TARA JAHPRANG 4:9 - Jinghpaw Hanson Version Bible

⁹ Dai rai nna, nang hkum nan myi chyi mu lu sai lam ni hpe nang n malap kau ai sha, prat dingsa matsing gun nga lu n ga, tinang hkum nan sadi nna, tinang myit masin hta a maja nga u; dai lam ni hpe na a nshu nsha ni e mung sharin achyin ya nga u:

Jinghpaw Common Language Bible 2009

^9-10 Nanhte hkum nan sadi maja nga mu! Nanhte a myi hte chyaw mu lu sai lam hpe n malap kau ai sha ahkrung nga dingsa shangang shakang da myit; nanhte a myit masin hta a matsing nga mu. Shi gaw ngai hpe, ‘Amyu masha ni hpe jahpawng tawn u; shanhte hkrung nga dingsa nye a ga hpe madat mara hkan sa nhtawm dai hte maren shanhte a kashu kasha ni hpe sharin achyin ya lu hkra ngai tsun ai ga shanhte hpe na la shangun mayu nga nngai,’ ngu nna Sina Bum hta dai Madu nanhte a Karai Kasang a man e tsap nga ai shani na matsun maroi ga, nanhte a kashu kasha ni hpe tsun dan mu.

TARA JAHPRANG 4:9 ပူးပေါင်းရင်းမြစ်များ

NINGPAWT NINGHPANG 18:19

kaning rai nme law, Abraham a lam Yehowa tsun da ai ga ndat hte maren shi hta shadik lu hkra, Yehowa a lam hkan nga nna, dinghpring ai lam hte tara tengman ai lam hpe shatsup lu na matu, Abraham gaw shi a kashu kasha ni hte shi a dinghku na ni hpe, shi hpang hkan nang nga mu ga nga, shi hkang na ra ai gaw ngai chye da we ai,” nga ai.

SHAKAWN KUNGDAWN 119:11

Ngai nang hpe n shut n hpyit n ga, Na a ga hpe, nye a myit hta, ngai bang da se ai.

SHAKAWN KUNGDAWN 71:18

Dai majaw Karai Kasang e, prat mi hte prat mi na a lata, Hpang na ni hpe na a atsam ngai madun dan ya ai du hkra, Dingla nna baw hpraw timung, ngai hpe hkum jahti da et.

PRU MAT 10:2

na a kasha ni hte nshu ni a na hta nang hkai dan nga lu na matu, Hpara-u hte shi a agyi salang ni a ka-ang e ndai nye a lamik kumla dan lu na matu, Hpara-u hte shi a agyi salang ni a ka-ang e ndai nye a lamik kumla dan lu hkra shi a masin hpe mung, shi a agyi salang ni a masin hpe mung, ngai shaja ya mase ai,” ngu wu ai.

PRU MAT 23:13

Ngai nanhte hpe tsun matsun mahkra hta sadi nga mu; hpara kaga a amying hkum tsun, hkum gang et; dai gaw na a n-gup na kadai mung nna u ga.

GA SHAGAWP 1:8

Ngai sha e, wa a sharin achyin ai ga madat mara u; Nnu a tara hpa mung, hkum gang kau et.

GA SHAGAWP 23:26

Ngai sha e, na a myit masin, ngai hta manoi e; Ngai sa wa ai lam hpe, na a myi azi yu u ga.

GA SHAGAWP 3:21

Ngai sha e, dai lam ni hpe na a man na n gang kau ai sha, Hpaji madung hte chye ginhka ai myit rawng nga u:

GA SHAGAWP 7:1

Ngai sha e, ngai tsun ai ga hkan nang nga u; Ngai htet da ai ga, nang hta mahkawng da u.

ESAIA 38:19

Hkrung nga ai wa sha, gaja wa hkrung nga ai wa sha, dai ni ngai galaw ai hte maren, nang hpe shakawn na ra ai: Kawa gaw kashu kasha ni hpe, na a tengman ai lam sharin na ra ai.

