TARA JAHPRANG 4:7 - Jinghpaw Hanson Version Bible

⁷ Kaning rai nme law, anhte hpyi gang ai lam shagu hta anhte a Karai Kasang Yehowa anhte hte ni nga ai zawn, amyu kaba gale ni hta dai zawn ni ai Hpara kadai lu a ta?

Jinghpaw Common Language Bible 2009

⁷ “Dai Madu anhte a Karai Kasang gaw anhte hte ni nga ai zawn kaning re ai amyu kaba hta mung shi hpe ra kadawn yang, ani sha nga lu ai hpara n nga nga ai. Karum la na matu anhte shaga shagu shi htan ya mi ai.

TARA JAHPRANG 4:7 ပူးပေါင်းရင်းမြစ်များ

2 SAMUELA 7:23

Na a amyu masha ni hte, na a mungdan a matu mara mauhpa amu kaba madun dan na nga, Karai Kasang yu wa nna, na ningsang mying dan hkung na matu, Egutu mung hte mungdan daga ni yawng hta, shanhte a Hpara ni a lata na hkye mawai la ai, nang lata la ai amyu Israela hte bung ai amyu gaw, dinghta ga ntsa e kadai amyu rai nga a ta?

SHAKAWN KUNGDAWN 145:18

Yehowa gaw shi hpe shaga ai ni nlang hte hte, Sadi sahka hte shi hpe shaga ai ni nlang hte hte, ni nga ai.

SHAKAWN KUNGDAWN 147:20

Shi gaw amyu kaga ni hpe, shing di galaw ya mu ai n rai: Shi a dara ai lam ni hpe, shanhte n chye na lu ma ai. Halelu-Yah.

SHAKAWN KUNGDAWN 148:14

Shi a amyu masha ni nlang a matu, shi dai nrung hpe sharawt da nu ai; dai gaw, shi hte ni nga ai amyu, Israela kashu kasha ni hte, Shi a chyoi pra ai ni yawng a matu mara, Shakawn kungdawn ai lam rai nga ai. Halelu-Yah.

SHAKAWN KUNGDAWN 34:17

Dinghpring ai ni jahtau yang Yehowa madat nga nna, Ru tsang ai nlang hta na, shanhte hpe mawai la mu ai.

SHAKAWN KUNGDAWN 34:18

Yehowa gaw myit maku daw ai ni hte ani sha rai nga ai rai nna, Wenyi htum ai ni hpe hkye la mu ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai, Ru tsang ai aten e karum na jin nga chyalu rai nga ai.

SHAKAWN KUNGDAWN 73:28

Karai Kasang kaw sit wa na, nye a ngamai shara rai nga ai: Na a magam amu nlang ngai gawn dan nga lu hkra, Yehowa hta nye a kamsham shara ngai tawn da se ai.

SHAKAWN KUNGDAWN 85:9

Gaja wa, anhte a mungdan hta e arawng nga lu u ga; Shi a hkye hkrang la ai lam, shi hpe hkrit kamyin ai ni kaw ani sha nga nga ai.

ESAIA 43:4

Nang gaw nye a man e ging dan nna, arawng sadang lu ai hte, ngai nang hpe tsawra nngai majaw, na a malai masha ni hpe, na asak a malai masha amyu ni hpe ngai jaw na nngai.

ESAIA 55:6

Yehowa hpe mu lu ai aten e shi hpe tam mu; shi naw ni nga yang, shi hpe hpyi shaga mu:

BU HKAWM 23:21

Yaku hta yubak shi n mu wu ai, Israela hta mara shagun na n lu wu ai: Shi a Karai Kasang Yehowa shi hte rau rai nga ai, Hkawhkam garu ai nsen shanhte hta pru nga ai.

BU HKAWM 23:9

Lunghkrung ntsa na ngai shi hpe mu se ai, Kawng pungding nna ngai shi hpe yu se ai Amyu dai gaw kaga lak rai nga ai. Amyu gale hta lawm nga ai n rai.

KASA 17:27

du hkra ladaw hte buga jarit madat da ya mu ai; shing nga tim shi anhte kadai hte mung tsan nga ai n rai:

TARA JAHPRANG 26:19

shi hpan da sai masha amyu danghta hta, na a kajai gumhkawng ai, na a nsang mying, na a arawng sadang shagrau ya na nga nna mung, shi tsun tawn da sai hte maren, na a Karai Kasang Yehowa a matu nang hpe chyoi pra ai amyu shatai na nga nna mung, Yehowa dai ni yin la nu ai, nga nna Israela amyu hpe tsun wu ai.

TARA JAHPRANG 33:29

Israela e, nang a nga ndai: Yehowa hkye hkrang la ai amyu e, nang hte kadai bung a ta? Shi gaw nang hpe makawp maga ai ninggang, Na a shingkang shapraw ai nhtu rai nga ai. Na a hpyen ni nang kaw nawm nna, Shanhte a tsaw ai shara ni hpe nang kabye lu na rin dai,” nga nna tsun shaman ya wu ai.

TARA JAHPRANG 4:32

Ginding aga ntsa e Karai Kasang shinggyim masha hpan da ai nhtoi kaw nna, nanhte garai n pra yang na lai mat wa sai prat hte ting hta, lamu htum maga mi kaw nna maga mi de du hkra gawn yu mu; ndai daram kaba ai amu byin yu sa ni? ndai zawn re ai shiga na yu myit ni?

TARA JAHPRANG 5:26

Kaning rai nme law, ahkrung nga ai Karai Wa shi nan wan hta nna shaga ai nsen hpe anhte na lu ai zawn, shinggyim masha hta kadai wa na ninglen hkrung lu a ta?

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.