TITU 1:2 - Jinghpaw Hanson Version Bible

² Karai Kasang a mayam hte, Yesu Hkristu a kasa tai nga ai, ngai Pawlu gaw, makam masham lam rau sha hkan ga ai majaw, ngai Sha majing re ai, Titu hpe, ga shana dat nngai.

Jinghpaw Common Language Bible 2009

² Dai Nawku htung gaw htani htana asak hpe myit mada ai lam hta npawt de da nga ai. Masu magaw n chye ai Karai Kasang gaw, moi chyaloi nhkoi kaw nna htani htana asak anhte hpe jaw na matu ga ndat jaw da mani ai.

TITU 1:2 ပူးပေါင်းရင်းမြစ်များ

ESAIA 1:20

Shing n rai, nyet kau let gumlau myit yang gaw, ri nhtu hte si na myit dai,” nga nna Yehowa n-gup nan tsun nga ai.

BU HKAWM 23:19

Karai Kasang masu na gaw, shi masha n rai, Myit malai lu na gaw masha kasha n rai: Tsun kau ngut sayang, n shagrin ai nga na a ni? Ndat da ngut sayang, n shatup ai nga na a ni?

MAHTE 25:34

Shaloi e dai Hkawhkam wa gaw shi a hkra maga de nga ai ni hpe, “Nye a Wa kaw na shaman ya lu la ai ni e, sa marit; ginding aga nnan lat kaw nna nanhte a matu lajang tawn da ai mungdan ngu ai sali wunli hpe hkam la mu:

MAHTE 25:46

Shaloi shanhte gaw n htum n wai ari de shang wa na mara ai; dinghpring ai ni mahtang n htum n wai asak de shang lu na mara ai,” ngu wu ai.

MARKU 10:17

Bai, lam e sa wa nga yang, marai langai mi shi kaw gat du nna, shi a man e lahput hput di let, “Mai kaja ai Sara e, n htum n wai asak sali wunli lu la hkra, ngai hpa mi galaw na rai ta?” ngu nna shi hpe san wu ai.

MARKU 10:30

zingri zingrat hkrum ai hte hpawn, ndai aprat hta e nta, kahpu kanau, kajan, kanu, kashu kasha hte yi hkauna hte hpe htam latsa dang, n lu la na wa, n nga ai: htawm hpang prat e gaw n htum n wai asak lu la na ra ai.

YAWHAN 10:28

ngai shanhte hpe n htum n wai asak jaw da we ai rai nna, shanhte galoi mung hten bya ai hkrum na n rai; nye a lata na shanhte hpe gade e kashun la ya lu na n rai.

YAWHAN 17:2

ngai nsha wa e na a hpung shingkang shapraw ya lu n ga, nsha wa a hpung shingkang hpe mung, shapraw ya e law.

YAWHAN 17:24

“Wa e, gingding aga garai n lat kaw nna, nang ngai hpe tsawra nga ndai majaw, nang ngai e jaw ai hpung shingkang hpe, ngai hpe jaw da ai ni mung mada mu lu mu ga, ngai nga ai shara e shanhte ngai hte rau nga nga lu na hpe, ngai ra nga nngai.

YAWHAN 5:39

Chyum laika ni hta nna nanhte htani htana asak lu la na re ai, nga nna myit myit dai majaw, dai laika ni hta nanhte hkan sawk yu yu rai myit dai: dai laika ni nan nye a lam sakse hkam nga ai:

YAWHAN 6:54

Nye a ashan sha nna, nye a asai lu ai wa gaw, htani htana asak lu la nu ai: dai wa hpe mung, hpang jahtum na nhtoi hta ngai sharawt la na we ai:

YAWHAN 6:68

Shaloi Simun Petru gaw, “Anhte kadai hpang de wa na rai nga a ta? nang gaw htani htana asak hte seng ai mungga lu ndai:

KASA 15:18

Ndai lam hpe chyi nma kaw nna shachye shachyang ai Madu tsun nga ai,” nga ai.

ROMA 1:2

Karai Kasang gaw moi moi shi a myihtoi ni e ndat da ai, shi a Kasha a lam ngu ai, Karai Kasang a kabu gara shiga a jaw e san da hkrum ai, ngai Pawlu gaw,

ROMA 16:25

Amyu baw shagu makam masham a madat mara ai lu la hkra, htani htana Karai Kasang a matsun maroi ga majaw, myihtoi laika ni a jaw e kajai gara pri rai nga ai, chyi nma hpri nhpra e kyem da nhtawm,

ROMA 2:7

kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

ROMA 5:2

Yesu a gawp e mung, ya lu la sagaw ai chyeju hta e, anhte kamsham ai hte shang lu saga ai rai nna, Karai Kasang a hpung shingkang hpe myit mada nga let, kabu gumrawng nga ga ai.

ROMA 5:21

rai timung, yubak gaw si hkrung si htan hte up hkang nga ai hte maren, anhte a Madu Yesu Hkristu a marang e, htani htana asak lu la hkra, chyeju gaw dinghpring ai hte up hkang nga lu u ga, yubak law htam wa ai hte yang e, chyeju gaw grau nna law htam wa sai.

