TARA JAHPRANG 24:3 - Jinghpaw Hanson Version Bible

³ Hpang na la wa mung shi hpe n ra ai majaw, jahka ai laika jaw nna shabawn kau ai rai yang rai, dai madu wa si mat ai rai yang rai,

Jinghpaw Common Language Bible 2009

³ hpang na la wa mung shi hpe n tsaw n ra ai rai yang, jahka laika ka jaw nhtawm shi a nta kaw nna shabawn kau dat na rai wu ai. Shing n rai dai numsha a hpang na madu wa si mat ai rai rai,

TARA JAHPRANG 24:3 ပူးပေါင်းရင်းမြစ်များ

ESAIA 50:1

Yehowa ning nga ai: Na nnu hpe jahka kau na matu, jahka kau laika kanang nga a ta? Ngai hka kap nna kadai hka madu kaw nanhte hpe dut kau n ta? Nanhte gaw, tinang mara majaw, dut kau ai hkrum nna, nanhte tara tawt lai ai majaw, nanhte a kanu gaw jahka kau ai hkrum sai.

YEREMIA 3:8

Htak mat sai Israela gaw, la shaw ai hte shut ai amu galaw ai majaw ngai shi hpe kau da nna, jahka ai laika jaw timung, myit magaw ai, shi a kana Yuda gaw, n hkrit ai sha sa nna, shi mung shawa num tai nga ai hpe, ngai mu nngai.

MAHTE 5:31

Na a madu jan hpe jahka mayu n yang gaw, shi hpe dat dat na laika jaw u ga, nga ai ga mung nga sai.

MARKU 10:4

Shanhte gaw, “Jahka ai laika ka da nna, shi hpe shabawn kau na, Mawshe ahkang jaw da sai,” ngu mu ai.

TARA JAHPRANG 24:1

La langai ngai num la nna nga sha nhtawm, dai numsha hta mara shagun shara lama ma rawng nna, myit n htuk lu yang gaw jahka ai laika jaw nna dat dat na rai wu ai:

TARA JAHPRANG 24:2

shaloi dai numsha gaw madu wa a nta na pru wa ai hpang, lasha kaga kaw wa lu na ahkang nga nga ai.

TARA JAHPRANG 24:4

shawng na madu wa dingsa gaw dai n san n seng sai num hpe bai hta num la na n rai: dai gaw Yehowa man e matsat shabat rai nga ai: na a Karai Kasang Yehowa nang hpe sali wunli jaw ai mungdan hta yubak mara shapraw lu na n rai.