TARA JAHPRANG 4:1 - Jinghpaw Hanson Version Bible

¹ Ya, Israela amyu e, nanhte asak hkrung nga lu nna, nanhte a nji nwa ni a Karai Kasang Yehowa nanhte hpe jaw da ai mungdan hta shang madu sha lu hkra, nanhte hkan shatsup nga na matu ngai sharin achyin da ai matsun maroi ga hte hkang da ai tara ga hpe madat mara la mu.

Jinghpaw Common Language Bible 2009

¹ Dai hpang Mawshe gaw amyu masha ni hpe, “Ngai nanhte hpe sharin ya nga ai tara ni yawng hpe madat mara nga mu; shaloi dai Madu nanhte a kaji kawa ni a Karai Kasang nanhte hpe jaw ya nga ai lamu ga hpe nanhte madu la nna nga nga lu na marin dai.

TARA JAHPRANG 4:1 ပူးပေါင်းရင်းမြစ်များ

SHAKAWN KUNGDAWN 105:45

Masha amyu ni a mungdan, shi shanhte hpe jaw da nna, Shanhte a sali wunli matu, amyu baw ni a bungli hta, shanhte shang lu ma ai. Halelu-Yah.

SHAKAWN KUNGDAWN 119:4

Na a ga matsun hpe htep lahti hkan lu mu ga, Nang anhte hpe htet da nit dai.

PRU MAT 18:20

ga matsun hte jep ai tara mung, nang shanhte hpe sharin ya nna, shanhte hkawm sa wa na lam hte galaw ra ai amu hpe, nang shanhte hpe madun ya na rai ndai.

YEREMIA 11:6

Bai Yehowa ngai hpe tsun ai gaw, “Ndai ga shaka mungga hpe madat mara nna hkan shatup mu, ngu nna Yuda mare ni hta mung, Yerusalem mare lam ni hta mung, hkaw tsun dan mu.

EZEKELA 11:20

shanhte gaw nye a matsun maroi ga hpe hkan nang nna, ngai hkang da ai ga hpe hkan galaw lu hkra, shanhte hkumhkrang na nlung salum hpe ngai shaw kau nna, shan salum bang ya na nngai: shing rai shanhte gaw nye a amyu tai nna, ngai gaw shanhte a Karai Kasang tai na nngai.

EZEKELA 20:11

Dai yang e ngai shanhte hpe nye a matsun maroi ga jaw da nna, nye a tara dara ai lam madun dan nngai: dai gaw hkan nang ai wa a hkrung nga na lam rai nga ai.

EZEKELA 20:21

“Rai timung, shanhte kashu kasha ni gaw ngai hpe gumlau ma ai: shanhte gaw nye a matsun maroi ga hpe n hkan, nye a tara dara ai lam ni hpe n hkan galaw ma ai: dai lam ni chyawm gaw hkan nang ai wa a hkrung nga na lam rai nga ai: nye a laban nhtoi ni hpe mung, shanhte awu asin di kau ma ai. Dai rai nna, shanhte hta nye kahtet ai myit shakawp na matu, nam mali hkan e nye a pawt bu ai, shanhte a ntsa e ru dat na, ngai tsun nngai.

EZEKELA 36:27

Nanhte a kraw lawang e nye a Wenyi hpe ngai bang ya nna, nye a matsun maroi ga hpe hkan shangun na nngai: shing rai nanhte gaw nye a hkang da ai ga hpe hkan galaw nna shatup na marin dai.

EZEKELA 37:24

Shaloi nye a shangun ma Dawi shanhte a hkawhkam tai nna, shanhte yawng sagu rem wa langai sha lu na mara ai; nye a hkang da ai ga hpe shanhte hkan nang nna, nye a matsun maroi ga hpe hkan shatup na mara ai.

JAW JAU 18:5

Dai rai nna, ngai jaw tawn ai tara lam hte ga matsun hpe nanhte hkan nang lu na rai myit dai: dai hte hpe hkan shatsup ai wa gaw de a marang e asak hkrung na rai: ngai gaw Yehowa rai nga nngai.

