TITU 2:2 - Jinghpaw Hanson Version Bible

² dingla ni gaw, myit sharam chye ai tem si re ai, myit su nna, kamsham ai, tsawra ai hte shakut sharang ai hta, kunghpan wa mu ga.

Jinghpaw Common Language Bible 2009

² Asak kaba sai dingla ni hpe chyaru n len ai sha sadi na matu, temsi rai nga na matu, mu mada chye na ya na matu hte tinang hkum hpe hkang lu na matu mung, teng man ai makam masham rawng nga na hte, tsaw ra nna shakut sharang ai lam hta hpring tsup kunghpan nga mu ga mung sharin shaga u.

TITU 2:2 ပူးပေါင်းရင်းမြစ်များ

YOBA 12:12

Aprat kaba ai ni gaw, hpaji byeng-ya rawng ma ai; asak galu ai ni gaw, myit su nga ma ai.

SHAKAWN KUNGDAWN 92:14

Yehowa dingman nga ai gaw, shana ya lu na, Shanhte gaw prat nga ai shaloi e asi naw si nna, Sau rawng ai hte kat kat rai na mara ai.

GA SHAGAWP 16:31

Baw hpraw ai gaw, dinghpring ai lam hta grin nga yang, Arawng sadang janmau rai nga ai.

ESAIA 65:20

“Dai mare hta ma chyangai e si na n rai, asak n dik ai dingla mung nga na n rai; asak latsa hta si ai wa hpe, ma naw ngu na rai nga ai; yubak kap ai wa gaw asak latsa hta si yang, dagam dala hkrum ai wa,” ngu na rai nga ai.

JAW JAU 19:32

Baw hpraw sai wa a man e nang rawt tsap lu na rai ndai; dingla wa a myi man hpe hkungga lu na rai ndai; na a Karai Kasang hpe hkrit hkungga nga lu na rai ndai; ngai gaw Yehowa rai nga nngai.

MARKU 5:15

Shanhte Yesu kaw du ma yang, Legio lawm ai nat kap ai wa gaw, hpun palawng bu hpun nna, shawoi na myit hte dung nga ai hpe, shanhte mu mu ai rai nna, hkrit kahpra mat ma ai.

LUKA 8:35

Shanhte mung dai byin ai lam yu yu na pru sa wa ma ai: shanhte Yesu kaw du ma yang, nat ni pru mat wa ai wa gaw hpun palawng bu hpun nna, shawoi na myit hte Yesu a lagaw nhpang e dung nga ai hpe, mu ma ai rai nna hkrit kahpra mat ma ai.

KASA 24:25

Pawlu gaw dinghpring ai lam, tinang hkum hkang ai lam hte du magang ra ai tara dara ai lam shapraw dan wu yang, Hpilik kajawng nna, “Ya naw wa su, ngai rau jang me nang hpe shaga na de ai,” ngu wu ai.

ROMA 12:3

Dai rai nna, kadai mung tinang hkum hpe shadawn sharam ai hta nau wa n rai dum ai sha, Karai Kasang gaw langai hte langai hpe makam masham ren di nna karan jaw ai hte maren, mai myit ai lam chyu sha myit nga n ga, ngu nna ngai hpe jaw ai chyeju hte, nanhte kaw na langai hte langai hte hpe, ngai tsun dat nngai.

1 KORINHTU 15:34

Dingman ai hku hkan na, dum hprang mu, yubak hkum galaw myit; nkau mi gaw Karai Kasang hpe n chye ma ai: nanhte kaya dum myit ga, ning nga ngai tsun nngai.

1 KORINHTU 9:25

shingjawng poi hta hkying hkat ai ni gaw, lam shagu hta htang gam nga ma ai. Shanhte gaw hten byak chye ai janmau lu la hkra sharang ma ai; anhte chyawm gaw hten byak n chye ai janmau lu la hkra sharang ga ai.

2 KORINHTU 5:13

Kaning rai nme law, anhte myit n gring nga ga ai rai yang gaw, Karai Kasang a matu mara n gring nga ga ai; gring nga ga ai rai yang gaw, nanhte a matu mara gring nga ga ai.

GALATI 5:23

myit nem ai hte tinang myit hpe hkang lu na rai nga ai: dai lam hte hpe hkum lu na tara mi n nga ai.

HPILIPI 4:8

Dai hta kaga, hpunau ni e, hpa tengman ai lam rai timung, hpa htuk htap re ai lam rai timung, hpa dinghpring ai lam rai timung, hpa san seng ai lam rai timung, hpa sharawng awng ai lam rai timung, hpa sha-a ram ai lam rai timung, arawng re ai lam lama ma, shakawn kungdawn re ai lam lama rai nga yang gaw, dai lam hte hpe myit ada yu nga mu.

1 HTESALONI 5:6

Anhte gaw shana hte mung, nsin hte mung, n seng ga ai; dai re ai majaw masha gale zawn anhte n yup nga ai sha, a maja nga nna htauli htaula rai nga ga:

1 HTESALONI 5:8

Anhte chyawm gaw shani hte seng ga ai majaw, htauli htaula rai nga nna, makam masham hte tsawra ngu ai sinda magap hpe dagap nga ai hte, hkye hkrang la ai de myit mada ai lam ngu ai hpri gup chyawp hpe chyawp nga ga.

1 TIMOHTI 1:10

hpye ai amu galaw ai ni, la shada tam ai ni, masha hpe lagu ai ni, masu magaw ga tsun ai ni, masu dagam ai ni hte san seng ai sharin shaga ai ga hte nhtan shai ai lam kaga naw nga a yang gaw, de a matu mara jep ai tara tawn da nga ai:

1 TIMOHTI 1:14

Hkristu Yesu hte seng ai makam masham hte tsawra ai hte hpawn, anhte a Madu a chyeju gaw ladat hta lai hkra law htam wa sai.

1 TIMOHTI 1:2

Kawa Karai Kasang hte anhte a Madu Hkristu Yesu kaw na chyeju, matsan dum ai hte ngwipyaw ai gaw, anga nga u ga law.

1 TIMOHTI 1:5

Dai daru jet kau ai ga a chyahtum chyawm gaw, san seng ai kraw lawang hte mai kaja nga ai myit nsam a tsawra ai hte, sawt ai n lawm ai makam masham nan, rai nga ai.

1 TIMOHTI 3:11

Dai hte maren numsha ni mung, shatep shingdi rai nna, nlem ai ni n re ai sha, sadi sahka hte lam shagu hta kangka re ai ni, rai lu na rai.

1 TIMOHTI 3:2

Dai re ai majaw Hpung up wa gaw, mara n kap ai wa, num langai sha lu ai wa, sadi sahka ai, myit gring ai, si si re ai, manam daw ai lam sharawng ai hte sharin shaga maka rawng ai wa, rai lu na rai;

1 TIMOHTI 3:4

tinang nta hpe atsawm sha up hkang nga nna, tinang a kashu kasha ni hpe mai ang ai hku hte chye hkang ai wa mung, rai na rai.

1 TIMOHTI 3:8

Dai hte maren hpungtau ni mung, shatep shingdi re ai ni rai lu na rai: ga mashe n rawng ai, tsabyi n lu lai ai hte, n seng ai amyat n marin ai sha,

1 TIMOHTI 5:1

Hpung salang wa hpe hkum daru kau u, kawa hpe zawn shi hpe shadum jahprang u; shabrang ni hpe kahpu kanau zawn,

TITU 1:13

Dai sakse teng nga ai. Dai rai nna, Yuda maumwi hpe mung, tengman ai lam hpe jahka kau ai masha ni a htet da ai ga hpe mung, n madat la ai sha,

TITU 1:8

manam daw ra ai, mai kaja ai lam tsawra ai, si si re ai, dinghpring ai, chyoi pra ai, tinang hkum hkang chye ai wa hte,

TITU 2:7

lam shagu hta kaja reng ai magam bungli a ningli nang hkum nan madun dan u:

HPILEMON 1:9

dingla wa Pawlu rai nga nngai hte, ya e Hkristu Yesu a bawng dung ai wa mung rai nga nngai majaw, tsawra ai hku she nang hpe hpyi nem dat na, ngai grau ra nngai:

1 PETRU 1:13

Dai re ai majaw, nanhte a myit kraw lawang a nshang hta shingkyit kyit nna, htauli htaula hta grin nga let, Yesu Hkristu dan pru wa ai shaloi e, nanhte hpang de la sa na ra ai chyeju hpe, myit mada nga mu.

1 PETRU 4:7

Arai yawng mayawng htum mat na aten ni magang wa ra ai. Dai re ai majaw, nanhte myit su rai nga nna, akyu hpyi na matu htauli htaula rai nga mu.

1 PETRU 5:8

Nanhte htauli htaula rai nga mu; a maja nga mu; nanhte a gumlau wa ngu ai, Nat gaw, kadai wa hpe mahtang mayu kau lu na, nga nna shabam ai hkanghkyi zawn, ningwan kahkrang hkawm nga ai.

2 PETRU 1:6

chye chyang ai hta koi gam ai, koi gam ai hta shakut sharang ai, shakut sharang ai hta tara hkungga ai,