TARA JAHPRANG 3:2 - Jinghpaw Hanson Version Bible

² Yehowa chyawm gaw, ‘Shi hpe hkum hkrit et; shi hpe mung, shi a masha ni hte hpawn, shi a lamu ga mung na a lata hta ngai ap ya sade ai: Hesbon e dung ai Amori hkawhkam Sihon hpe di ai zawn, dai wa hpe mung di na rai ndai,’ nga nna ngai hpe tsun ai.

Jinghpaw Common Language Bible 2009

² Rai ti mung, dai Madu gaw ngai hpe, ‘Shi hpe hkum hkrit et; shi hpe mung shi a masha ni hte shi a lamu ga yawng mung, na a lata hta ap ya nga nngai. Heshbon mare e hkaw dung ai Amori Hkawhkam Sihon hpe nang dang kau ai zawn shi hpe mung dang kau na rai ndai,’ ngu nna tsun wu ai.

TARA JAHPRANG 3:2 ပူးပေါင်းရင်းမြစ်များ

2 HKAWHKAM LABAU 20:17

Rai timung nanhte gasat shara n nga ai: Yuda hte Yerusalem masha ni e, asim sha tsap nga mi: Yehowa nanhte hpe hkye hkrang la ai lam mada yu mu: hkum hkrit myit, myit hkum kaji; hpawt ni jang shanhte hpe htim mu; Yehowa nanhte hte rau rai nga ai,” ngu mu ai.

ESAIA 41:10

hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye dinghpring ai hkra lata hte, ngai nang hpe shadaw na de ai.

ESAIA 43:5

Hkum hkrit et; ngai nang hte rau rai nga nngai: sinpraw maga de na, na a aru arat ni hpe ngai woi wa nna, sinna maga de na nang hpe shinggyin la na nngai;

BU HKAWM 14:9

Dai re ai majaw Yehowa hpe hkum gumlau myit; dai mung na masha ni hpe mung hkum hkrit myit; shanhte gaw anhte a shat sha tai na ra ai: shanhte hta makawp maga n nga malu ai; anhte hpang de chyawm gaw Yehowa nga nga ai; shanhte hpe hkum hkrit myit,” ngu nna tsun mu ai.

BU HKAWM 21:34

Shaloi Yehowa Mawshe hpe, “Shanhte hpe hkum hkrit myit! shi hte shi a masha nlang hpe mung, shi a lamu ga mung, na a lata hta ngai ap sade ai: Hesbon mare na Amori hkawhkam Sihon hpe di ai zawn, ndai wa hpe mung di na rai myit dai,” ngu wu ai.

KASA 18:9

Dai shaloi Madu gaw shana e shingran hta Pawlu hpe “hkum hkrit et; she tsun u, atsin sha hkum nga et;

KASA 27:24

‘Pawlu e, hkum hkrit et; hkawhkam Kehta a man e nang tsap lu na rin dai; yu u, nang hte rau ndai li hta jawn ai ni nlang, Karai Kasang nang hpe ap ya nit dai,’ nga nna ngai e tsun sai.

TARA JAHPRANG 20:3

“Israela amyu e, madat u; masha hpyen ni hpe gasat na dai ni nanhte hkyen ngut manit dai: dai rai nna shanhte a majaw, myit hkum htum et; hkum hkrit, hkum gari, hkum kajawng hkum ma myit:

TARA JAHPRANG 3:1

Bai anhte kayin nna Bashan mung lam hku lung wa ga ai: Bashan hkawhkam Oga mung shi a masha ni nlang hte hte Edri shara e anhte hpe hkap gasat na nga pru sa wa ai.

TARA JAHPRANG 3:11

(Kaning rai nme law, Rehpim ngu ai amyu hta na hkrat ai, Bashan hkawhkam Oga chyu sha ngam nga sai; yu u, shi a yup ku gaw hpri yup ku rai nga ai: dai gaw Amon kashu kasha ni a mung na Raba mare hta nga nga lu ai n rai ni? masha a dawng hku sawn yang, dai gaw galu de dawng jahku, nda de dawng mali rai nga ai.)

TARA JAHPRANG 3:3

Shing nga anhte a Karai Kasang Yehowa gaw Bashan hkawhkam Oga hte shi a masha ni nlang hte mung, anhte a lata hta ap mi ai rai nna, shi a matu ngu na langai mi muk n ngam hkra sat kau gaw ai.

YAWSHU 10:8

Yehowa mung, Shanhte hpe “hkum hkrit et; na a lata de ngai shanhte hpe ap ya sade ai; nang hpe kadai mung hkap daw lu na n rai,” ngu nna Yawshu hpe shalan wu ai.

SHINGRAN 2:10

Nang hkrum magang ra ai nni nkri hpe hkum hkrit et; yu u, nanhte hpe chyam yu na, Nat gaw nanhte hta na nkau mi hpe htawng hta sharen da nna, nanhte n htoi shi ya tup zingri zingrat ai hkrum na marin dai. Si hkra maju jung nga u, shaloi ngai nang hpe asak janmau jaw na de ai.