TARA JAHPRANG 6:3 - Jinghpaw Hanson Version Bible

³ ‘Israela amyu e, na nji nwa ni a Karai Kasang Yehowa a ga ndat nga nga sai hte maren, nga chyu hte lagat jahku lwi ai mung hta nanhte ngamu ngamai nna law htam wa myit ga,’ madat mara la nna hkan nang nga u.

Jinghpaw Common Language Bible 2009

³ Israela amyu masha ni e, dai hkang da ai ga ni hpe madat mara nna hkan galaw nga mu! Dai Madu anhte a kaji kawa ni a Karai Kasang a ga sadi nga ai hte maren, nanhte yawng ngamu ngamai wa nna n-gun rawng ai amyu kaba tai wa nhtawm ga sau hte hpring nna ningru ningja sut su ngamai ai mungdan hta nga lu na rai myit dai.

TARA JAHPRANG 6:3 ပူးပေါင်းရင်းမြစ်များ

NINGPAWT NINGHPANG 12:2

ngai nang hpe amyu kaba shatai na de ai rai nna, na a amying hpe galu kaba shangun ya na we ai; nang mung chyeju daju tai nga et.

NINGPAWT NINGHPANG 13:16

Na a kashu kasha ni hpe ga nhpu zawn ngai mayat maya shangun na mawe ai: masha langai ngai ga nhpu hpe dang hti yang gaw, na a kashu kasha ni hpe mung dang hti na mu ai.

NINGPAWT NINGHPANG 15:5

Shing nga nhtawm Abram hpe shinggan de woi shapraw nna, “Sumsing lamu de mada yu u, dai shagan ni hpe nang dang hti yang gaw hti yu u: na a amyu matu ni dai hte maren rai na mara ai,” ngu nna shi hpe tsun wu ai.

NINGPAWT NINGHPANG 22:17

shaman ai chyeju hte ngai nang hpe shaman ya na de ai; na a amyu matu ni hpe lamu na shagan ni hte nammukdara hka kau na zaibru zawn ngai shalaw na we ai rai nna, na a kashu kasha ni gaw tinang hpyen ni a mare chyinghka ni hpe madu lu na mara ai:

NINGPAWT NINGHPANG 26:4

Na a amyu matu ni hpe lamu a shagan zawn ngai shalaw na mawe ai rai nna, na nshu nsha ni hpe ndai mung ting ngai jaw na mawe ai: na a aru arat a marang e ga ntsa na masha amyu nlang gumring gumrat re ai chyeju lu la na mara ai:

NINGPAWT NINGHPANG 28:14

Na nshu nsha ni gaw ga na nhpu zawn law htam wa na mara ai; nang gaw sinpraw sinna, dingdung, dingda maga hkan du hkra kung dam wa na rin dai rai nna, nang hte na a amyu matu ni a marang e ga ntsa na masha amyu shagu gumring gumrat re ai chyeju lu la shajang na mara ai.

SHAKAWN KUNGDAWN 119:4

Na a ga matsun hpe htep lahti hkan lu mu ga, Nang anhte hpe htet da nit dai.

PRU MAT 1:7

Israela a kashu kasha ni chyawm gaw mayat maya wa nna, tsanawn nga ma ai hte law htam wa let ja ja kaba wa nga ma ai: dai mung ting hkan e shanhte hpring at nga ma ai.

PRU MAT 3:17

dai Egutu mung a ru tsang ai hta na ngai nanhte hpe shaw la nna, Hkanan, Hiti, Amori Hperizi, Hiwi hte Yebusi masha ni nga ai, nga chyu hte lagat jahku lwi ai mung de woi la na made ai, ngu nga nngai, nga nna ngai hpe tsun ai, ngu mu.

PRU MAT 3:6

“Ngai gaw na nwa a Karai Kasang, Abraham a Karai Kasang, Isak a Karai Kasang, Yaku a karai Kasang rai nga nngai,” nga nna mung, tsun wu ai: dai rai nna Mawshe gaw, Karai Kasang hpe yu na hkrit wu ai majaw, shi a myi man magap da wu ai.

PRU MAT 3:8

shanhte hpe Egutu masha ni a lata na hkye hkrang la na hte dai mung kaw nna, Hkanan, Hiti, Amori, Hperizi, Hiwi hte Yebusi masha ni nga ai, ja kat ai hte kaba nga ai, nga chyu hte lagat jahku lwi ai mung de woi wa na ngai yu sa ring ngai.

