TARA JAHPRANG 2:9 - Jinghpaw Hanson Version Bible

⁹ Shaloi Yehowa gaw, Moba masha ni hpe hkum shatsang mu; shanhte hte majan hkum galaw myit: Ara mare hpe gaw Lawt a kashu kasha ni hpe ngai ap ya mase ai re ai majaw, shanhte a mung hta na ngai nanhte hpe madu shangun na made ai n rai,’ nga nna ngai hpe tsun ai.

Jinghpaw Common Language Bible 2009

⁹ Dai Madu gaw ngai hpe, ‘Moba mung e nga ai Lawt a amyu matu mara ni hpe hkum sharu shatsang myit; shanhte hte majan hkum baw myit. Ara mare gaw ngai shanhte hpe jaw da mawe ai majaw shanhte a lamu ga lahpa mi hpe mung nanhte hpe ngai jaw na mawe ai n rai,’” ngu nna tsun wu ai.

TARA JAHPRANG 2:9 ပူးပေါင်းရင်းမြစ်များ

2 HKAWHKAM LABAU 20:10

Ya, yu u, Israela kashu kasha ni gaw, Egutu mung na pru wa yang, nang matsan dum nna, shaza kau da ai,

SHAKAWN KUNGDAWN 83:8

Asuri masha ni mung shanhte hte myit hkrum ma ai; Shanhte gaw lawt na masha ni hpe sa karum ma ai. [Selah.]

ESAIA 15:1

Moba mung hta ang ai Myihtoi ga: kaning rai nme law, lana mi hta sha Moba mung na Ara mare gaw shaza kau ai hkrum nna, marawng marang tai wa sai; lana mi hta sha Moba mung na Kira mare gaw shaza kau ai hkrum nna, marawng marang tai wa sai.

BU HKAWM 21:15

Ara mare du hkra rawi rai dun hkrat ai, Kadit ni a malun ni, nga nna de a lam Yehowa a hpyen majan laika hta kajai nga ai.

BU HKAWM 21:28

Hesbon hta na wan pru nna, Sihon a mare na wan shinglet poi ai hte, Moba mung na Ara mare hte hpawn, Arnon kawng ni a Madu du ni hpe hkru kau manu ai.

BU HKAWM 22:4

Shaloi Moba masha ni gaw Midian agyi salang ni hpe, “Ndai wunawng wuwa gaw, dumsu ni pa na tsingdu sha shakrin wa ai zawn, anhte a grup yin nga manga hpe sha shakrin kau na maru ai,” nga ma ai. Dai hte yang, Zipora kasha Balak gaw, Moba masha ni a hkawhkam rai nga ai.

TARA JAHPRANG 2:29

Seira bum e nga ai Esaw a kashu kasha ni hte, Ara e ngai ai Moba masha ni ngai hta galaw ai zawn, nang mung gumhpraw hte dut jaw e, lagaw hte sha ngai kabye lai lu n ga,’ ngu nna ga ngwi ga pyaw hte tsun we timung,

TARA JAHPRANG 2:5

Shanhte hpe hkum shatsang mu; Seira bum gaw Esaw hpe ngai ap ya kau se ai re ai majaw, shanhte a lamu ga hta na, ngai nanhte hpe karan jaw na nngai n rai; lagaw kabye na shara pyi karen jaw na n rai.

TARA AGYI 11:15

Yephta ning nga ai: “Israela masha ni Moba ga, Amon ga kashun la mu ai n rai.

TARA AGYI 11:17

Edom hkawhkam hpang de kasa shangun dat nna, ‘Na a mungdan hku ga lai wa n ga,’ ngu nna hpyi timung, Edom hkawhkam wa n madat wu ai: dai hte maren Moba hkawhkam hpang de shangun dat yang, shi mung n madat wu ai: dai rai nna, Israela amyu Kadesha shara e hkring nga ma ai.

TARA AGYI 11:18

Dai hpang, nam mali lam ga sa wa let, Edom mung hte Moba mung hpe kawai nna, Moba mung a sinpraw maga garet wa nhtawm, Arnon hka wora hkran e dap jung ma ai: dai shaloi, Arnon hka gaw Moba mung a lamu ga jarit rai nga ai majaw, Moba mung de shanhte n kabye ma ai.