TARA JAHPRANG 27:9 - Jinghpaw Hanson Version Bible

⁹ Bai Mawshe hte hkinjawng ni, Lewi masha ni gaw, Israela amyu ting hpe, “Israela amyu e, atsin sha nga nna madat mara la mu: dai ni nang gaw na a Karai Kasang Yehowa a amyu tai nga nit dai.

Jinghpaw Common Language Bible 2009

⁹ Dai hpang Mawshe gaw Lewi hkinjawng ni hte rau Israela amyu masha ni hpe, “Israela amyu masha ni e, atsin sha nga nna, nye a ga madat mu. Dai ni, nanhte gaw dai Madu nanhte a Karai Kasang a amyu masha ni tai nga manit dai;

TARA JAHPRANG 27:9 ပူးပေါင်းရင်းမြစ်များ

2 SAMUELA 7:24

Kaning rai nme law, nang gaw na a amyu Israela hpe, htani htana prat dingsa, na a amyu masha shatai na nga, shanhte hpe na a matu shangang shakang da nna, nang, Yehowa e, shanhte a Karai Kasang tai nit dai.

ROMA 6:22

Ya chyawm gaw yubak kaw na shalawt dat ai hkrum nna, Karai Kasang a ali ama ni tai nga myit dai majaw, chyoi pra hkam na ngu ai akyu gaw, nanhte lu la myit dai: de a chyahtum madaw gaw htani htana asak rai nga ai.

TARA JAHPRANG 27:10

Dai re ai majaw na a Karai Kasang Yehowa a ga madat nga nu; dai ni ngai htawn tsun ai hkang da ai ga hte matsun maroi hpe hkan shatsup nga u,” ngu nna tsun mu ai.

TARA JAHPRANG 27:8

Dai nlung ni hta ndai jep ai tara ga nlang hte hpe, nang dan dan pra pra ka da na rai ndai,” ngu nna tsun mu ai.