TARA JAHPRANG 2:8 - Jinghpaw Hanson Version Bible

⁸ Shing rai, Seria bum hta nga nga ai anhte a hpunau Esaw a kashu kasha ni a makau hku anhte lai wa nna, Elat hte Ezion-geba mare kaw nna sa wa ai layang lam hku hkan sa wa nhtawm, bai kayin nna Moba nam mali lam hku lung mat wa ga ai.

Jinghpaw Common Language Bible 2009

⁸ “Dai rai nna anhte htawt hkawm nhtawm Elat hte Eziongebera mare kaw na sa wa na lam hku Jum Nawng de hprang, dai kaw na sinpraw dingdung e nga ai Moba mung maga de byawn rai anhte kayin lung wa saga ai.

TARA JAHPRANG 2:8 ပူးပေါင်းရင်းမြစ်များ

NINGPAWT NINGHPANG 25:23

Dai rai nna Yehowa gaw, “Na a hkum hta amyu lahkawng rawng nga lit dai, Hkritung nna pyi amyu lahkawng karan nga ma ai; Amyu mi gaw amyu mi hta grau nna n-gun ja na ra ai, kaba ai wa mahtang kaji ai wa kaw yam na ra ai,” ngu nna shi hpe htan dat wu ai.

1 HKAWHKAM 9:26

Bai hkawhkam Shawlumon gaw, Edom mung na, Hkyeng ai nawng hkin-gau, Elot makau na Ezion-gebera hta e sanghpaw li law shachyaw wu ai.

2 HKAWHKAM 14:22

Hkawhkam wa gaw kaji kawa ni hte rau yup pyaw nga ai hpang e, shi gaw Elat mare hpe de nhtawm, Yuda mung hta bai shalawm la wu ai.

2 HKAWHKAM 16:6

Rai timung, Suri hkawhkam Rezin gaw, Elat mare hpe Suri mung hta dai aten e bai shalawm la nna, Yuda masha ni hpe Elat mare kaw na shaden kau nhtawm, Suri masha ni gaw Elat de sa du nna, dai ni du hkra dai yang e anga nga ma ai.

BU HKAWM 21:4

Ya shanhte Hora bum na htawt nna, Edom mung hpe hkawm kawai wa na matu, nawng hkyeng lam hku hkawm wa ma ai: dai lam hta hkawm sa yak ai majaw amyu masha ni myit htum shajang ma ai.

BU HKAWM 33:35

Abrona shara na htawt ai gaw Ezion-gebera e but ma ai.

TARA JAHPRANG 1:1

Da ndai gaw, Yawdan hka wora hkran, nam mali ga e, Paran, Tohpela, Laban, Hazerot hte Di-zahab a lapran, Suhpa hte tawtap na layang ga hta, Mawshe, Israela masha ni mahkra hpe tsun ai ga rai nga ai.

TARA AGYI 11:18

Dai hpang, nam mali lam ga sa wa let, Edom mung hte Moba mung hpe kawai nna, Moba mung a sinpraw maga garet wa nhtawm, Arnon hka wora hkran e dap jung ma ai: dai shaloi, Arnon hka gaw Moba mung a lamu ga jarit rai nga ai majaw, Moba mung de shanhte n kabye ma ai.