TARA JAHPRANG 9:2 - Jinghpaw Hanson Version Bible

² ‘Anak masha ni a man e kadai wa tsap lu a ta?’ nga ai ga nang na yu nna chye lu ai, dai Anakim ngu ai galu kaba ai hte shing-yan hkra ai amyu hpe mung gasat gawt kau lu na matu, dai ni Yawdan hka wora hkran rap lu ningtawn rai nit dai.

Jinghpaw Common Language Bible 2009

² Dai mung na masha ni gaw galu kaba nna n-gun ja ai masha ni rai nga ma ai majaw kadai mung shanhte a man e n tsap lu nga ai ngu nna tsun gara ai lam hpe nanhte na yu na manit dai.

TARA JAHPRANG 9:2 ပူးပေါင်းရင်းမြစ်များ

YOBA 11:10

Shi lai wa let, nang hpe sharen da nna, salang bawng shaga yang, shi hpe kadai hkum da lu na rai ta?

PRU MAT 9:11

Dai shu gaw lakle sara ni hta mung, Egutu masha mahkra hta mung kap wa ai majaw, lakle sara ni gaw Mawshe a man e n tsap lu ma ai.

Daniela 11:16

Shi hpe gasat sa wa ai wa gaw, shi ra ai hte maren galaw nna, shi a man e kadai n tsap lu na ra ai: shi gaw reng htum ai mungdan hta tsap nga nna, shi a lata hta hten byak ai lang na ra ai.

Daniela 8:4

Dai sagu la gaw sinna de, dingdung de, dingda de daru gasat ai, ngai mu nngai: hpa ashu ashan mung hkap daw lu ai n rai; shi a lata na mawai la lu ai wa mung kadai n nga ai: shi galaw mayu ai hte maren shi galaw nna, shi hkum hpe shagrau shatsaw wu ai.

AMO LAIKA (AMOS) 2:9

Rai timung ngai gaw, arit hpun hte maren tsaw nna, wamyi hpun zawn ja ai Amori masha ni hpe, shanhte a man e shaza kau ni ai: gaja wa, ndung de na asi hpe mung, npawt de na aru hpe mung ngai shaza kau nngai.

NAHUM 1:6

Shi sindawng kahtet yang, kadai tsap nga lu na rai ta? shi masin pawt bu yang, kadai hkap ban lu na rai ta? shi a pawt bu kahtet ai gaw, wan zawn ru bun nga nna, shi a lata hte lunghkrung ni, agrawp mat ai hkrum nga ai.

BU HKAWM 13:22

Shing rai shanhte dingda maga hku jawt hkawm wa nna, Hebron mare de du ma ai; dai yang e Anak a kashu kasha Ahiman, Sheshai, Talmai ni nga ma ai: Hebron mare chyawm gaw, Egutu mung na Zoan mare garai n de yang sanit ning a shawng e de sai rai nga ai.

BU HKAWM 13:28

Rai timung, dai mung na masha ni gaw n-gun ja ai hkrai rai ma ai: mare ni mung, bunghku kum ai hte grai kaba malu ai; dai hta n-ga Anak a amyu masha ni hpe mung anhte mu da sagaw ai.

BU HKAWM 13:33

Nehpelim ngu ai amyu hta na prat ai Anak a kashu kasha Nehpelim masha ni hpe mung anhte mu da sagaw ai: shanhte a man e anhte gaw hkagrit hkadawn zawn she nawn ai wa rai nga ai; shanhte mung anhte hpe dai zawn sha a nawn kau na mi ai,” nga nna tinang sa yu da ai mung a lam Israela kashu kasha ni hpe shiga chyahten wa tsun dan mu ai.

TARA JAHPRANG 1:28

Anhte gade wa lung wa na i? anhte a hpunau ni mung, Dai mung na masha ni gaw, anhte hta grau kaba ma ai, shing-yan mung grau galu ma ai; mare ni mung kaba ai hte, bunghku ni gaw lamu dep malu ai; dai hta kaga, dai mung hta e Anakim amyu masha ni hpe anhte mu gaw ai, nga nna anhte hpe minla byaw shangun ma ni ai,’ nga nna nanhte gaw tinang a sum ni hta aput myit dai.

TARA JAHPRANG 2:21

dai ni gaw galu kaba nna, law htam ai hte Anakim masha ni zawn hkum shing-yan tsaw ai amyu rai ma ai:

TARA JAHPRANG 7:24

Shanhte a hkawhkam ni hpe mung na a lata hta ap kau nna, shanhte a nsang mying ni hpe pyi sumsing lamu npu na seng kau na rai nga ai: shanhte hpe n shamyit kau lu dingsa na aman e kadai tsap lu na n rai.

YAWSHU 11:21

Dai hte yang Yawshu sa nna, Anak masha ni hpe bum ga hkan na mung, Hebron, Debira hte Anab mare na mung, Yuda bum ga hkan na mung, Israela bum ga hkan na mung, jahtum kau wu ai: Yawshu gaw shanhte hte shanhte a mare ni hpe atsai awai shamyit kau mu ai.

YAWSHU 11:22

Israela kashu kasha ni a mungdan hta naw ngam ai Anak masha ngu na langai mi muk n nga sai: Gaza, Gahta, Ashdod mare ni hta sha nga sai.

YAWSHU 15:14

Hkaleb gaw dai mare na Anak a kasha masum, Sheshai, Ahiman, Talamai hte hpe shachyut kau nhtawm,