TARA JAHPRANG 7:16 - Jinghpaw Hanson Version Bible

¹⁶ Na a Karai Kasang Yehowa nang hpe ap ya ai masha amyu nlang hte hpe sha kau lu na rai ndai; na a myi gaw shanhte hpe matsan dum lu na n rai; shanhte a Hpara ni hpe mung nang jaw jau lu na n rai; jaw jau n yang, dai gaw na a mahkam tai na ra ai.

Jinghpaw Common Language Bible 2009

¹⁶ Dai Madu nanhte a Karai Kasang nanhte a lata hta ap ya ai masha, amyu baw shagu hpe shamyit kau lu na rai myit dai. Shanhte hpe matsan yu dum ai myit loi mi mung madun dan lu na myit dai n rai. Shanhte a karai ni hpe hkum nawku myit, dai gaw si ging ai amu rai nga ai.

TARA JAHPRANG 7:16 ပူးပေါင်းရင်းမြစ်များ

SHAKAWN KUNGDAWN 106:34

Shanhte gaw Yehowa htet da ai hte maren, Masha amyu ni hpe atsai awai n di kau mu ai.

SHAKAWN KUNGDAWN 106:36

Dai ni a sumla ni hpe mung shanhte nawku nna, Dai gaw shanhte a mahkam tai wa masalu ai.

PRU MAT 23:33

Shanhte nang hpe ngai e n shut shangun mu ga, na a mungdan hta shanhte nga lu na n rai: shanhte a hpara ni hpe nang jaw jau yang, dai gaw teng teng na a mahkam tai na ra ai, ngu nna tsun wu ai.

YEREMIA 21:7

Bai, Yehowa ning nga ai: Dai hpang e ngai gaw, Yuda hkawhkam Zedekia hpe mung, shi a ali ama ni hpe mung, ana zinli, ri nhtu, kawsi hpang gara ai lawt nna, ndai mare hta naw ngam nga ai mung masha ni hpe mung, Babelon hkawhkam Nebuhkadneza lata hta mung, hpyen ni a lata hta mung, shanhte a asak tam ai ni a lata hta mung ap kau nna, shi gaw shanhte hpe nhtu hte sat kau na mu ai: dai wa gaw lahpawt dum na n rai, matsan dum na n rai; yu machyi dum na n rai, ngu nna htawn tsun wu ai.

BU HKAWM 33:55

Dai mung masha ni hpe nanhte atsai awai n shachyut kau myit yang, naw ngam nga ai ni gaw, nanhte a myi hta ju shingna zawn, nanhte a garep hta masawn zawn tai nna, nanhte nga nga ai mungdan hta e nanhte hpe shatsang na mara ai.

1 KORINHTU 15:33

Nanhte lam hkum dam myit; N kaja ai kanawn manang ni, mai kaja ai arawn alai hpe jahten ma ai.

TARA JAHPRANG 13:8

na a grup yin na, ni ai tsan ai masha ni lamu htum maga mi de nna maga mi de du hkra nawku ai Hpara hpe jaw jau saga,” nga nna nang hpe lagyim gunglau n yang,

TARA JAHPRANG 13:9

nang hkraw lu ndai n rai, shi a ga mung madat mai na n rai: nang shi hpe yu nna matsan dum lu na n rai: lahpawt ai hte n makoi da ai sha,

TARA JAHPRANG 19:13

Na a myi gaw shi hpe matsan yu dum lu na n rai; nang ngamu ngamai lu n ga, masha sat ai yubak hpe Israela amyu hta na seng kau na rai ndai.

TARA JAHPRANG 19:21

Na a myi gaw shi hpe matsan yu dum lu na n rai; asak a matu asak, myi a matu myi, wa a matu wa, lata a matu lata, lagaw a matu lawgaw, matai htang ya na rai ndai.

TARA JAHPRANG 25:12

dai num a lata hpe daw kau ya na rai ndai: na a myi gaw shi hpe matsan dum lu na n rai.

TARA JAHPRANG 7:2

na lata de ap ya ndai shaloi, shanhte hpe atsai awai sat kau na rai myit dai: shanhte hte ga shaka nang tawn da lu na n rai; matsan dum ai myit mung madun lu na n rai:

TARA JAHPRANG 7:25

Shanhte a tawk la ai sumla ni hpe nat kau ya mu: dai hta kap ai aja gumhpraw ni hpe hkum marit et; dai hpe hkum hta la et; hta la n-yang, dai gaw na a mahkam tai na ra ai: dai hpe na a Karai Kasang Yehowa matsat nga ai.

YAWSHU 11:20

Kaning rai nme law, Yehowa Mawshe hpe hkang da ai hte maren, dai masha amyu ni hpe kachyi mi muk matsan n dum ai sha, atsai awai sat nna shamyit kau lu na matu, Israela masha ni hpe hkap daw gasat gwi hkra, Yehowa gaw shanhte a myit hpe shaja ya da mu ai.

TARA AGYI 2:12

Egutu mung na shanhte hpe woi wa ai, kaji kawa ni a Karai Kasang Yehowa hpe kau da nna, grup yin na masha amyu ni a Hpara ni hpang de hkan mat wa let nawku dagup ai hte Yehowa a masin shapawt ya mu ai.

TARA AGYI 2:3

Dai rai nna, ngai tsun made ga, ndai mung na masha ni hpe, ngai nanhte kaw na shachyut kau ya sa na n rai; shanhte gaw nanhte a garep hta aju, shanhte a Hpara ni mung nanhte a mahkam tai na mara ai” ngu nna tsun wu ai.

TARA AGYI 3:6

shanhte a shayi sha ni hpe la ya let, tinang a shayi sha ni hpe mung shanhte a shadang sha ni hpe ya sha let, shanhte a Hpara ni hpe jaw jau lawm ma ai.

TARA AGYI 8:27

Gidon gaw arai dai ni hte, Hpa hkai palawng galaw nna, shi nga ai Ohpra mare e tawn da wu ai: hpa hkai palawng de a majaw Israela amyu ting lam dam mat wa ai rai nna, dai gaw Gidon hte shi a amyu matu ni a shut nhpang tai malu ai.