JAW JAU 19:19

Nye a ga matsum nanhte hkan nang lu na rai myit dai: amyu n gadaw ai yamnga shada hpe uli shalum lu na n rai: amyu n gadaw ai hkai nli hpe na a yi hkauna hta kayau gat lu na n rai: ri baw lahkawng hte kayau da ai hpun palawng mung bu hpun lu na n rai.

JAW JAU 19:37

Nanhte gaw, ngai tawn da ai tara hte nye a ga matsun yawng mayawng shatup nga na rai myit dai: ngai gaw Yehowa rai nga nngai.

JAW JAU 20:8

Nye a ga matsun nanhte hkan nga na rai myit dai: ngai gaw nanhte hpe shachyoi shapra ai Yehowa rai nga nngai.

JAW JAU 22:31

Dai re ai majaw nye a tara matsun ni hpe nanhte hkan nang lu na rai myit dai: ngai gaw Yehowa rai nga nngai.

MAHTE 28:20

ngai nanhte hpe hkang da mada yawng hte hpe hkan shadik lu mu ga, shanhte hpe sharin shaga ya mu: dai hta kaga, yu mu, lamu ga aprat htum hkra, ngai nanhte hte rau dinggrin anga nga na nngai law, ngu nna shanhte hpe matsun dat mu ai.

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

YAWHAN 15:14

Nanhte nye a ga matsun hkan shatup myit yang gaw nanhte nye a jinghku ni rai nga myit dai.

ROMA 10:5

Mawshe chyawm gaw, Tara hku hkan galaw ai wa gaw de a majaw asak hkrung nga lu na ra ai, nga nna jep ai tara hte seng ai dinghpring ai lam ka da nu ai.

TARA JAHPRANG 1:3

Hesbon e dung ai Amori hkawhkam Sihon hte, Edri makau e, Ashtarot e dung ai Bashan hkawhkam Oga hpe sat kau wu ai hpang e,

TARA JAHPRANG 1:8

Yu mu, dai mungdan nanhte a man e ngai tawn ya se ai; nanhte a kaji kawa Abraham, Isak, Yaku hte hte, shanhte a hpang na matu mara ni hpe jaw na, nga nna Yehowa dagam da ai mung de shang nna madu la ma su,’ nga nna tsun ma ni ai.

TARA JAHPRANG 11:1

Dai re ai majaw nang gaw na a Karai Kasang Yehowa hpe tsawra let, shi a ga madat hte matsun maroi, dawdan ai tara hte hkang da ai ga ni hpe hkan shatup nga na rai ndai.

TARA JAHPRANG 11:32

Shing rai dai ni ngai nanhte hpe jaw da ai matsun maroi ga hte dawdan ai tara yawng mayawng hpe, nanhte hkan shatup lu na rai myit dai.

TARA JAHPRANG 13:1

Ngai nanhte hpe hkang da mada hkan shatsup nang nga mu; dai hta jat mung hkum jat et, Yawm mung hkum shayawm et.

TARA JAHPRANG 16:20

Nang hkrung nga lu na hte na a Karai Kasang Yehowa nang hpe jaw ai mungdan madu sha lu n ga gaw, dingman ai hku hkrai jeyang lu na rai ndai.

TARA JAHPRANG 30:16

asak hkrung lam hte ngamu lam, si hkrung si htan, lam hte matsan tsin-yam lam na a man e ngai dai ni tawn da ya sade ai.

TARA JAHPRANG 30:19

Asak hkrung lam hte si htan lam, shaman ai chyeju lam hte dagam dala dingnye lam, na a man e dai ni ngai tawn da ya sade ai, ngu nna na a lam sumsing lamu hte ginding aga hpe ngai sakse da ya se ai: dai rai nna, nang hte na a amyu matu ni hkrung nga lu myit ga gaw, asak hkrung ai lam lata la mu:

TARA JAHPRANG 30:20

na a Karai Kasang Yehowa hpe tsawra u, shi a nsen madat mara nga u, shi hta manoi manat nga u; kaning rai nme law, shi gaw na a asak hkrung lam hte na a prat galu na lam rai nga ai: dai rai jang, Yehowa Abraham, Isak, Yaku hte hpe jaw na nga dagam da ai mungdan hta nang anga nga lu na rin dai,” ngu nna Israela amyu masha mi hpe tsun da wu ai.