ESAIA 42:20

Nang gaw lam law law hpe mu timung, matsing nga ai n rai; shi a na hpaw nga timung, shi n chye madat ai.

YEREMIA 17:21

Yehowa ning nga ai: Laban nhtoi hta nanhte lit n gun hpai ai hte Yerusalem mare chyinghka hku n jashawn myit ga, sadi mu:

LUKA 8:18

Dai re ai majaw, nanhte kaning rai na la myit dai hpe sadi nga mu: kaning rai nme law, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai hpe pyi, naw shaw la ya na ra ai, ngu wu ai.

EHPESU 6:4

Nanhte mung, nu wa ni e, nanhte a kasha ni hpe masin hkum shapawt myit: dai Madu a sharin achyin ai hte daru shadum ai lam hta, shanhte hpe bau maka nga mu.

TARA JAHPRANG 11:19

Ga ndai hpe nanhte a nshu nsha ni hpe sharin achyin let, nta e dung nga yang mung, lam e hkawm sa yang mung, taw nga rawt wa yang mung, ga dai a tsun nga lu na rai ndai.

TARA JAHPRANG 12:1

Lamu ga dai hta nanhte hkrung nga prat dingsa madu sha nga na matu, na nji nwa ni a Karai Kasang Yehowa jaw ai mungdan e nanhte hkan lang nga na matsun maroi ga hte dawdan ai tara gaw, ndai rai nga ai.

TARA JAHPRANG 16:3

Dai poi hta matsi rawng ai muk nang sha lu na ndai n rai: nang hkrung nga prat dingsa, Egutu mung na pru wa ai lam hpe nang dum nga lu hkra, sanit ya tup nni nkri ngu na matsi n rawng ai muk nang sha lu na rai ndai: kaning rai nme law, Egutu mung na nang tin shapun pru wa nit dai.

TARA JAHPRANG 17:19

ndai tara matsun maroi nlang shatsup lu hkra sharin na hte, shi a kahpu kanau ni hta gumrawng gumra n re ai sha, hkang da ai lam hta na apai ahkra n yit na matu,

TARA JAHPRANG 31:19

Dai rai nna, ndai mahkawn mangoi ga hpe ka tawn da nna, Israela kashu kasha ni hpe sharin ya mu: dai mahkawn mangoi ga gaw Israela kashu kasha ni a man e nye a lam sakse tai nga na matu shanhte a n-gup hta rawng nga malu ga.

TARA JAHPRANG 32:46

“Dai ni ngai nanhte a man e hkam da ya ai sakse ga ndai hpe, nanhte a kraw lawang e mazing sumhting gun nga mu; nanhte a kashu ni ndai matsun maroi tara ga nlang hte hpe hkan shatsup nna nga mu ga, shanhte hpe nanhte bai htawn hkai da lu na rai myit dai

TARA JAHPRANG 4:10

Dai gaw, Horeb bum hta na a Karai Kasang Yehowa a man e nang tsap nga yang, ‘Amyu masha ni hpe ngai kaw jahpawng tawn ru; dinghta ga ntsa e shanhte hkrung nga prat dingsa ngai e hkrit hkungga ai hte kashu kasha ni hpe sharin achyin ya nga lu hkra, nye a mungga ngai shanhte hpe na la shangun na mawe ai,’ nga nna Yehowa ngai hpe tsun ai lam rai nga ai.

TARA JAHPRANG 4:15

Horeb bum e wan kata nna, Yehowa nanhte hpe shaga myit dai shaloi, hpa zawn san ai hkrang mung nanhte n mu myit dai hte maren,

TARA JAHPRANG 4:23

Dai re ai majw, nanhte Karai Kasang Yehowa nanhte hte tawn da ai ga shaka hpe malap kau nna, nanhte a Karai Kasang Yehowa hkum da ai arai ni a hkrang hte bung ai tawk ai sumla n galaw hkrup myit ga, tinang dai tinang sadi nga mu.

