TARA JAHPRANG 7:2 - Jinghpaw Hanson Version Bible

² na lata de ap ya ndai shaloi, shanhte hpe atsai awai sat kau na rai myit dai: shanhte hte ga shaka nang tawn da lu na n rai; matsan dum ai myit mung madun lu na n rai:

Jinghpaw Common Language Bible 2009

² Dai Madu nanhte a Karai Kasang gaw dai masha ni hpe nanhte a lata de ap ya nna nanhte dang kau myit dai shaloi, shanhte yawng hpe sat kau na rai myit dai; shanhte hte mung jinghku galaw lu na myit dai n rai; matsan yu dum ai kumla hpa mung madun dan lu na myit dai n rai.

TARA JAHPRANG 7:2 ပူးပေါင်းရင်းမြစ်များ

NINGPAWT NINGHPANG 14:20

na a gumlau ni hpe na a lata hta ap ya ai Tsaw Htum ai Karai Kasang mung a nga u ga law,” ngu nna shaman ya wu ai. Abram mung shi lu la ai mahkra hta na htamshi hta htammi shi hpe jaw da wu ai.

2 SAMUELA 21:2

(Gibeon masha ni chyawm gaw Israela amyu n rai; ngam nga ai Amori masha rai nga ma ai: Israela masha ni shanhte hte ga shaka dagam manu ai; Shawlu mahtang Israela hte Yuda amyu masha ni a akyu matu tau nna shanhte hpe sat shamyit kau na maw wu ai.)

1 HKAWHKAM 20:34

Shaloi Benhada gaw, “Nye wa gaw na nwa kaw na kashun la ai mare ni hpe ngai bai jaw na de ai; nye wa gaw Samari mare hta e mare lam madat da ai hte maren, nang mung Damasku mare hta e mare lam madat da na rin dai,” ngu nna tsun wu ai. Ahab mung, “Rai sa, ndai ga shaka hte ngai nang hpe dat dat na de ai,” ngu wu ai. Shing rai shi hte ga shaka tawn da nna, shi hpe dat dat wu ai.

EZRA 10:3

Dai re ai majaw, nang madu mung, anhte a Karai Kasang a hkang da ai ga hpe hkrit kamyin ai ni mung, anhte hpe hpaji daw ya ai hte maren, anhte a kasha kanu ni mahkra hte shanhte shaprat ai kashu kasha ni hpe kau tawn da na matu, anhte a Karai Kasang a man e ga shaka tawn da ga: dai hpe tara hte maren galaw ga.

SHAKAWN KUNGDAWN 106:34

Shanhte gaw Yehowa htet da ai hte maren, Masha amyu ni hpe atsai awai n di kau mu ai.

PRU MAT 22:20

Yehowa hta kaga hpara shaje a man e hkungga jau ai wa gaw, atsai awai hpya kau ai hkrum lu na rai nga ai.

BU HKAWM 21:2

Dai rai nna Israela gaw, Yehowa hte ga shaka nna, “Nang ndai amyu hpe nye a lata hta ap ya n yang gaw, shanhte a mare ni hpe ngai akrin atsai di kau na we ai,” nga ai.

BU HKAWM 31:17

Dai rai nna, ma kaji ni hta lasha ma nlang hpe mung, la hkrum yu sai numsha nlang hpe mung, sat kau mu.

BU HKAWM 33:52

dai mung na amyu masha ni mahkra hpe nanhte shachyut kau nna, shanhte a tawk ka ai nlung ni yawng hpe mung, shanhte jaw ai sumla ni yawng hpe mung, agrawp kau na hte, shanhte a tsaw ai kawng na shara ni yawng hte hpe hpya kau ya na rai myit dai:

TARA JAHPRANG 13:8

na a grup yin na, ni ai tsan ai masha ni lamu htum maga mi de nna maga mi de du hkra nawku ai Hpara hpe jaw jau saga,” nga nna nang hpe lagyim gunglau n yang,

TARA JAHPRANG 13:9

nang hkraw lu ndai n rai, shi a ga mung madat mai na n rai: nang shi hpe yu nna matsan dum lu na n rai: lahpawt ai hte n makoi da ai sha,

TARA JAHPRANG 19:13

Na a myi gaw shi hpe matsan yu dum lu na n rai; nang ngamu ngamai lu n ga, masha sat ai yubak hpe Israela amyu hta na seng kau na rai ndai.

