mu ga, ndai lam ni hpe nang grai ngu tsun shangang ya na, ngai ra nga nngai. Dai lam ni gaw masha a matu mai kaja nga ai rai nna akyu rawng nga ai:

HEBRE 13:21

Yesu Hkristu a marang e, shi a man e sharawng awng ai lam anhte hta shachyen ya let, shi a myit hkan nang lu hkra, kaja ai amu bungli shagu hta nanhte hpe jahkum shatsup myit ga; Yesu Hkristu kaw htani htana prat dingsa hpung shingkang anga nga u ga law. Amen.

2 PETRU 1:12

Dai rai nna, nanhte dai hte hpe chye nga ai hte, ya rau rai nga ai tengman ai ga hta agrin nga myit timung, dai lam ni nanhte hpe shadum jahprang na, ngai tut tut naw atsang nga nngai.

YUDA 1:5

Nanhte chyawm gaw, nlang hte hpe lang lata sha, chye nga myit timung, ngai nanhte hpe shadum jahprang mayu ai lam da ndai rai nga ai: dai Madu gaw Egutu mung de nna amyu baw hpe shaw la ngut jang, hpang de e n kam n sham ai ni hpe jahten kau mu ai: