TITU 2:11 - Jinghpaw Hanson Version Bible

¹¹ Kaning rai nme law, a rawng ai myit mada ai lam ngu ai, galu kaba htum ai Karai Kasang hte anhte a hkye hkrang la ai Madu Hkristu Yesu a hpung shingkang a dan pru na lam a la nga let;

Jinghpaw Common Language Bible 2009

¹¹ Hpa majaw nga yang, Karai Kasang gaw masha amyu yawng hpe shi a hkye hkrang la ai chyeju shapraw shadan dan nu ai.

TITU 2:11 ပူးပေါင်းရင်းမြစ်များ

SHAKAWN KUNGDAWN 67:2

Amyu shagu na a hkye hkrang la ai lam, chye na lu mu ga, na a myi man a nhtoi anhte hpe jahtoi ya mi. [Selah.]

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

SHAKAWN KUNGDAWN 96:10

“Yehowa gaw Hkawhkam rai nga ai,” Ngu nna masha amyu ni hpe tsun dan mu; Gaja wa, mungkan ga hpe shi tawn da nna, Dai gaw shamu shamawt nga ai n rai; Amyu baw ni hpe malang ai hku, shi dawdan na ra ai.

ESAIA 45:22

Lamu ga htum hkra shanu nga ai ni e, ngai hpe mada yu nna, hkye hkrang la ai hkam la mu: ngai hkum nan Karai Kasang rai nga nngai; ngai hta kaga kadai n nga ai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

ZEHKARIA 12:10

“Dawi a nta ntsa e mung, Yerusalem mare na ni a ntsa e mung, chyeju dum ai hte tawngban ai myit, ngai ru bun na nngai; shanhte gaw tinang galun waw ai, ngai hpe, mu mada na mara ai rai nna, kasha shingtai a matu hkrap ai zawn, shanhte gaw shi a matu hkrap ngu hkrap ngoi na mara ai: kasha alat a matu myit ru ai zawn, shi a matu myit ru na mara ai.

ZEHKARIA 4:7

“Bum kaba e, nang kadai rai n ta?” “nang gaw Zerubabela man e layang tai na ndai; shi gaw magum nlung hpe mara da nna, masha ni gaw, Dai hta chyeju nga u ga, chyeju nga u ga, nga nna jahtau garu na mara ai,” nga nna ngai hpe tsun ai.

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

MARKU 16:15

Bai shi shanhte hpe, “Nanhte mungkan ting chyam hkra hkawm sa wa nna, shinggyim masha amyu baw shagu hpe, dai kabu gara shiga hpe hkaw dan mu.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

LUKA 3:6

Shaloi ahkrang ashan yawng gaw, Karai Kasang a hkye hkrang la ai lam mu lu na mara ai, nga nna myihtoi Esaia laika hta ka da ai ga hte maren rai wa sai.

YAWHAN 1:14

Dai Mungga gaw masha a hkum shan dagraw la nna, chyeju hte tengman ai hpring let, anhte hta nga nga yu sai rai nna, Kawa hta na Kasha shingtai a hpung shingkang zawn, anhte shi a hpung shingkang hpe, mu lu sagaw ai.

YAWHAN 1:9

Mungkan ga de sa nga let, masha nlang hte hpe jahtoi ya ai nhtoi majing chyawm gaw, nga nga sai.

KASA 11:23

Dai wa du nna, Karai Kasang a chyeju mu lu yang, kabu gara nga ai hte, shanhte dai Madu hta lashum shawt manoi manat nga na matu, nlang hte hpe shadum jahprang mu ai:

KASA 13:43

Tara jawng na bra mat wa jang, Yuda ni hte tara hkungga ai proselutu ni law law wa, Pawlu yan Barnaba kaw hkan nang ma ai rai nna, Karai Kasang a chyeju hta shanhte grin nga na matu, shanhte hpe shadum jahprang shaja mu ai.

KASA 13:47

Kaning rai nme law, ‘Lamu ga htum hkra hkye hkrang la ai lam tai wa hkra, Ngai nang hpe, maigan amyu ni a matu nhtoi shatai sade ai,' nga nna shi Madu anhte hpe hkang dat mani ai,” ngu nna tsun mu ai.

KASA 17:30

N na n chye nna lai mat sai prat hpe, Karai Kasang shatawt lai kau wu timung, ya gaw, shara magup hkan na masha nga yawng hpe, myit malai lu mu, nga nna hkang dat ra ai:

KASA 20:24

Ngai chyawm gaw, nye a gat shadu ra ai lam hpe mung, Karai Kasang a chyeju kabu gara shiga lam sakse hkam na matu, Madu Yesu kaw na ngai lu la ai magam hpe mung, ngut hkra gun hpai lu na rai yang, nye asak hpe pyi lahpawt nngai n rai.