TARA JAHPRANG 2:33

Anhte a Karai Kasang Yehowa mung, shi hpe anhte a lata hta ap mi ai rai nna, shi hkum hte shi a kasha ni hpe mung, shi a masha ni nlang hte hpe mung, anhte sat kau lu ga ai.

TARA JAHPRANG 2:34

Dai shaloi e shi a mare nga manga anhte kashun la nna, mare ninghkrin nlang hte hta na, numsha, lasha, ma kaji yawng hpe atsai awai hpya kau gaw ai; langai mi muk ngam da ga ai n rai:

TARA JAHPRANG 23:14

kaning rai nme law, na a Karai Kasang Yehowa, nang hpe hkye la nna, masha hpyen ni hpe na a lata hta ap kau na nga, na a dap e hkawm nga ai: dai re ai majaw nang kaw na n san n seng ai lama ma mu nna, nang hpe n koi kau da n ga gaw, na a dap chyoi pra nga na rai lit dai.

TARA JAHPRANG 25:12

dai num a lata hpe daw kau ya na rai ndai: na a myi gaw shi hpe matsan dum lu na n rai.

TARA JAHPRANG 3:3

Shing nga anhte a Karai Kasang Yehowa gaw Bashan hkawhkam Oga hte shi a masha ni nlang hte mung, anhte a lata hta ap mi ai rai nna, shi a matu ngu na langai mi muk n ngam hkra sat kau gaw ai.

TARA JAHPRANG 31:5

Yehowa gaw shanhte hpe nanhte a lata de ap kau na ru ai rai nna, ngai hkang da mada hte maren shanhte hpe nanhte di lu na marin dai.

TARA JAHPRANG 33:27

Chyi nma Karai Kasang gaw na shingbyi shara rai nga ai, Htani htana lahpum ta gaw nang hpe pawn la nga ai. Shi gaw, Jahten shabya kau mu, nga nna, Hpyen wa hpe na a man na jahtaw kau wu ai.

TARA JAHPRANG 7:16

Na a Karai Kasang Yehowa nang hpe ap ya ai masha amyu nlang hte hpe sha kau lu na rai ndai; na a myi gaw shanhte hpe matsan dum lu na n rai; shanhte a Hpara ni hpe mung nang jaw jau lu na n rai; jaw jau n yang, dai gaw na a mahkam tai na ra ai.

TARA JAHPRANG 9:3

Dai rai nna, na a Karai Kasang Yehowa gaw, grung ai wan zawn, na a shawng e langang sa wa ai wa rai nga ai hpe dai ni chye nga u: shi nan shanhte hpe jahten kau nna na a man e shagrit kau na ru ai: shing rai nang shanhte hpe shaden kau lu nna, Yehowa nang hpe tsun ai hte maren, nang shanhte hpe alawan shamyit kau lu na rin dai.

YAWSHU 10:28

Dai shani e Yawshu gaw Makeda mare hpe gasat la wu ai rai nna, mare hte de a hkawhkam hpe nhtu hte hpya sat kau wu ai: mare hta rawng ai masha nlang hte hpe, langai mi muk n ngam hkra, shi atsai awai shamyit kau wu ai; Yerihko hkawhkam hpe di ai hte maren, Makeda hkawhkam hpe mung di wu ai.

YAWSHU 10:30

Yehowa gaw dai mare hte hkawhkam hpe Israela masha ni a lata de ap kau wu ai rai nna, mare hte dai hta rawng ai masha nlang hpe, langai mi muk n ngam hkra nhtu hte hpya sat kau mu ai: Yerihko hkawhkam hpe di ai hte maren, de a hkawhkam hpe mung di wu ai.

