TARA JAHPRANG 3:1 - Jinghpaw Hanson Version Bible

¹ Bai anhte kayin nna Bashan mung lam hku lung wa ga ai: Bashan hkawhkam Oga mung shi a masha ni nlang hte hte Edri shara e anhte hpe hkap gasat na nga pru sa wa ai.

Jinghpaw Common Language Bible 2009

¹ “Dai hpang, anhte mung dingdung maga Bashan ginwang de shanang lung wa ga ai rai nna, Hkawhkam Oga mung shi a masha ni yawng hte anhte hpe hkap gasat na matu, Edri mare makau de pru sa wa ma ai.

TARA JAHPRANG 3:1 ပူးပေါင်းရင်းမြစ်များ

1 HKAWHKAM 4:19

Amori hkawhkam Sihon hte Bashan mung na hkawhkam Oga hte seng ai Gilead ginwang na Uri a kasha Gebera, rai nga ma ai: Gebera chyawm gaw dai mung hta shi hkrai up ai du rai nga ai.

NEHEMIA 9:22

Dai hta kaga, hkawhkam mungdan ni hte maigan amyu ni hpe nang shanhte hpe jaw da nna, daw mi hte daw mi ang wa ai hte maren, karan jaw mu ai. Shing rai shanhte gaw Heshbon hkawhkam Sihon a mungdan hte, Bashan hkawhkam Oga a mungdan hpe madu nga lu ma ai.

SHAKAWN KUNGDAWN 136:20

Bashan a hkawhkam Oga hpe, sat kau nu ai, Shi a chyeju htani htana agrin nga ai.

TARA JAHPRANG 1:4

Mawshe gaw, mali shi ning shaning, shata shi langai a nhtoi langai ya shani e, Yehowa shi hpe hkang da made hte maren, Israela kashu kasha ni hpe htawn tsun wu ai.

TARA JAHPRANG 2:32

Shaloi Sihon gaw shi a masha ni nlang hte hte, Yahat shara e anhte hpe hkap gasat na nga pru sa wa ai.

TARA JAHPRANG 29:7

shing rai shan a lamu ga anhte kashun la nna, Itubin amyu, Gad amyu hte Manashe amyu chyen mi hpe sali ga matu jaw kau sagaw ai.

TARA JAHPRANG 3:2

Yehowa chyawm gaw, ‘Shi hpe hkum hkrit et; shi hpe mung, shi a masha ni hte hpawn, shi a lamu ga mung na a lata hta ngai ap ya sade ai: Hesbon e dung ai Amori hkawhkam Sihon hpe di ai zawn, dai wa hpe mung di na rai ndai,’ nga nna ngai hpe tsun ai.

TARA JAHPRANG 31:4

Yehowa mung shi jahten kau ai Amori hkawhkam Sihon yan Oga a mungdan hte shan hpe di ai zawn, dai hkran na masha amyu ni hta mung di na wu ai.

TARA JAHPRANG 4:47

shi a lamu ga mung, Bashan hkawhkam Oga a lamu ga hpe mung madu la kau ma ai:

YAWSHU 12:1

Ya, Israela kashu kasha ni, gasat nna kabye la lu ai Arnon hka kaw nna Hermon bum du hkra hte na pa ga yawng lawm ai Yawdan hka, Jan pru maga na hkawhkam ni gaw ndai yan rai ma ai:

YAWSHU 12:4

bai, Rehpim amyu hta na hkrat ai, Ashtarot hte Edri e dung ai Bashan hkawhkam Oga:

YAWSHU 13:30

Shanhte a lamu ga gaw, Mahanim kaw nna Bashan ngu ai, Bashan hkawhkam Oga a mungdan ting; Bashan mung hta lam ai Ya-ira mare kru shi yawng;

YAWSHU 9:10

Yawdan hka sinpraw hkran, Hesbon e dung ai hkawhkam Sihon hte, Ashtarot e dung ai Bashan hkawhkam Oga ngu ai Amori hkawhkam yan hta galaw ai lam yawng mayawng hpe mung anhte na ma saga ai.