TARA JAHPRANG 7:6 - Jinghpaw Hanson Version Bible

⁶ Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai: na a Karai Kasang Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

Jinghpaw Common Language Bible 2009

⁶ Dai Madu nanhte a Karai Kasang gaw nanhte hpe madu da nga myit dai majaw dai amu galaw mu. Shi hte seng ai laksan amyu masha majing shatai na nga, ginding aga ntsa ting na masha amyu yawng hta na nanhte hpe lata la manit dai.

TARA JAHPRANG 7:6 ပူးပေါင်းရင်းမြစ်များ

1 HKAWHKAM 3:8

Nang lata la nna, n dang hti lu ai hte, law la ai majaw n dang sawn lu ai na a amyu kaba hta, na a mayam wa lawm nga nngai.

EZRA 9:2

Kaning rai nme law, dai amyu masha ni a shayi sha ni hpe, tinang a matu mung, kashu kasha ni a matu mung, shanhte hkungran la nna, dai chyoi pra ai amyu gaw, maigan amyu ni hte kayau kaya nga ai hta n-ga, mung du ni hte agyi salang ni, grau nna dai lam hta shut hpyit nga ma ai, nga nna ngai hpe tsun dan mi ai.

SHAKAWN KUNGDAWN 114:2

Yuda ginwang shi a chyoi pra ai shara, Israela mung shi a ninghtawn, tai ma ai.

SHAKAWN KUNGDAWN 135:4

Yehowa gaw Yaku hpe lata la nna, Israela shi a sali wunli rai nga ai.

SHAKAWN KUNGDAWN 50:5

“Hkungga nawng let ngai hte ga shaka tawn da ai, Nye a dingman ai ni e, ngai kaw hpawng marit,” nga ai.

PRU MAT 6:7

nye a amyu shatai na matu ngai nanhte hpe shinggyin la nna ngai mung nanhte a Karai Kasang tai na nngai: ngai nanhte hpe Egutu masha ni a mayam lit hta na raw la ai nanhte a Karai Kasang Yehowa rai nga nngai gaw, shaloi nanhte chye na marin dai.

ESAIA 41:8

Rai timung, lamu ga jahtum de na ngai lata la ai hte, de a njut maga de na ngai shaga la ai, nye a jinghku wa Abraham a aru arat ngu ai, nye a mayam Israela e, ngai lata la ai Yaku e,

ESAIA 41:9

Nang gaw nye a shangun ma rai nga ndai; ngai nang hpe lata la ni ai; nang hpe gang kau na n rai:

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

ESAIA 62:12

Shing rai amyu baw ni gaw shanhte hpe, Chyoi pra ai amyu, Yehowa a lata hte Hkye hkrang la hkrum ai amyu, ngu nna shamying na maru ai: nang hpe mung, Mare dingsa n rai, Shanu nga mai ai mare, nga nna shamying na mara ai.

YEREMIA 2:3

Dai shaloi e Israela gaw Yehowa a matu chyoi pra nga ai hte, shawng si ai nsi naisi rai nga ai; shi hpe map sha maw sha ai ni yawng mara kap nga ma ai; shanhte a ntsa e shoihpa shoirang du na ra ai,” nga nna Yehowa tsun ai.

EZEKELA 20:5

Madu Yehowa ning nga ai, ngu nna shanhte hpe tsun u: Israela amyu hpe ngai lata la nna, Yaku dap na aru arat hpe ga shaka tawn da ai hte, Egutu mung hta nye hkum shanhte hpe shadan dan ai shani e, Ngai gaw nanhte a Karai Kasang Yehowa rai nga nngai, ngu nna shanhte hte dagam ai ga tawn da nngai:

JAW JAU 20:24

Dai majaw, nga chyu hte lagat jahku lwi ai shanhte a mung hpe, nanhte dagraw la na sali wunli shatai na matu nanhte hpe jaw na ngu nna ngai tsun se ai: ngai gaw nanhte hpe amyu gale ni hte jahka la ai, nanhte a Karai Kasang Yehowa rai nga nngai.

JAW JAU 20:26

Ngai Yehowa chyoi pra nga nngai rai nna, nanhte nye a ni tai na matu, amyu kaga ni hte jahka da masade ai majaw, nye a chyoi pra ai ni nanhte tai nga lu na rai myit dai.

