TARA JAHPRANG 2:7 - Jinghpaw Hanson Version Bible

⁷ Kaning rai nme law, na a Karai Kasang Yehowa gaw lam shagu hta nang hpe shaman ya nit dai; ndai nam mali kaba hta e nang hkawm sa wa ai lam hpe shi dum ya nga ai; ndai mali shi ning tup na a Karai Kasang Yehowa gaw nang hte rau nga nga sai rai nna, nang hpa mung n ra hkra rai nit dai,’ ngu nngai.

Jinghpaw Common Language Bible 2009

⁷ “Dai Madu nanhte a Karai Kasang gaw nanhte galaw sai lam magup hta kaning rai shaman ya manit dai hpe adum nga mu. Ndai htat ai nam mali kata hkan nanhte hkawm sa nga myit yang, nanhte hpe lanu lahku la manit dai. Shing rai nanhte hta ra kadawn nga ai lam magup lu la hkra, ndai shaning mali shi ning tup nanhte hte rau nga lai wa nu ai.

TARA JAHPRANG 2:7 ပူးပေါင်းရင်းမြစ်များ

NINGPAWT NINGHPANG 12:2

ngai nang hpe amyu kaba shatai na de ai rai nna, na a amying hpe galu kaba shangun ya na we ai; nang mung chyeju daju tai nga et.

NINGPAWT NINGHPANG 24:35

Yehowa gaw nye a madu hpe grai shaman ya nu ai rai nna, shi galu kaba nga sai: sagu hpung, dumsu hpung hte aja gumhpraw, lasha yam numsha yam hte gawla-uk lawze re ai law law wa shi hpe jaw nu ai.

NINGPAWT NINGHPANG 26:12

Ya, Isak gaw dai mung e yi galaw wu ai rai nna, dai shaning hta htam latsa lu la wu ai: Yehowa mung shi hpe shaman ya wu ai:

NINGPAWT NINGHPANG 30:27

Shaloi Laban gaw, Na a man e ngai myi man pa ni ai rai yang gaw naw hkring et; na a majaw Yehowa ngai hpe shaman ya ni ai, ngu nna ngai dum nga nngai:

NINGPAWT NINGHPANG 39:3

Yehowa shi hte rau nga ai rai nna, shi galaw ai amu yawng mayawng hta, Yehowa sha-awng ya wu ai gaw, shi a madu mu ya wu ai.

NINGPAWT NINGHPANG 39:5

Shing rai, nta ting hte arai mahkra shi hpe madu shangun ai kaw nna, Yehowa gaw dai Egutu masha a dinghku hpe Yawsep a majaw shaman ya wu ai: dai rai nna nta e mung, yi hkauna de mung, shi lu malu mahkra hta, Yehowa a chyeju lu la wu ai.

NEHEMIA 9:21

Rai sa, nang shanhte hpe nam mali hkan e, mali shi ning tup n taw n tsang bau sin mu ai rai nna, shanhte a hpun palawng dingsa wa ai, n rai; shanhte a lagaw mung n bum malu ai.

YOBA 23:10

Shi mahtang ngai htinglet hkawm ai lam chye nga ai; ngai hpe dinglik yu yang, ja jet zawn ngai pru na nngai.

SHAKAWN KUNGDAWN 1:6

Kaning rai nme law, dinghpring ai ni a lam hpe Yehowa chye nga ai; Tara n lang ai ni a lam chyawm gaw, hten mat na ra ai.

SHAKAWN KUNGDAWN 107:4

Shanhte gaw nam mali hkan na katsi katsang re ai lam hta e, brak hkawm nga ma ai rai nna, Shanu nga lu na mare n mu mu ai.

SHAKAWN KUNGDAWN 31:7

Nye a nni nkri hpe nang mu nga nna, Nye myit masin a ru tsang ai hpe chye nga ndai; majaw, Na a chyeju hta ngai kabu nna shakawn nga na nngai.

SHAKAWN KUNGDAWN 90:17

Anhte a Madu Karai Kasang a shawang myit gaw, anhte a ntsa e anga nga u ga; Anhte a lata a amu bungli, anhte a matu shangang ya mi; Rai sa, anhte a lata a amu bungli shakang ya mi law.

PRU MAT 16:35

Israela kashu kasha ni gaw masha nga ai ga de du ai du hkra, mali shi ning tup manna muk sha ma ai; Hkanan mung a lamu ga jarit du ai du hkra shanhte manna sha nna nga ma ai.

YEREMIA 2:2

Yehowa ning nga ai; “Na a ram prat e hkam la ai chyeju hpe mung, nang mahtan da ai tsawra myit hpe mung, nli n mai gat ai hkun hkraw ai shara hta e, nang ngai kaw hkan nang nga ai hpe mung, ngai dum nngai.

