TARA JAHPRANG 26:7 - Jinghpaw Hanson Version Bible

⁷ shaloi anhte gaw anhte a ji wa ni a Karai Kasang Yehowa hpe shaga gaw ai rai nna, Yehowa anhte a nsen madat mara ya ai hte anhte hkrum ai bungli lit hte nni nkri hpe yu ya mi ai.

Jinghpaw Common Language Bible 2009

⁷ Shaloi anhte mung anhte a ji wa ni a Karai Kasang dai Madu kaw karum la na matu hpyi jahtau saga ai. Dai rai nna anhte hkrum sha ai nni nkri, yak hkak jam jau lam hte nchyi nmu lam ni hpe mu ai hte na ya mi ai.

TARA JAHPRANG 26:7 ပူးပေါင်းရင်းမြစ်များ

PRU MAT 2:23

Ya nhtoi tsawmra wa na wa sayang she Egutu hkawhkam si mat ai: Israela a kashu kasha ni mung dai mayam lit a majaw, madai nna hkrap sharung ai ga gaw dai mayam lit kaw nna Karai Kasang hpang de hkrang lung wa malu ai.

PRU MAT 3:9

Ya, yu u, Israela a kashu kasha ni a hkrap sharung ai nsen gaw ngai kaw du ra ai; Egutu masha ni shanhte hpe zingri zingrat ai mayam amu hpe mung ngai mu se ai.

SHAKAWN KUNGDAWN 119:132

Na a amying hpe tsawra ai ni hpe nang di ang ai hte maren, Ngai kaw kayin nna, ngai hpe matsan dum la e.

SHAKAWN KUNGDAWN 50:15

Ru tsang ai nhtoi hta e ngai hpe shaga e; Ngai nang hpe hkye hkrang la nna, Nang ngai hpe shagrau sha-a na rin dai,” nga ai.

1 SAMUELA 9:16

“Hpawt de ndai ten e, Ben-yamin ga na masha langai mi, nang hpang de ngai shangun dat na ring ngai; dai wa hpe nye a amyu Israela du shatai nna, namman chya aya dang na rai ndai; shi gaw nye a amyu masha ni hpe, Hpilisti masha ni a lata na hkye la na ra ai: kaning rai nme law, shanhte a jahtau shaga ai nsen, nye a na hta hkrang ra ai rai nna, nye a amyu hpe ngai mada mara se ai,” ngu nna shi hpe shadan dan ya wu ai.

PRU MAT 6:5

Dai hta n-ga, Egutu masha ni yam da mu ai Israela amyu a madai sharung ai ga ngai na se ai; nye a ga shaka mung ngai dum nga nngai.

PRU MAT 4:31

amyu masha ni mung kamsham nga ma ai: Yehowa gaw Israela a kashu kasha ni hpe kawan katsan yu sa ai mung, shan hte hkrum ai ru tsang ai hpe yu ya ai mung shanhte na ma yang, shanhte gum dagup nna nawku ma ai.

2 SAMUELA 16:12

Dai ni wora wa matsa ai a marang e, ngai hkrum sha ai shoi chyum ai hpe Yehowa mada mara nna, chyeju bai nhtang jaw na nhten,” ngu wu ai.

NINGPAWT NINGHPANG 21:17

Shaloi Karai Kasang gaw dai ma a nsen na wu ai rai nna, lamu de nna Karai Kasang a lamu kasa mung Hagara hpe shaga let, “Hagara e, nang hta hpa re a ta? Hkum hkrit et; dai ma nga ai kaw na nsen Karai Kasang na nu ai:

NINGPAWT NINGHPANG 29:32

Shaloi Lea na-um nasin rai nna shadang sha shangai wu ai. Shi hpe Rubin ngu nna shamying wu ai: kaning rai nme law, shi gaw, “Ngai nga karen nga ai hpe Yehowa mada yu ni ai; dai rai nna ya nye a madu wa ngai hpe tsawra na ni ai,” nga ai.

PRU MAT 2:25

Karai Kasang gaw Israela a kashu kasha ni hpe mada mara yu nna, Karai Kasang gaw shanhte hpe dum nga ai.

SHAKAWN KUNGDAWN 31:8

Gumlau ni a lata hta nang ngai hpe ap kau ndai n rai, Dam lada ai shara e, nang nye a lagaw hpe shatsap ya ndai.