YAWSHU 10:32

Yehowa gaw Lahkisha mare hpe mung, Israela masha ni a lata hta ap ya wu ai rai nna hpang shani e dang la kau mu ai: Libna hpe di ai hte maren, dai mare hte dai hta rawng ai masha nlang hte hpe nhtu hte hpya sat kau mu ai.

YAWSHU 10:40

Shing rai Yawshu gaw dai bum ga hte Dingda ga, pa ga hte kadit ga mahkra hte de a hkawhkam ni hpe hpya sat kau mu ai: langi mi hpe mung jahkrung da wu ai n rai; Israela Karai Kasang Yehowa hkang da ai hte maren, hkrung mahkrung hpe atsai awai shamyit kau wu ai.

YAWSHU 10:42

Israela Karai Kasang Yehowa gaw, Israela masha ni hpang maga gasat ya nga ai majaw, dai mung mahkra hte de a hkawhkam ni nlang hpe, Yawshu gaw lang lata sha dang kau wu ai.

YAWSHU 11:8

Yehowa mung shanhte hpe Israela masha ni a lata de ap wu ai rai nna, shanhte hpe gasat jahtaw dat ai hte Sidon kaba hta Misrehpot-ma-im du hkra mung, sinpraw maga Mizpa kadit du hkra mung hkan shachyut nna, langai mi muk n lawt hkra sat kau mu ai.

YAWSHU 2:14

Dai yan mung, “Nang an a lam n shabrawng ya n yang gaw, na a asak matu an a asak gaw pahkam tai nga u ga: ndai mungdan Yehowa anhte hpe jaw ai nhtoi e na a lam hpe kangka hkra hkan nna chyeju htang na ra ga ai,” ngu nna yin la mu ai.

YAWSHU 21:44

Yehowa kaji kawa ni hpe ga shaka da ai hte maren, grup yin shara shagu hta ban sa shangun mu ai rai nna, shanhte a man e kadai masha hpyen wa mung n tsap lu ma ai; Yehowa shanhte hpe masha hpyen ni yawng a lata na shaw la mu ai.

YAWSHU 8:24

Shing rai, Israela masha ni gaw, pa e mung, shanhte hpe hkan shachyut nang ai nam hkan e mung, Ai masha nlang hte hpe nhtang gasat nna, mahkara hpe nhtu hte atsai awai azat shamyit kau ngut jang, Israela masha ni gaw Ai mare de bai wa nna nhtu hte sat shatawm kau mu ai.

YAWSHU 9:24

Shanhte gaw Yawshu hpe, “Ndai mung ting nanhte hpe jaw kau nna, mung masha mahkra hpe nanhte a man na shamyit kau na nga, na a Karai Kasang Yehowa shi a shangun kasa Mawshe hta hkang da sai lam hpe na a mayam ni teng teng na lu saga ai rai nna, nanhte a lata hte si sum na hpe hkrit la ga ai majaw galaw kau sagaw ai.

YAWSHU 9:7

Israela masha ni chyawm gaw, “Nanhte anhte kaw rai nga myit dai nhten; dai rai yang, nanhte hte ga shaka kaning rai da lu na rai ta?” ngu nna Hiwi masha ni hpe hkap htan mu ai.

TARA AGYI 1:24

Sin yu ai masha ni gaw mare na pru wa ai masha langai mi hpe mu nna, “Mare de shang wa ai lam anhte hpe madun rit; madun yang gaw nang hpe hkyamsa jaw na ga ai,” ngu mu ai.

TARA AGYI 1:4

Shing rai Yuda hpyen rawt wu ai. Yehowa mung, Hkanani hte Perizi masha ni hpe shi a lata hta ap wu ai rai nna, shanhte gaw Bezek mare e masha mun mi hpe gasat kau mu ai.

TARA AGYI 2:2

nanhte mung, ndai mung na masha ni hte ga shaka tawn da lu na n rai; shanhte a tawn hkungri ni hpe nanhte hpya kadawng kau ya na rai myit dai, ngu nna ngai tsun masade ai. Rai timung, nanhte nye a ga n madat myit dai; hpa majaw shing rai galaw myit ta?