TARA JAHPRANG 4:40

Nang hte na a nshu ni ngamu ngamai lu hkra mung, na a Karai Kasang Yehowa prat tup matu nang hpe jaw tawn ai mungdan hta nang asak galu n ga mung, dai ni tsun da ai matsun maroi ga hte hkang ai tara ga hpe hkan shatsup nga lu na rai myit dai,” nga nna Mawshe hkaw tsun da ai rai.

TARA JAHPRANG 4:45

Egutu mung na shanhte pru wa ma yang, Hesbon e dung ai Amori hkawhkam Sihon a lamu ga, Yawdan hka sinpraw hkran, Bet-peora hte tawtap na kadit e, Mawshe, Israela kashu kasha ni hpe tsun da ai sakse ga, matsun maroi ga hte hkang da ai tara ga rai nga ai:

TARA JAHPRANG 4:8

Dai hta kaga, dai ni ngai nanhte hpe tawn da ya ai tara made dinghpring ai matsun maroi ga hte hkang ai tara ga gaw, amyu kaga gale ni hta kadai wa lu a ta?

TARA JAHPRANG 5:1

Shaloi Mawshe gaw Israela kashu kasha ni nlang hte hpe shaga nna, “Israela amyu e, dai ni ngai nanhte hpe shana da ai matsun maroi ga hte hkang da ai tara ga hpe sharin la nna hkan nang lu hkra sadi nga na matu, madat mara la maru.

TARA JAHPRANG 5:33

Nanhte madu sha na marin dai mungdan hta nanhte hkrung nga lu nna, ngamu ngamai na hte asak galu malit ga gaw, nanhte a Karai Kasang Yehowa nanhte hpe hkang da ai lam magup hta nanhte hkan sa lu na rai myit dai.

TARA JAHPRANG 6:1

Nang hkum nan hte na a kashu kasha ni, na a Karai Kasang Yehowa hpe hkrit hkungga let, ngai nang hpe hkang da ya sai matsun maroi hte hkang da ai tara nlang hte hpe prat dingsa hkan nang lu na hte na a prat galu nga lit ga nga;

TARA JAHPRANG 6:24

Shing rai dai ni rai nga ai hte maren anhte a asak hpe bau ya nga na matu, anhte a tutnawng na ngamai nhpang tai lu hkra, anhte a Karai Kasang Yehowa hpe hkrit hkungga nga mu ga nga, Yehowa gaw ndai matsun maroi ga nlang anhte hpe tawn da ya ai, rai nga ai.

TARA JAHPRANG 7:11

Dai re ai majaw, dai ni ngai nang hpe tawn da ya ai hkang da ai ga, matsun maroi ga hte dawdan ai tara hpe shatsup lu hkra hkan nga na rai ndai.

TARA JAHPRANG 8:1

Nang hkrung nga nna law htam wa lit ga hte, Yehowa na a nji nwa ni hpe dagam da ai mung de sa nna shang sha lu n ga gaw dai ni ngai nang hpe hkang da ai matsun maroi nlang hte hpe hkan shatsup lu hkra sadi nga u.

TARA JAHPRANG 8:11

Dai ni ngai nang hpe htawn tsun ai hkang da ai ga, dawdan ai tara hte matsun maroi ga hpe n hkan kau nna, na a Karai Kasang Yehowa hpe malap kau ai kaw n du lit ga, sadi nga u:

TARA JAHPRANG 9:1

Israela amyu e, madat mara la u: nang hta grau kaba nna, n-gun grau ja ai amyu ni hpe mung, lamu ganghkau dep ai bunghku e shinggrup ai mare kaba ni hpe mung,

YAWSHU 3:9

Bai Yawshu gaw Israela kashu kasha ni hpe, “Wa marit, nanhte a Karai Kasang Yehowa a ga madat la maru.