TARA JAHPRANG 7:8 - Jinghpaw Hanson Version Bible

⁸ Yehowa nanhte hpe tsawra ai majaw mung, na nji nwa ni hpe dagam da ai ga shaka shatup mayu wu ai majaw mung, nang yam nga ai Egutu mung na hkawhkam Hpara-u a lata na, shi a n-gun ja ai lata hte nang hpe hkye la nna woi wa nit dai.

Jinghpaw Common Language Bible 2009

⁸ Rai ti mung nanhte a kaji kawa ni hte tawn da ai shi a ga sadi hpe shatup mayu wu ai majaw, dai Madu nanhte hpe tsaw ra nga manit dai. Dai rai nna Egutu hkawhkam a mayam tai nga ai kaw na shi a galu kaba ai n-gun hte nanhte hpe shalawt la nhtawm hkye la manit dai.

TARA JAHPRANG 7:8 ပူးပေါင်းရင်းမြစ်များ

NINGPAWT NINGHPANG 19:16

Shi chyawm gaw a ganyi nga ai, rai timung Yehowa shi hpe matsan dum nga ai majaw, dai lamu kasa yan gaw shi hte shi a madu jan hpe mung, shi a shayi sha yan hpe mung lata hta dun nna shapraw nhtawm, dai mare shinggan e woi tawn mu ai.

NINGPAWT NINGHPANG 19:29

Karai Kasang gaw dai ginwang na mare ni hpe jahten kau wu ai shaloi Karai Kasang Abraham hpe dum wu ai rai nna, Lawt nga ai mare ni hpe galau ka-up kau wu ai shaloi, dai galau ka-up kau ai hta na Lawt hpe dat dat wu ai.

2 SAMUELA 22:20

Shi ngai hpe dam lada re ai shara de shapraw la nna Ngai hta awng nga ai majaw, mawai la ni ai.

1 HKAWHKAM 10:9

Nang hta sharawng awng nna, Israela mungdan tingnyang hta nang hpe dung shangun ai, na a Karai Kasang Yehowa gaw a nga u ga law: Yehowa gaw Israela amyu hpe prat dingsa e tsawra nga ai majaw, dingman ai hku tara dawdan na matu, shi nang hpe hkaw dung shangun nit dai,”

1 HKAWHKAM LABAU 16:16

Prat hkying mi a matu hkang da ai mungga hpe, Prat dingnawng e adum nga mu.

2 HKAWHKAM LABAU 9:8

Nang hpe tsawra nna, na a Karai Kasang Yehowa a malai hkawhkam tai na nga, shi a tingnyang hta nang hpe dung shangun ai, na a Karai Kasang Yehowa gaw a nga u ga law: na a Karai Kasang gaw Israela hpe tsawra nna, prat dingsa shagrin da mayu ai majaw, dingman ai hku tara dawdan na matu shi nang hpe hkaw dung shangun nit dai,” ngu nna hkawhkam wa hpe tsun wu ai.

SHAKAWN KUNGDAWN 105:42

Kaning rai nme law, shi tsun da ai chyoi pra ai ga hte, Shi a mayam Abraham hpe shi dum nga ai.

SHAKAWN KUNGDAWN 44:3

Shanhte a nhtu hte dai mungdan hpe shanhte madu lu mu ai n rai, Shanhte a lata gaw shanhte hpe hkye la mu ai n rai: Na a hkra lata, na a lahpum, na a myi man a nhtoi hte, shanhte hkye hkrang la ai hkrum mu ai; Kaning rai nme law, nang shanhte hpe tsawra mu ai.

SHAKAWN KUNGDAWN 44:4

Karai Kasang e, nang nye a Hkawhkam rai nga ndai, Yaku amyu a matu hkye hkrang la ai lam hpaw da u.

PRU MAT 13:14

“Hpang prat e, Ndai hpa rai ta? nga nna na nsha nang hpe san yang, nang gaw, Egutu mung e mayam nta kaw na n-gun rawng ai lata hte Yehowa anhte hpe shaw la mi ai:

PRU MAT 13:3

Mawshe mung dai amyu masha ni hpe tsun wu ai gaw, “Nanhte yamnga ai nta, Egutu mung na nanhte pru wa lu ai dai ni nhtoi hpe dum nga mu: Yehowa nanhte hpe ningsam rawng ai lata hte dai yang na shaw la manit dai; matsi rawng ai muk nanhte sha lu na n rai.

PRU MAT 20:2

“Ngai gaw, Egutu mung hte mayam tai nga ai nta na nang hpe shapraw la ai, na Karai Kasang Yehowa rai nga nngai.

PRU MAT 32:13

Nang tsun ndai hte maren, Nanhte a amyu matu hpe sumsing lamu na shagan ni zawn ngai shalaw na made ai rai nna, ngai ndat da ai ga ndai mahkra nanhte a amyu matu ni hpe ngai jaw nna, dai hpe prat dingsa shanhte madu nga lu na mara ai, nga nna, nang hkum dai hta, nang gang dagam ai ga lu la ai ni, ngu ai, na a mayam Abraham, Isak, Israela hte hpe dum u law,” ngu nna hpyi nem wu ai.

