TARA JAHPRANG 4:6 - Jinghpaw Hanson Version Bible

⁶ Dai rai nna dai ga hpe hkan shatsup nga mu; dai rai jang, ndai matsun maroi ga nlang hte hpe na yu nna, ‘Gaja wa ndai galu kaba ai amyu gaw, hpaji byeng-ya hte kunghpan ai amyu rai nga ai,’ nga nna nanhte a lam kajai tsun na maigan amyu ni a man e, dai gaw nanhte a hpaji byeng-ya hte kunghpan ai lam tai na rai nga ai.

Jinghpaw Common Language Bible 2009

⁶ Dai tara ni hpe sadi sahka hte hkan shatup nga mu; shing rai jang, nanhte gaw hpaji byeng-ya hta kade wa kunghpan nga myit dai lam masha amyu baw ni hpe madun dan lu na rai myit dai. Shanhte mung dai matsun maroi tara ni hpe na yang, ‘Ndai amyu baw ni gaw hpaji byeng-ya hte chye na hkawn hkrang ai nyan marai lu la nga manu hka!,’ ngu nna tsun na rai ma ai.

TARA JAHPRANG 4:6 ပူးပေါင်းရင်းမြစ်များ

1 HKAWHKAM 4:34

Shawlumon a hpaji byeng-ya lam na lu a ga ntsa hkawhkam ni yawng hta na, shi a hpaji ga madat na matu, mung masha sa du ma ai.

YOBA 28:28

Shinggyim masha hpe chyawm gaw, yu u, Madu hpe hkrit hkungga na, hpaji byeng-ya rai nga ai; yubak mara koi kau na, chye chyang ai lam rai nga ai, ngu nna hkang da nu ai,” nga ai.

SHAKAWN KUNGDAWN 111:10

Yehowa hpe hkrit hkungga ai myit gaw, Hpaji byeng-ya a npawt rai nga ai; Dai hpe hkan nang ai ni nlang hte gaw, myit su ai lam kaja chye lu ma ai: Shi hpe shakawn kungdawn ai lam, htani htana e agrin nga ai.

SHAKAWN KUNGDAWN 19:7

Yehowa a tara ra n rawng ai rai nna, myit masin hpe shalan shabran ya ai. Yehowa a sakse tengman nga ai rai nna, myit n su ai ni hpe hpaji jaw mu ai.

SHAKAWN KUNGDAWN 19:8

Yehowa a jep ai tara dingman nga ai rai nna, myit masin hpe kabu shangun ya nga ai. Yehowa htet da ai ga asan apra rai nga nna, shinggan myi sha hpe jahtoi ya nga ai.

GA SHAGAWP 1:4

Hpaji byeng-ya rawng ai wa gaw madat mara nga nna, zai byeng-ya naw jat la lu na hte,

GA SHAGAWP 1:5

myit su ai wa gaw hkum tsup re ai htung hking hkan nang lu hkra,

GA SHAGAWP 1:7

Yehowa hpe hkrit hkungga ai myit gaw chye chyang ai a npawt rai nga ai; myit n gring ai ni chyawm gaw hpaji byeng-ya hte sharin achyin ai ga hpe gang kau ma ai.

GA SHAGAWP 14:34

Dinghpring ai arawn alai gaw, mung masha ni hpe shagrau nga ai; Yubak mahtang, masha amyu ni a kaya kahpa lam rai nga ai.

GA SHAGAWP 14:8

Tinang sa wa ai lam chye lu ai gaw, myit su ai wa a hpaji rai nga ai; Angawk ai ni maw ai lam chyawm gaw, hkalam ai hkrai rai nga ai.

ESAIA 42:21

Yehowa gaw, shi a dinghpring ai myit majaw, sharin shaga ai lam hpe shagrau nna, dan hkung shangun wu ai.

YEREMIA 8:9

Hpaji rawng ai ni kaya kahpa hkrum ma ai: mak mat nna, mahkam hta lu masai; yu u, shanhte gaw Yehowa mungga hpe gang kau manu ai: shanhte hta hpa baw hpaji rawng a ta?

EZEKELA 5:5

Madu Yehowa ning nga ai: Da ndai gaw Yerusalem mare rai nga ai; ngai gaw dai mare hpe amyu baw ni a ka-ang e tawn da nna, de a grup yin e mungdan ni dè nga ma ai.

Daniela 1:20

Hkawhkam wa san yu ai hpaji byeng-ya hte, chye chyang ai lam mahkra hpe, dai shabrang ni gaw, mungdan ting a lakle sara ni hte, htamshi grau nna chye ma ai.

Daniela 4:9

Lakle sara ni a agyi wa Belteshaza e, nang gaw chyoi pra ai hpara ni a wenyi rawng nna, na a man e makoi magap lam n nga ai hpe, ngai chye ai majaw, ngai mu ai yup mang a shingran hte lachyum, ngai hpe htai dan ya e.

HOSEA 8:12

Ngai gaw nye a tara mun sen shi a matu ka da timung, dai hpe hpa n re ai zawn nawn nga ai.

MALAHKI 3:12

Maigan amyu ni yawng, nanhte hpe shagrau sha-a na mara ai: kaning rai nme law, nanhte a mungdan, ra sharawng mai ai mungdan tai na ra ai, nga nna Zaw nawng zaw wa up ai Yehowa tsun ai.

TARA JAHPRANG 29:9

Nanhte a Karai Kasang Yehowa gaw, dai ni nanhte hpe shi a amyu shatai na nga, nang hpe tsun da sai hte, na nji nwa Abraham, Isak, Yaku hte hta dagam da sai hte maren,

TARA JAHPRANG 32:46

“Dai ni ngai nanhte a man e hkam da ya ai sakse ga ndai hpe, nanhte a kraw lawang e mazing sumhting gun nga mu; nanhte a kashu ni ndai matsun maroi tara ga nlang hte hpe hkan shatsup nna nga mu ga, shanhte hpe nanhte bai htawn hkai da lu na rai myit dai

TARA JAHPRANG 32:47

Kaning rai nme law, ndai gaw nanhte a matu amai ahkai ga sha n rai; dai gaw nanhte a asak hkrung lam rai nga malit dai: Yawdan hka rap nna shang sha na marin dai mungdan hta nde a marang e nanhte aprat galu wa na rai malit dai,” ngu nna tsun da wu ai.

2 TIMOHTI 3:15

nang hpe hpaji byeng-ya jaw lu ai chyoi pra ai Chyum laika ni hpe ma kaji prat kaw nna nang chye nga nit dai hpe mung, adum nga let, nang sharin la nna myit tawng da ai lam ni hta, agrin nga u.

YAKU 3:13

Nanhte hta e, hpaji byeng-ya hte chye chyang ai wa, kadai rai nga a ta? Dai wa gaw shingdi chye ai hpaji byeng-ya hte, kaja ai arawn alai hkan let, tinang a magam bungli hpe madun ru ga.