TARA JAHPRANG 8:2 - Jinghpaw Hanson Version Bible

² Na a Karai Kasang Yehowa nang hpe shagrit chyam yu nna, shi a hkang da ai ga hpe hkan nang mayu ai myit rawng ai n rawng ai chye lu hkra; lai mat wa sai mali shi ning tup woi hkawm ai nam mali lam dingdung hpe dum nga u.

Jinghpaw Common Language Bible 2009

² Nanhte hpe chyam yu na nga, yak hkak jam jau lam ni hpe dat dat nna shi a hkang da ai ga ni hpe hkan sa madat mara let hkan galaw mayu ai myit rawng n rawng chye lu hkra nga, lai mat wa sai mali shi ning tup dai Madu nanhte a Karai Kasang kaning rai woi hkawm ai nam mali lam galu hpe myit dum nga mu.

TARA JAHPRANG 8:2 ပူးပေါင်းရင်းမြစ်များ

NINGPAWT NINGHPANG 22:1

Ya dai hte a hpang e Karai Kasang gaw Abraham hpe chyam yu na nga, “Abraham e,” ngu nna shaga wu ai; shi gaw, “Ngai nang nga nga nngai,” ngu nna htan wu ai.

2 HKAWHKAM LABAU 32:31

Rai timung, shi a mung hta mauhpa amu byin ai lam, Babelon du salang ni san yu na matu, kasa shangun dat yang, shi hpe chyam yu na hte, shi myit masin hta rawng ai lam mahkra hpe chye lu hkra, Karai Kasang gaw shi hpe dat tawn da wu ai.

2 HKAWHKAM LABAU 33:12

Shing rai ruyak hkrum yang, shi a Karai Kasang Yehowa hpe akyu hpyi nna, kaji kawa ni a Karai Kasang man e ja ja myit nem let,

2 HKAWHKAM LABAU 33:19

Shi akyu hpyi nna, Karai Kasang hpe tawngban ai lam, shi myit garai n nem yang na, shi a yubak mara, shi shut hpyit ai hte tsaw ai kawng ni a shara ni de da nna, Asherim sumla ni hte tawk ka ai sumla ni hpe shadun ai lam, myihtoi ni a laika hta ka da nga ai.

NEHEMIA 9:19

na a galu kaba ai chyeju hte, dai nam mali hkan e shanhte hpe kabai kau da mu ai, n rai: shanhte hpe lam madun na matu, shani na sumwi shadaw hte, shana e shanhte hkawm sa wa yang, shanhte sa wa na lam jahtoi ya na matu, shana na nhtoi shadaw mung, hkoi mat ai n rai.

YOBA 33:17

Shing rai, masha maw ai hku shi hkum kau ai hte, gumrawng gumtawng rawng ai myit, pat kau wu ai.

SHAKAWN KUNGDAWN 103:2

Nye a myit masin e, Yehowa hpe sha-a nga u, Shi a chyeju yawng hte hpe hkum malap kau et.

SHAKAWN KUNGDAWN 106:7

Egutu mung na anhte a ji woi ni, Na a mauhpa bungli hpe, mung n yu nna, Na a kaba la ai chyeju hpe, n dum ma ai rai nna, Dai hkyeng ai Nawng makau e pyi gumlau nga ma ai.

SHAKAWN KUNGDAWN 136:16

Nam mali hku e shi a amyu hpe lakawn wa ai wa hpe, shakawn mu, Shi a chyeju htani htana agrin nga ai.

SHAKAWN KUNGDAWN 77:11

Yehowa a amu bungli ngai shana ya nna, Chyaloi nhkoi na mauhpa bungli hpe, adum nga na nngai.

SHAKAWN KUNGDAWN 81:7

Ru tsang hkrum yang nang shaga nna, ngai nang hpe mawai la de ai; Mu ngoi ai nsen hte ngai nang hpe htan ya de ai: Meriba hka makau e, ngai nang hpe chyam yu de ai. [Selah.]

PRU MAT 15:25

Dai majaw shi gaw Yehowa hpe hpyi jahtau wu ai; Yehowa mung shi hpe hpun langai mi madun wu ai rai nna, hpun dai hpe hka hta kabai bang wu yang, hka dai mu wa ai. Dai yang e shi shanhte a matu ga madat hte hkang ai tara langai mi tawn da nna, dai yang e shanhte hpe chyam yu wu ai:

PRU MAT 16:35

Israela kashu kasha ni gaw masha nga ai ga de du ai du hkra, mali shi ning tup manna muk sha ma ai; Hkanan mung a lamu ga jarit du ai du hkra shanhte manna sha nna nga ma ai.

PRU MAT 16:4

Dai rai nna Yehowa gaw Mawshe hpe, “Yu mu, ngai nanhte a matu lamu de na muk jahtu ya na made ai; shaloi shanhte shani shagu sa nna lani mi na matu ram tup ram tup hta la na rai ma ai: shin rai nye a tara hpe shanhte hkan nang ma ai kun, n hkan nang ma ai kun, ngai chyam yu na mawe ai.

PRU MAT 20:20

Shaloi Mawshe gaw, “Hkum hkrit myit; nanhte hpe chyam yu na matu mung, nanhte yubak n galaw hkra, shi hpe hkrit hkungga nga na matu mung, Karai Kasang yu hkrat wa ra ai,” ngu nna amyu masha ni hpe tsun wu ai.

GA SHAGAWP 17:3

Bunghkrawng gaw gumhpraw hpe, adi gaw aja hpe jen nga ai; Yehowa chyawm gaw, myit masin hpe dinglik yu nga ai.