AMO LAIKA (AMOS) 3:2

nga nna Egutu mung na woi shapraw ai amyu ting hpe lakap sha-ang nna, Yehowa tsun ai ga hpe madat mara la mu.

MALAHKI 3:17

Dai hta n-ga, Dai amu hpe ngai shabyin ai shani hta, shanhte gaw nye a masha ni hte nye a sutgan tai na mara ai; kawa a amu gun hpai ai kasha hpe kawa lahpawt ai zawn, ngai shanhte hpe lahpawt na nngai.

KASA 13:17

Ndai Israela amyu a Karai Kasang gaw, anhte a ji wa ni hpe lata la nu ai rai nna, Egutu mung e naw nga nga yang, dai amyu hpe shagrau nna, shada da ai lahpum ta hte shaw woi nu ai.

ROMA 9:4

shanhte gaw Israela masha rai nga ma ai; kasha yin la ai akyu mung, dai hpung shingkang mung, ga shaka ni mung, tara jaw ai shingran mung, daw jau ai lam mung, ga ndat ni hpe mung, shanhte lu ma ai:

TARA JAHPRANG 14:2

Kaning rai nme law, nang gaw na a Karai Kasang Yehowa a matu chyoi pra ai amyu rai nga ndai; Yehowa madu ging ai amyu shatai na nga, ga ntsa ting na masha amyu ni hta na, shi nang hpe lata la nit dai.

TARA JAHPRANG 14:21

Shi hkrai si ai rai a shan hkum sha myit; nang kaw shingbyi nga ai tsasam wa sha lu na matu, shi hpe jaw mai ai; shing n rai masha bu de sa dut kau u; nang chyawm gaw, na a Karai Kasang Yehowa matu chyoi pra ai amyu rai nga ndai. Bainam kasha hpe kanu a chyu hte hkum shapyaw et.

TARA JAHPRANG 26:18

Yehowa mung, shi a ga ndat hte maren, nang shi a hkang da ai matsun maroi ga nlang hte hpe hkan shatsup lu n ga nga, shi a sali amyu shatai sa na nga nna mung,

TARA JAHPRANG 26:19

shi hpan da sai masha amyu danghta hta, na a kajai gumhkawng ai, na a nsang mying, na a arawng sadang shagrau ya na nga nna mung, shi tsun tawn da sai hte maren, na a Karai Kasang Yehowa a matu nang hpe chyoi pra ai amyu shatai na nga nna mung, Yehowa dai ni yin la nu ai, nga nna Israela amyu hpe tsun wu ai.

TARA JAHPRANG 28:9

Na a Karai Kasang Yehowa a hkang da ai ga nang shatup nna shi a lam hkan sa n yang gaw, shi nang hpe dagam da ai hte maren, nang hpe shi a matu chyoi pra ai amyu shatai nga na rin dai.

TARA JAHPRANG 33:3

Rai sa, dai amyu ni hpe shi tsawra wu ai. Shanhte a chyoi pra ni yawng, na a lata hta rai nga ai: Na a lagaw nhpang e shanhte dung ma ai; Na a mungga madat la nga ma ai.

TARA JAHPRANG 4:20

Nanhte hta, dai ni rai nga ai hte maren, Yehowa a matu Sali wunli amyu tai myit ga nga, Egutu mung a hpri wan mang na shi nanhte hpe gare la manit dai.

TARA JAHPRANG 4:37

Na nji nwa ni hpe shi tsawra wu ai majaw shanhte a amyu matu ni hpe lata la nu ai;

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

1 PETRU 2:9

Nanhte chyawm gaw, nsin kata de nna shi a mauhpa nhtoi de nanhte hpe shaga bang ai wa a dan hkung ai magam hpe shabrawng dat ya myit ga, lata la ai amyu, hkawhkam hkinjawng ni, chyoi pra ai amyu baw hte, Karai Kasang lahku la ang ai masha ni, rai nga myit dai.

2 PETRU 2:5

moi moi na mungkan ga hpe mung lahpawt lama n di ai sha, dinghpring ai tara hkaw dan ai sara Noa hte masha sanit hpe makawp maga la nhtawm, tara n hkungga ai ni a mungkan ga a ntsa e sha-u sha-ing dat wu ai hte;

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.

1 SAMUELA 12:22

Yehowa gaw shi a ningsang mying hpe tau nna, shi a masha ni hpe n kau na wu ai: kaning rai nme law, nanhte hpe shi a amyu shatai da na matu, Yehowa ra da wu ai.