ROMA 5:4

shakut sharang ai gaw myit marai ai, myit marai ai gaw myit mada ai shabyin nga ai hpe, anhte chye ga ai:

ROMA 6:23

Kaning rai nme law, yubak a shabrai gaw si mat ai rai nga ai; Karai Kasang a chyeju kumhpa chyawm gaw, anhte a Madu Hkristu Yesu hta e, htani htana asak rai nga ai.

KOLOSE 1:27

Dai sung htum ai lam chyawm gaw, shi a chyoi pra ai ni hpe ya e shadan dan nu ai; ndai sung htum ai lam a hpung shingkang ngu ai sutgan gaw, maigan masha ni hta hpa rai nga ai gaw, shanhte hpe shadan dan u ga, Karai Kasang gaw ra nga ai: dai gaw, Hkristu gaw nanhte hta e nga ai hpe, hpung shingkang myit mada ai lam ngu ai, rai nga ai.

1 HTESALONI 2:15

Yuda ni chyawm gaw dai Madu Yesu hpe sat kau ai hte, myihtoi ni hpe mung, anhte hpe mung, zingri zingrat di mi ai rai nna, Karai Kasang a tsawra ai hku n tam ma ai hte, masha yawng mayawng hte nhtan shai nga ma ai:

1 HTESALONI 5:8

Anhte chyawm gaw shani hte seng ga ai majaw, htauli htaula rai nga nna, makam masham hte tsawra ngu ai sinda magap hpe dagap nga ai hte, hkye hkrang la ai de myit mada ai lam ngu ai hpri gup chyawp hpe chyawp nga ga.

1 TIMOHTI 6:12

Dai makam masham hte seng ai mai kaja ai gasat gala ai hpe a gasat nga u: htani htana na asak hpe magra noi nga u: dai hta e nang hpe shaga la nna, sakse law law ni a man e mai kaja ai sakse nang hkam ya nit dai.

1 TIMOHTI 6:19

asak majing ngu ai asak hpe magra noi lu mu ga, du magang ra ai aprat a matu mara mai kaja ai sutgan npawt tinang dai mahkawng da mu, ngu nna shanhte hpe a hkang nga mu.

2 TIMOHTI 1:1

Hkristu Yesu hta e rawng ai asak jaw na lam a ga ndat hte maren, Karai Kasang a myit ra ai hku majaw, Hkristu Yesu a kasa rai nga ai, ngai Pawlu gaw, nye tsawra ai ngai sha Timohti hpe, ga shana dat nngai.

2 TIMOHTI 1:9

Karai Kasang gaw anhte a arawn alai majaw n rai, shi hkum nan myit hpang da ai hte chyeju a majaw sha, anhte hpe hkye hkrang la nna, chyoi pra ai shaga la ai ga hte shaga da ma ni ai:

2 TIMOHTI 2:10

Dai re ai majaw, lata la hkrum ai ni mung, Hkristu Yesu hta na hkye hkrang la ai chyeju hte nawng, htani htana a hpung shingkang hpe hkam la lu mu ga, dai ni a matu mara hkrum mahkrum ngai hkam sharang nga nngai.

2 TIMOHTI 2:13

anhte kangka n rai lu timung, shi gaw kangka rai nga ai; kaning rai nme law, shi gaw shi hkum dai ndang kau lu ai n rai.

2 TIMOHTI 2:15

Nang chyawm gaw, kaya shara n rawng ai sha, dai tengman ai mungga hpe ding ding chye hpajang ai magam gun hpai wa zawn, Karai Kasang a man e myi man pa lu hkra, na hkum shadan dan na, a shaja nga u.

TITU 2:13

anhte hpe sharin ya na matu, Karai Kasang a chyeju gaw dan pru wa sai rai nna, masha yawng hpe hkye hkrang la ai lam hpaw wa sai:

TITU 2:7

lam shagu hta kaja reng ai magam bungli a ningli nang hkum nan madun dan u:

TITU 3:7

dai rai nna, shi a chyeju hte dinghpring ai hkrum lu ga ai majaw, htani htana asak lu la na lam myit mada nga ai hte maren, anhte sali wunli hkam la ai ni rai na ga ai.

1 YAWHAN 2:25

Anhte hpe jaw da ai ga n dat chyawm gaw, n htum n wai asak hkam la na ga n dat rai nga ai.

1 YAWHAN 5:20

Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

YUDA 1:21

n htum n wai asak lu la hkra, anhte a Madu Yesu Hkristu a matsan dum ai lam hpe a la nga let, tinang dai, Karai Kasang a n-gaw nwai ai myit hta anga nga mu.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying n ka lawm ai mungkan masha nlang hte gaw, dai matse labye hpe nawku na mara ai.

SHINGRAN 17:8

Nang mu ai matse labye gaw, shawng de nga yu sai, ya gaw n nga ai, rai timung sung htum ai shara kaw na lung wa magang ra ai rai nna, hten byak ai de sa wa na ra ai. Ginding aga nnan lat kaw nna tinang a amying asak laika hta n ka lawm ai, ga ntsa e nga ai masha ni gaw, dai matse labye a nga yu sai hte ya n nga ai, bai nga na ra ai lam ni hpe mu lu ai shaloi, mau mahka na mara ai.

1 SAMUELA 15:29

Dai hta n-ga, Israela Daru shingkang magam gaw, masu chye ai n rai, myit galai chye ai n rai; myit galai bai lu na gaw, shi shinggyim masha n rai,” ngu wu ai.