ESAIA 2:17

Dai shaloi gumrawng gumtawng dum ai wa gaw shagrit kau ai, myit kaba ai wa gaw shanem kau ai hkrum nna, Yehowa shi chyu sha, dai shani e shagrau sha-a ai hkrum na ra ai.

YEREMIA 2:6

Shanhte gaw, Egutu mung na anhte hpe woi wa nna, nam mali hku, zaibru jang hte nhkun sawng ai mung, hkun hkraw ai hte si du a shingnip ka-up ai mung, kadai n lai yu ai hte masha kata ai mung hku woi ga wa ai Yehowa gaw kanang rai nga a ta? nga nna n san ma ai.

EZEKELA 20:19

ngai gaw nanhte a Karai Kasang Yehowa rai nga nngai: nye a matsun maroi ga hpe hkan mu, nye a tara dara ai lam ni hpe hkan galaw mu:

AMO LAIKA (AMOS) 2:10

Amori masha ni a mungdan hpe madu lu na matu, ngai nanhte hpe Egutu mung na woi shapraw nna, mali shi ning tup, nam mali hkan e woi lakawn wa nngai.

BU HKAWM 14:33

Nanhte a si mang ni ndai nam mali e nyawp mat ma hkra, nanhte a kashu kasha ni gaw, nanhte gumlau ai yubak gun nna ndai nam e mali shi ning tup kayin hkawm nga na masai.

LUKA 18:14

Nanhte hpe ngai tsun made ga, kang hta ai wa gaw Hparishe wa hta dinghpring ai grau lu la nna, nta de bai yu wa nu ai: kaning rai nme law, tinang hkum shagrau ai wa kadai mung grit mat ai hkrum na ra ai; tinang hkum shagrit ai wa chyawm gaw, shagrau ai hkrum na ra ai,” ngu mu ai.

YAWHAN 2:25

masha wa a lam hpe gade e muk sakse sa hkam ya na, n ra ai majaw mung, shi hkum nan shanhte hta myit n krem da wu ai.

TARA JAHPRANG 1:3

Hesbon e dung ai Amori hkawhkam Sihon hte, Edri makau e, Ashtarot e dung ai Bashan hkawhkam Oga hpe sat kau wu ai hpang e,

TARA JAHPRANG 1:33

ndai amu a lam hta nanhte kamsham myit dai n rai.

TARA JAHPRANG 13:3

Nang n chye ai Hpara shaje hpang de sit sa nna nawku ga nga tsun yang, dai nang hpe madun ai lamik kumla hte mauhpa amu byin lu ai rai timung,

TARA JAHPRANG 2:7

Kaning rai nme law, na a Karai Kasang Yehowa gaw lam shagu hta nang hpe shaman ya nit dai; ndai nam mali kaba hta e nang hkawm sa wa ai lam hpe shi dum ya nga ai; ndai mali shi ning tup na a Karai Kasang Yehowa gaw nang hte rau nga nga sai rai nna, nang hpa mung n ra hkra rai nit dai,’ ngu nngai.

TARA JAHPRANG 29:5

nanhte muk mung n sha, tsabyi hte chyaru mung n lu ra myit dai.

TARA JAHPRANG 32:7

Moi chyaloi nhkoi na hpe dum mu, Lai mat wa sai prat ni hpe aru yu mu; Na nwa hpe san u, shi tsun na ra ai, Dingla ni hpe gawn yu u, shanhte hkai dan na mara ai.

TARA JAHPRANG 7:18

na a Karai Kasang Yehowa Hpara-u hte Egutu mung ting hta galaw nu ai amu ni, nang dai myi chyi mu lu ai chyam dinglik lam kaba ni;

TARA JAHPRANG 8:16

nang hpe shagrit chyam yu nna, hpang jahtum e nang hpe chyeju madun na nga, na a nji nwa ni pyi n chye ai manna hte dai nam mali kata e nang hpe bau maka ai na Karai Kasang Yehowa hpe nang malap kau nhtawm,

YAKU 1:3

agung alau amyu myu hpe kadup hkrum myit dai shaloi e kabu gara shara kaba rai nga ai, myit la mu.

YAKU 4:10

Dai Madu a man e myit shanem nga mu, shaloi shi nanhte hpe shagrau na marin dai.

YAKU 4:6

Shi mahtang gaw grau kaba ai chyeju a jaw nga ai. Dai rai nna, Karai Kasang gaw gumrawng gumtawng ai ni hpe gang hkum kau nna, myit nem ai ni hpe chyeju jaw ya wu ai, nga nna laika tsun nga ai.

1 PETRU 1:7

ya chyahkring chyahkra e gunglau amyu myu hte nanhte yawn hkyen hkrum nga myit timung, dai hkye hkrang la ai lam a gawp e, nanhte grai kabu gara nga lu myit dai.

SHINGRAN 2:23

Shi a kashu kasha ni hpe si lam hte ngai sat kau na we ai: shaloi, nhkyun hte kraw lawang hpe sawk yu ai wa ngai rai nga nngai gaw, Hpung ni yawng chye lu n mara ai: nanhte hta na langai hte langai hte hpe, tinang ni a amu hte maren ngai htang jaw na made ai.

TARA AGYI 2:22

shing di, shanhte a kaji kawa ni Yehowa lam hkan shatsup ai zawn, shanhte hkan nang na kun, n hkan nang na kun gaw, naw ngam ai amyu ni a lata hte Israela hpe ngai chyam yu na we ai,” nga ai.

TARA AGYI 3:4

Yehowa, Mawshe a n-gup hta shanhte a kaji kawa ni hpe hkang da ai matsun maroi ga hte maren, hkan na n hkan na chye lu hkra, Israela hpe chyam yu na matu ngam da ai rai nga ai.