ROMA 10:18

Rai timung, ngai tsun nngai gaw, Shanhte n na yu ma hka kun? Gaja wa teng teng, “Mung shagu hkan e shanhte a nsen gaw, Mungkan ting hta shanhte a mungga pri rai wa sai,” nga ai.

ROMA 5:15

Rai timung, tawt lai ai lam zawn, chyeju kumhpa lam rai nga ai n rai; kaning rai nme law, marai langai mi a shut hpyit ai jaw e ga daga si mat ma sayang gaw, Karai Kasang a chyeju hte, Yesu Hkristu ngu ai masha langai mi a chyeju hte jaw ai kumhpaw kumhpa gaw, lanlak a matu grau nna law htam wa na rai nga sai.

ROMA 5:2

Yesu a gawp e mung, ya lu la sagaw ai chyeju hta e, anhte kamsham ai hte shang lu saga ai rai nna, Karai Kasang a hpung shingkang hpe myit mada nga let, kabu gumrawng nga ga ai.

2 KORINHTU 6:1

Karai Kasang a chyeju hpe n gawn n sawn nanhte n hkam la myit ga, shingdep shingtau ai ni anhte mung, shadum jahprang dat ga ai.

GALATI 2:21

Karai Kasang a chyeju hpe ngai gang kau nngai n rai: kaning rai nme law, dinghpring ai gaw jep ai tara hta lu la a yang gaw, Hkristu gaw kaman lila sha si hkam kau nu ai.”

EHPESU 2:5

Hkristu hte hpawn jahkrung ma ni ai; chyeju hte sha nanhte hkye hkrang la ai hkrum manit dai;

EHPESU 2:8

Kaning rai nme law, makam masham a marang e, chyeju hte sha, nanhte hkye hkrang la ai hkrum manit dai: dai gaw nanhte kaw na n rai, Karai Kasang a kumhpaw kumhpa sha rai nga ai:

KOLOSE 1:23

shi a si hkam ai a marang e, shi a hkumhkrang na ashan hta e shi ya e nanhte hpe htinglu htinglai ya manit dai: dai kabu gara shiga a gun hpai ai wa ngai Pawlu nan tai wa ni ai.

KOLOSE 1:6

Dai kabu gara shiga gaw, mungkan ting chyam hkra du dep wa ai hte, nanhte na yu nna Karai Kasang a chyeju hpe teng teng chye chyang lu ai nhtoi kaw nna, nanhte hta asi si nna kaba wa lu ai hte maren, mungkan ting e mung, asi si nna kaba wa lu ai.

2 HTESALONI 2:16

Ya, anhte hpe tsawra nga nna, chyeju a jaw e anhte hpe htani htana shangwi shapyaw ai hte, mai kaja ai myit mada shara jaw ai, anhte a Wa Karai Kasang hte anhte a Madu Yesu Hkristu nan,

1 TIMOHTI 1:14

Hkristu Yesu hte seng ai makam masham hte tsawra ai hte hpawn, anhte a Madu a chyeju gaw ladat hta lai hkra law htam wa sai.

1 TIMOHTI 2:4

masha yawng mayawng hkye hkrang la ai hkrum lu nna, tengman ai lam a chye chyang ai kaw du lu mu ga, shi ra nga ai.

2 TIMOHTI 1:10

dai lam gaw moi chyaloi nhkoi kaw nna, Hkristu Yesu hta e anhte hpe jaw da ma ni ai rai timung, anhte a hkye hkrang la ai Madu Hkristu Yesu paw pru ai a majaw, ya e shadan shaleng dat nu ai; shi gaw si hkrung si htan hpe yeng kau da nna, dai kabu gara shiga hte asak hkrung ai lam mung, n hten n bya re ai lam mung, shadan dat nu ai:

2 TIMOHTI 4:17

Rai timung, nye a jaw e dai hkaw dan ai ga hpe dan dan hkaw shahproi lu nna, maigan amyu ni yawng na la lu hkra, dai Madu gaw ngai hpang maga de rau tsap nga nna, ngai hpe n-gun shaja ya ai hte, hkanghkyi a n-gup hta na mawai la ai ngai hkrum ni ai.

HEBRE 12:15

Nanhte hta na langai ngai, Karai Kasang a chyeju hkam la ai hta n yet mat myit ga mung, nanhte hpe sharu shatsang lu hkra, hka la ai ru tu pru nna, law malaw hpe awu asin di kau ai n hkrum myit ga mung,

HEBRE 2:9

Lamu kasa ni hta loi mi sha shagrit kau hkrum ai Yesu chyawm gaw, si hkrung si htan a nni nkri hkam la wu ai majaw, hpung shingkang hte arawng sadang ka-up nga ai hpe, anhte mu lu ga ai; shing rai shi gaw, Karai Kasang a chyeju majaw, masha yawng mayawng a matu, si hkam ai hkrum nga ai.