HPAJI NINGLI 8:12

Yubak galaw ai wa gaw, n hkru ai amu latsa lang galaw nna, shi a asak galu timung, Karai Kasang a man e hkrit kamyin nga ai ni mahtang, mai kaja ai hkrum na mara ai hpe, gaja wa ngai chye nngai:

ESAIA 3:10

Dinghpring ai wa gaw, shi shapraw ai si sha lu ai majaw, shi hta a nga ai, ngu nna tsun mu.

YEREMIA 42:6

anhte gaw anhte a Karai Kasang Yehowa a ga madat mara nna, ngamu ngamai nga lu hkra, anhte nang hpe shangun dat ai, anhte a Karai Kasang Yehowa a ga, kaja timung, n kaja timung, madat mara na ga ai, ngu nna Yeremia hpe tsun mu ai.

YEREMIA 7:23

ngai shanhte hpe htet da ai lam chyawm gaw, Nye a ga madat mu; shing rai yang, ngai gaw nanhte a Karai Kasang, nanhte gaw nye a amyu tai na myit dai; nanhte ngamu ngamai hkrum lu hkra, ngai nanhte hpe htet da mada hkan nang nga mu, nga nngai rai timung,

KASA 7:17

Ya Karai Kasang Abraham hpe jaw da ai ga ndat hte seng ai aten du wa magang yang, Egutu mung ntsa e Yawsep hpe n chye ai hkawhkam paw pru ai prat du hkra, anhte a amyu masha ni Egutu mung e kaba wa nna law htam wa ma ai.

TARA JAHPRANG 11:9

Yehowa nanhte a nji nwa ni hta, shanhte hte shanhte a amyu matu ni hpe jaw na nga dagam da ai mungdan, dai nga chyu hte lagat jahku lwi ai mung hta nanhte asak galu malit ga gaw, dai ni ngai nang hpe tawn da ya ai hkang da mada ga hpe nanhte hkan shatup lu na rai myit dai.

TARA JAHPRANG 26:15

Na a chyoi pra ai shara, sumsing lamu na gum yu nna, na amyu Israela hpe mung, ji wa ni hpe dagam da ai hte maren, anhte hpe jaw mi ai mungdan, nga chyu hte lagat jahku lwi ai ga hpe mung, shaman ya mi law,” ngu na rai ndai.

TARA JAHPRANG 26:9

Egutu mung na anhte hpe shaw woi wa nhtawm, nga chyu hte lagat jahku lwi ai ndai mungdan hta woi shawn tawn da ma ni ai.

TARA JAHPRANG 27:3

na nji nwa ni a Karai Kasang Yehowa ga ndat nga ai hte maren, nang hpe jaw ai mungdan, nga chyu hte lagat jahku lwi ai ga de shang sha na rap kawt lu jang, ndai jep ai tara ga nlang hte hpe dai nlung ni hta nang ka da na rai ndai.

TARA JAHPRANG 31:20

Kaning rai nme law, shanhte a kaji kawa ni hpe ngai dagam da ai hte maren, nga chyu hte lagat jahku lwi ai mung de shanhte hpe ngai shaw tawn nna, shanhte hkru hkru kat kat sha lu ai hte hpum sau ai shani e, Hpara shaje ni hpang de shanhte dam mat wa nna daw jau na mara ai; shanhte ngai hpe jahpoi nna nye a ga shaka run kau na mara ai.

TARA JAHPRANG 4:40

Nang hte na a nshu ni ngamu ngamai lu hkra mung, na a Karai Kasang Yehowa prat tup matu nang hpe jaw tawn ai mungdan hta nang asak galu n ga mung, dai ni tsun da ai matsun maroi ga hte hkang ai tara ga hpe hkan shatsup nga lu na rai myit dai,” nga nna Mawshe hkaw tsun da ai rai.

TARA JAHPRANG 4:6

Dai rai nna dai ga hpe hkan shatsup nga mu; dai rai jang, ndai matsun maroi ga nlang hte hpe na yu nna, ‘Gaja wa ndai galu kaba ai amyu gaw, hpaji byeng-ya hte kunghpan ai amyu rai nga ai,’ nga nna nanhte a lam kajai tsun na maigan amyu ni a man e, dai gaw nanhte a hpaji byeng-ya hte kunghpan ai lam tai na rai nga ai.

TARA JAHPRANG 8:8

hkaulan mam, muk-yaw mam, tsabyi ru, maihpang hpun, hkainu si hpun ningru ai ga; tsanlun sau hte lagat jahku ing ai ga;