TARA JAHPRANG 7:3 - Jinghpaw Hanson Version Bible

³ shanhte hte mayu dama shaw hkat lu na n rai: na a shayi sha hpe shi a shadang sha hte mung, na a shadang sha hte shi a shayi sha hpe mung, ya sha hkungran lu na n rai.

Jinghpaw Common Language Bible 2009

³ Shanhte hta na kadai hpe mung la lu na n rai; nanhte a ma ni kadai mung shanhte hta na kadai hte mung la shangun lu na myit dai n rai;

TARA JAHPRANG 7:3 ပူးပေါင်းရင်းမြစ်များ

NINGPAWT NINGHPANG 24:3

Ngai sha a matu, ndai ngai chyu nga ai Hkanan mung na shayi sha ni hta na nang n la ya ai sha,

1 HKAWHKAM 11:2

dai amyu ni a lam Yehowa gaw Israela kashu kasha ni hpe, Nanhte gaw shanhte hte n mai kanawn, shanhte mung nanhte hta n lawm u ga; gaja wa shanhte gaw nanhte a myit masin hpe shanhte a Hpara ni hpang de shadam kau ya na myit dai, ngu nna tsun timung, Shawlumon gaw shanhte hta sumtsaw sumra hte a manoi nga ai.

1 HKAWHKAM 16:31

Shi gaw Nebat a kasha Yeroboam a yubak hta hkan hkawm nna gaw, hpa n re ai zawn nawn wu ai hta n-ga, Sidon hkawhkam Etbala a shayi sha Yezebela hpe la nna, Bala hpara hpe daw jau ai hte nawku wu ai.

EZRA 10:3

Dai re ai majaw, nang madu mung, anhte a Karai Kasang a hkang da ai ga hpe hkrit kamyin ai ni mung, anhte hpe hpaji daw ya ai hte maren, anhte a kasha kanu ni mahkra hte shanhte shaprat ai kashu kasha ni hpe kau tawn da na matu, anhte a Karai Kasang a man e ga shaka tawn da ga: dai hpe tara hte maren galaw ga.

EZRA 9:12

nanhte a shayi sha ni hpe shanhte a shadang sha ni hte, shanhte a shayi sha ni hpe nanhte a shadang sha ni hte, hkum ya sha myit; nanhte n-gun ja lu na hte, dai mungdan a ngamai na hpe lusha lu nna, nanhte a kashu kasha ni hpe prat dingsa du hkra madu lu shangun na matu, shanhte a ngwipyaw ai hte ngamu ngamai ai lam galoi mung hkum tam myit, nga nna na a shangun ma myihtoi ni a n-gup hta nang hkang da ai ga hpe, anhte kau da sagaw ai.

NEHEMIA 10:30

anhte a shayi sha ni hpe, mung na maigan masha ni kaw n ya sha ai hte, shanhte a shayi sha ni hpe anhte shadang sha ni a matu n hpyi la na mung;

TARA AGYI 14:3

Kanu yan Kawa chyawm gaw, “Matu n gadoi ai Hpilisti amyu num nang sa la na gaw, anhte amyu shada hta na, na a mayu kasha num langai mi mung n nga sa ni?” ngu mu timung, Samson mahtang, “Nan dai she hpyi ya mi, ngai grai ra da we ai,” ngu nna kawa hpe tsun wu ai.