PRU MAT 6:6

Dai majaw Israela amyu hpe, ning ngu tsun u: Ngai Yehowa rai nga nngai; Egutu mung a mayam lit hta na ngai nanhte hpe shaw la nna, shanhte a share punghkaw hta na shapraw la na made ai; sharawt nga ai lata hte mung, ari kaba amyu myu hte mung ngai nanhte hpe hkye hkrang la na made ai:

ESAIA 43:4

Nang gaw nye a man e ging dan nna, arawng sadang lu ai hte, ngai nang hpe tsawra nngai majaw, na a malai masha ni hpe, na asak a malai masha amyu ni hpe ngai jaw na nngai.

ESAIA 63:9

Shanhte nni nkri hkrum shagu hta, shi mung nni nkri dum nna, shi a man na lamu kasa gaw, shanhte hpe hkye hkrang la mu ai: shi tsawra ai hte matsan dum ai myit majaw, shi shanhte hpe mawai la nna moi na prat shagu hta pawn ba mu ai.

YEREMIA 31:3

Yehowa gaw tsan tsan de na ngai kaw dan pru nna, Gaja wa, htani htana tsawra ai hte ngai nang hpe tsawra de ai; dai re ai majaw n-gaw nwai myit hte, ngai nang hpe dun la ni ai.

EZEKELA 36:22

“Dai rai nna Israela dap hpe htawn tsun u, ‘Madu Yehowa ning nga ai: Israela dap e, nanhte hpe tau nna ndai amu hpe ngai galaw nngai, n rai; nanhte bra wa ai maigan amyu ni a man e nanhte a jaw e awu asin hkrum ai nye a chyoi pra ai amying ningsang hpe tau nna, ngai galaw nngai.

MIHKA 6:4

Ngai gaw Egutu mung na nang hpe shapraw la nna, mayam tai nga ai nta na hkrang la ni ai; Mawshe, Arun hte Miriam hpe, na a shawng e ngai shangun dat ni ai.

MIHKA 7:20

Moi chyaloi nhkoi kaw nna, anhte a ji wa ni hpe dagam da ai hte maren, nang gaw, Yaku hta kangka re ai lam, Abraham hta tsawra matsan dum ai lam, naw shadik da na ndai.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

MALAHKI 1:2

Ngai nanhte hpe tsawra ni ai, nga nna Yehowa tsun ai. Nanhte mahtang, Nang anhte hpe kaning rai tsawra n ta? nga nna san myit dai. Ataw, Esaw gaw Yaku a kahpu, n rai ni? rai timung ngai Yaku hpe tsawra nngai:

MAHTE 11:26

rai sa, Wa e, nang tsaw ai hku, ndai rai nga lit dai.

LUKA 1:55

Prat dingsa matsan dum ai lam dum nga na matu, Shi a shangun ma Israela hpe lanu lahku nu ai,” nga nna tsun ai.

ROMA 11:28

Shaloi, dai kabu gara shiga a lam yu yang, nanhte a matu mara, shanhte hpyen ni tai wa masai; rai timung, lata la ai lam hpe yu yang, ji wa ni a gawp e, shanhte tsawra hkrum ai ni rai nga ma ai.

TARA JAHPRANG 1:8

Yu mu, dai mungdan nanhte a man e ngai tawn ya se ai; nanhte a kaji kawa Abraham, Isak, Yaku hte hte, shanhte a hpang na matu mara ni hpe jaw na, nga nna Yehowa dagam da ai mung de shang nna madu la ma su,’ nga nna tsun ma ni ai.

TARA JAHPRANG 10:15

Yehowa gaw na nji nwa hpe chyu sha tsawra wu ai rai nna dai ni rai nga ai hte maren shanhte a amyu matu ngu ai nang hpe nan masha amyu danghta hta na lata la nit dai.

TARA JAHPRANG 23:6

Dai re ai majaw, shanhte a ngamai wunli lam, shanhte a sutgan law wa nhpang hta galoi mung shadaw ya lu na n rai.

TARA JAHPRANG 33:3

Rai sa, dai amyu ni hpe shi tsawra wu ai. Shanhte a chyoi pra ni yawng, na a lata hta rai nga ai: Na a lagaw nhpang e shanhte dung ma ai; Na a mungga madat la nga ma ai.

TARA JAHPRANG 4:20

Nanhte hta, dai ni rai nga ai hte maren, Yehowa a matu Sali wunli amyu tai myit ga nga, Egutu mung a hpri wan mang na shi nanhte hpe gare la manit dai.

TARA JAHPRANG 4:34

Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?

TARA JAHPRANG 4:37

Na nji nwa ni hpe shi tsawra wu ai majaw shanhte a amyu matu ni hpe lata la nu ai;

TARA JAHPRANG 5:6

‘Ngai gaw, Egutu mung hte mayam tai nga ai nta na nang hpe shapraw la ai, na a Karai Kasang Yehowa rai nga nngai.

1 YAWHAN 4:19

Shi gaw shawng nnan e anhte hpe tsawra mi ai majaw, anhte mung, tsawra nga ga ai.

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.