TITU 1:9 - Jinghpaw Hanson Version Bible

⁹ masan maseng re ai sharin shaga ai lam e shadum jahprang lu na mung, nhtan shai ai ni hpe shachye shachyang lu na mung, sharin tawn da ai lam hte maren kangka re ai mungga hpe manoi manat ai wa, mai rai nga ai.

Jinghpaw Common Language Bible 2009

⁹ Shi gaw Hpung a sharin shaga ai lam hte myit hkrum nna kam hpa mai ai dai mungga hpe ngang ngang kang kang manoi manat ai wa, rai lu na rai nga ai. Shing rai yang she shi gaw dai teng man ai sharin shaga ai lam hte masha ni hpe n-gun jaw myit gang la lu na hte, dai mungga hte n htan shai ninghkap ai ni a shut ai lam hpe madi madun lu na rai nga ai.

TITU 1:9 ပူးပေါင်းရင်းမြစ်များ

YOBA 2:3

Bai Yehowa gaw, “nye a shangun ma Yoba hpe nang matsing da nu ni? Ga ntsa e shi hte bung ai wa n nga ai; shi gaw dinghpring ai hte kangka ai wa rai nga nna, Karai Kasang hpe hkrit kamyin let, yubak mara hpe koi kau ai wa rai nga ai: mara n nga ai, shi hpe jahten na nga, nang ngai hpe shadut timung, shi gaw shi a dinghpring ai myit hta naw agrin nga ai,” ngu nna Satan hpe tsun wu ai.

YOBA 27:6

Nye dinghpring ai hta ngai dakan nga nna, n yen nngai; ngai hkrung nga dingsa nye myit ngai hpe mara shagun lu ai, n rai.

GA SHAGAWP 23:23

Tengman ai hpe mari la u, hkum dut kau et; Hpaji byeng-ya, sharin achyin ai hte chye chyang ai hpe mung, mari la u.

KASA 18:28

kaning rai nme law, Yesu gaw Hkristu nan rai nga ai, nga nna Chyum laika hku madun let, Yuda ni hpe dan dan leng leng, aja awa tsun kapat kau nga ai.

1 KORINHTU 14:24

Nlang hte wa myihtoi htoi yang chyawm gaw, n kam n sham ai wa, shing n rai n chye na ai wa langai ngai shang lawm yang gaw, nlang hte a shadum jahprang ai ga, nlang hte a jeyang ai ga, shi na la hkrup wu ai;

1 HTESALONI 5:21

Lam yawng mayawng hpe chyam dinglik yu nga mu, mai kaja ai hpe mahkyu nga mu.

2 HTESALONI 2:15

Dai re ai majaw, hpunau ni e, anhte a sumtu ga hte rai timung, nanhte hkam la lu myit dai matsun maroi ga hta lahpran tsap nga nna, ting ting di nga mu.

1 TIMOHTI 1:10

hpye ai amu galaw ai ni, la shada tam ai ni, masha hpe lagu ai ni, masu magaw ga tsun ai ni, masu dagam ai ni hte san seng ai sharin shaga ai ga hte nhtan shai ai lam kaga naw nga a yang gaw, de a matu mara jep ai tara tawn da nga ai:

1 TIMOHTI 1:15

Yubak kap ai ni hpe hkye hkrang la na matu mara, Hkristu Yesu gaw mungkan ga de du ra ai, nga ai ga gaw, kangka re ai hte gaja wa hkam la ging ai ga rai nga ai.

1 TIMOHTI 1:19

Dai lam hte hpe nkau mi shinggan kau nna, makam masham li hta na bunghkup mat masai.

1 TIMOHTI 4:9

Dai mungga gaw tengman ai hte gaja wa hkam la ging ai ga rai nga ai;

1 TIMOHTI 6:3

Marai langai ngai nhtan shai ai sharin shaga ai lam sharin ya nna, anhte a Madu Yesu Hkristu a hkam kaja ai mungga hte tara hkungga ai lam hte bung ai sharin shaga ai lam hpe n awlaw lawm a yang gaw,

2 TIMOHTI 1:13

Ngai kaw na nang na la sai masan maseng mungga ningli hpe, Hkristu Yesu hte seng ai kamsham nna tsawra ai myit hte, gumnoi nga u.

2 TIMOHTI 2:2

Sakse law law a man e ngai kaw na nang na la sai lam hte hpe, masha kaga hpe sharin achyin chye ai kangka re ai masha hte kaw htawt ap ya u.

2 TIMOHTI 2:25

nhtan shai ai ni hpe sumnung ai myit hte sharin achyin ya lu na, mai nga ai: shing di yang, tengman ai ga hpe chye chyang lu mu ga, Karai Kasang gaw shanhte hpe gaja wa myit malai lu na chyeju jaw nna,

2 TIMOHTI 3:14

Nang chyawm gaw, kadai ni kaw na sharin achyin ya ai hkam la nit dai mung, Hkristu Yesu hta kamsham ai a marang e hkye krang la ai hkrum lu hkra,

2 TIMOHTI 4:3

Kaning rai nme law, htawm hpang na prat e masha ni gaw, masan maseng ai sharin shaga ai lam hpe n madat hkam la lu ai hte, shanhte a ana kaya kaprep nna, tinang a myit kayut ai hku hte maren, tinang a matu mara sara shalaw la nhtawm,

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

TITU 2:1

Nang chyawm gaw, masan maseng re ai sharin shaga ai lam hte jaw ang ai ga, a tsun nga u:

YUDA 1:3

Tsawra ai ni e, anhte guji gumyu a hkye hkrang la ai lam, nanhte hpe ka da na, ngai shaja nga nngai shaloi e, chyoi pra ai ni kaw lang lata sha ap ya da ai makam masham lam a matu mara gasat shakang na, nanhte hpang de ka dat nna shadum jahprang shara nga ai, ngai mu hkrup nga nngai.

SHINGRAN 2:25

rai timung, nanhte lu ai made gaw, ngai du ai du hkra a manat nga mu.

SHINGRAN 3:11

Ngai alawan du na ring ngai; na a janmau hpe kadai mung n la kau ya u ga, nang lu ai made hpe a sin nga u.

SHINGRAN 3:3

Dai re ai majaw, nang kaning rai hkam la lu ai hte, na la lu ai lam hpe bai dum u; dai hta hkan nang nga nna, myit malai lu u. Nang n maja nga taw gaw, lagu lagut zawn ngai du na ring ngai; gara aten e ngai nang kaw du sa na ring ngai mung, nang n chye na ndai.