TARA JAHPRANG 6:12

Egutu mung hte mayam nta na nang hpe shaw woi wa ai Yehowa hpe nang n malap kau n ga, sadi nga u.

TARA JAHPRANG 6:2

nanhte sa nna madu sha na marin dai mung hta hkan lang nga na matu, nanhte hpe sharin achyin ya na nanhte a Karai Kasang Yehowa a hkang da ai ga, matsun maroi hte dawdan ai tara gaw, ndai rai nga ai.

TARA JAHPRANG 6:20

Htawm hpang prat e na nsha gaw nang hpe, ‘Anhte a Karai Kasang Yehowa tawn da ya ai ndai sakse ga, matsun maroi hte dawdan ai tara gaw kaning re ai rai ta?'

TARA JAHPRANG 6:7

ga ndai, na nsha ni hpe nang sharin achyin ya nga lu na rai ndai; nta e dung nga let mung, lam e hkawm sa let mung, taw nga rawt wa let mung, ga dai a tsun nga lu na rai ndai.

TARA JAHPRANG 8:11

Dai ni ngai nang hpe htawn tsun ai hkang da ai ga, dawdan ai tara hte matsun maroi ga hpe n hkan kau nna, na a Karai Kasang Yehowa hpe malap kau ai kaw n du lit ga, sadi nga u:

TARA JAHPRANG 8:14

na a myit gumrawng wa nna, Egutu mung mayan tai ai nta na nang hpe shaw woi wa ai wa;

HEBRE 2:1

Dai re ai majaw na la sai lam hta na anhte n yit mat wa u ga, dai hte hpe grau nna madat mara shara rai nga ai.

HEBRE 2:3

ndai hte wa galu kaba ai hkye hkrang la ai chyeju hpe n gawn n sawn di ga yang, anhte kaning rai lawt lu na ga ta? dai chyeju gaw shawng npawt e madu a n-gup hte nan tsun dan nna, na la ai ni gaw anhte hpe bai htawn tsun shangang da ai hte,

YAKU 2:22

Dai rai nna, dai kamsham ai gaw, shi a magam bungli hte rau shachyen nna, dai magam bungli a majaw, dai kamsham ai gaw tup wa lu ai hpe, nang mu lu ndai;

YAWSHU 1:18

Na a mungga hpe tawt nna hkang da mada hpe n madat ai wa kadai rai timung sat kau ai hkrum lu na rai nga ai: dai rai nna n-gun da ting u, myit nden shaja u,” ngu nna Yawshu hpe htan mu ai.

YAWSHU 23:11

Dai re ai majaw, nanhte a Karai Kasang Yehowa hpe tsawra nga na, grai sadi nga mu.

YAWSHU 4:21

Bai Yawshu gaw Israela kashu kasha ni hpe, “Htawm hpang prat e, nanhte a kashu kasha ni gaw, Nlung ndai ni gaw hpa re ai i? Nga nna kanu kawa hpe san yang,

SHINGRAN 3:3

Dai re ai majaw, nang kaning rai hkam la lu ai hte, na la lu ai lam hpe bai dum u; dai hta hkan nang nga nna, myit malai lu u. Nang n maja nga taw gaw, lagu lagut zawn ngai du na ring ngai; gara aten e ngai nang kaw du sa na ring ngai mung, nang n chye na ndai.

TARA AGYI 3:7

Ya Israela kashu kasha ni gaw, Yehowa man e n shawp ai amu galaw let, shanhte a Karai Kasang Yehowa hpe malap kau nna Bala hpara ni hte Asherot hpe jaw jau ma ai.

TARA AGYI 8:34

Israela kashu kasha ni gaw, masha hpyen ni a lata na yawng Shanhte hpe hkye la ai, shanhte a Karai Kasang Yehowa hpe n dum kau ai hte,