HOSEA 13:5

Hkun hkraw ai shara ngu ai, nam mali e, ngai nang hpe chye ni ai.

AMO LAIKA (AMOS) 2:10

Amori masha ni a mungdan hpe madu lu na matu, ngai nanhte hpe Egutu mung na woi shapraw nna, mali shi ning tup, nam mali hkan e woi lakawn wa nngai.

BU HKAWM 1:1

Ya Israela kashu kasha ni Egutu mung na pru wa ai ni ning e, shata lahkawng ngu na a langai ya shani hta, Sina nam mali, shawa sum hta e Yehowa Mawshe hpe tsun wu ai gaw:

BU HKAWM 14:33

Nanhte a si mang ni ndai nam mali e nyawp mat ma hkra, nanhte a kashu kasha ni gaw, nanhte gumlau ai yubak gun nna ndai nam e mali shi ning tup kayin hkawm nga na masai.

BU HKAWM 14:34

Dai mung hpe kin-yu yu ai nhtoi mali shi ya re ai hte maren, lani mi hpe laning mi shatai nna, mali shi ning tup, tinang a yubak gun let, nye e kabai kau ai chye lu na manit dai.'

BU HKAWM 22:12

Karai Kasang chyawm gaw, “Nang dai ni hte rau hkan sa lu na n rai; dai amyu hpe nang matsa kau lu na n rai; dai gaw shaman chyeju lu ai amyu rai nga ai,” ngu nna Balam hpe tsun wu ai.

BU HKAWM 32:13

Yehowa mung Israela amyu hpe pawt bu ai rai nna, Yehowa a man e n shawp ai hku galaw ai ni nlang htum mat ga du hkra, shi shanhte hpe dai nam mali hkan e mali shi ning tup kayin hkawm shangun kau ai, rai nga ai.

LUKA 22:35

Dai hta kaga shi shanhte hpe tsun mu ai gaw, “Gumhpraw jan, htingpa, kyepdin n gun n lang ai sha, ngai nanhte hpe shangun dat ai shaloi, nanhte hta lama ma ra malit ni?” ngu nna san mu yang, shanhte gaw, “Hpa mung n ra ga ai,” ngu mu ai.

YAWHAN 10:27

Nye a sagu ni gaw, nye a nsen madat ma ai rai nna, ngai shanhte hpe chye nngai, shanhte mung nye a hpang hkan nang ma ai:

TARA JAHPRANG 1:19

Dai hpang Horeb bum na anhte htawt hkawm wa nhtawm, anhte a Karai Kasang Yehowa hkang dat mi ai hte maren, Amori masha ni nga ai bum hprang ai lam hku sa wa yang, nanhte mu da ai dai hkrithpa nam mali kaba ting hpe anhte ga lai kau da nna, Kadesha harnea de du ga ai.

TARA JAHPRANG 1:46

Shing rai nanhte gaw Kadesha shara e nga nga nna, dai kaw e na na wa hkring kau mu ai.

TARA JAHPRANG 2:14

Yehowa dagam kau wu ai hte maren, ndai hpyen dap hta lawm ai dai prat na hpyen masha nlang hte si grawm mat ma hkra, Kadesha-barnea de ningnan du ai shani kaw nna, Zered hkaraw tap ai nhtoi du yang, sumshi matsat ning na wa sai, rai nga ai.

TARA JAHPRANG 2:6

Sha na matu lusha gaw gumhpraw hte nanhte mari lu na myit dai; lu na ntsin mung, gumhpraw hte mari lu na rai myit dai.

TARA JAHPRANG 29:4

Ngai gaw nanhte hpe mali shi ning tup dai nam mali lam hku woi wa made yang, ngai nanhte a Karai Kasang Yehowa rai nga nngai gaw nanhte chye lu hkra, nanhte a hpun palawng n tsam mat, nanhte din ai kyepdin mung n htum;

TARA JAHPRANG 29:5

nanhte muk mung n sha, tsabyi hte chyaru mung n lu ra myit dai.

YAWSHU 5:6

Kaning rai nme law, Egutu mung na pru wa ai Israela kashu kasha ni Yehowa a ga n madat ma ai rai nna, Yehowa anhte hpe jaw na nga nna kaji kawa ni hpe dagam da ai mungdan, nga chyu hte lagat jahku lwi ai ga hpe shanhte mu lu na n rai, nga nna Yehowa dagam kau ai majaw, shanhte hta na ri nhtu chye lang ai lasha wa-ngan nlang si htum ai du hkra, dai nam mali hkan e mali shi ning tup kayin hkawm wa ma ai.