TARA JAHPRANG 4:2 - Jinghpaw Hanson Version Bible

² Dai ngai nanhte hpe hkang da ai hte hta ga ningnan jat lu na n rai, ndai hta na langai mi muk lai kau lu na n rai: ngai nanhte hpe hkang da sai nanhte a Karai Kasang Yehowa a tara matsun ni hpe nanhte hkan shatsup nga lu na rai myit dai.

Jinghpaw Common Language Bible 2009

² Ngai nanhte hpe hkang da ai lam hta hpa mung jat bang lu na n rai; dai hta na hpa mung shaw kau lu na n rai. Ngai nanhte hpe jaw da sai dai Madu nanhte a Karai Kasang a hkang da ai ga matsun ni hpe madat mara na rai myit dai.

TARA JAHPRANG 4:2 ပူးပေါင်းရင်းမြစ်များ

SHAKAWN KUNGDAWN 78:7

Karai Kasang hpe kamsham nga nna, Karai Wa a amu hpe n malap kau ai sha, Shi htet da mada hpe hkan mayu lu hkra,

GA SHAGAWP 30:6

Shi nang hpe n daru lu hkra, nang masu ai wa n tai n ga, Shi a ga hta hkum kahtap et.

HPAJI NINGLI 12:13

Yawng mayawng ya shapraw ngut sai; ga kanu gaw da ndai rai nga ai: Karai Kasang hpe hkrit hkungga nna, shi hkang da ai ga hpe madat mara nga u; dai gaw shinggyim masha ni a lam madung rai nga ai.

MAHTE 5:18

Nanhte hpe ngai teng teng tsun made ga, lamu hte aga garai n lai wa yang, dai hpe garai n shabyin byin gaw, dai jep ai tara kaw nna, ga kanu langai mi hte madin langai mi pyi, lai wa lu na n rai.

MAHTE 5:43

Na a baw sang wa hpe nang tsawra lu nna, na hpyen wa hpe n dawng n yawt lu na ndai, nga nna tsun dan ai ga gaw, nanhte na yu manu ai.

GALATI 3:15

Hpunau ni e, masha myit ai hku hkan nna ngai tsun n ga: Masha e gaw da ngut sai ga ndat jahpan hpe pyi, kadai mung lai kau lu ai n rai, kadai mung dai hta set jat lu ai n rai.

TARA JAHPRANG 1:3

Hesbon e dung ai Amori hkawhkam Sihon hte, Edri makau e, Ashtarot e dung ai Bashan hkawhkam Oga hpe sat kau wu ai hpang e,

TARA JAHPRANG 13:1

Ngai nanhte hpe hkang da mada hkan shatsup nang nga mu; dai hta jat mung hkum jat et, Yawm mung hkum shayawm et.

TARA JAHPRANG 33:4

Mawshe anhte hpe jep ai tara, Yaku shawa hpawng a matu sali wunli, hkang da ya ma ni ai.

TARA JAHPRANG 4:14

Nanhte wa nna madu sha nga na mungdan hta hkan nang lu na matu, ngai nanhte hpe sharin achyin ya na matsun maroi ga hte hkang ai tara ga ni hpe, dai shaloi e Yehowa ngai hta hkang da ni ai.

TARA JAHPRANG 4:40

Nang hte na a nshu ni ngamu ngamai lu hkra mung, na a Karai Kasang Yehowa prat tup matu nang hpe jaw tawn ai mungdan hta nang asak galu n ga mung, dai ni tsun da ai matsun maroi ga hte hkang ai tara ga hpe hkan shatsup nga lu na rai myit dai,” nga nna Mawshe hkaw tsun da ai rai.

TARA JAHPRANG 4:5

Yu u, nanhte wa nna shang sha lu ai mungdan hta hkan nang nga na matsun maroi ga hte hkang ai tara gaw, nye a Karai Kasang Yehowa tsun da ai hte maren ngai nanhte hpe sharin achyin da ma masade ai.

TARA JAHPRANG 5:29

Shanhte hte shanhte a kashu kasha prat dingsa ngamu ngamai lu hkra, ngai e hkrit hkungga nna ngai hkang da mada hkan sa mayu ai myit tutnawng rawng nga mu ga.

TARA JAHPRANG 5:32

Dai rai nna, nanhte a Karai Kasang Yehowa nanhte hpe hkang da sai hte maren, nanhte hkan nang lu na rai myit dai: pai de hkra de yit lu na myit dai n rai.

YAWSHU 1:7

Dai rai nna, nye a shangun kasa Mawshe nang hpe tara hkang da ai hte maren hkan nang lu hkra, n-gun da ting nna, myit nden ja ja shaja u; nang galaw ai lam magup hta myit ai kaw du hkra, dai tara lam hta hkan nang nga u; hkra de pai de hkum yit et.

YAWSHU 8:35

Yawshu mung, Mawshe hkang da mada hte maren, Israela shawa hpung ting hte shanhte hta na numsha hte ma kaji, shingbyi manam yawng a man e, ga dahkun mi muk n shayet ai sha, hti dan wu ai.