TARA JAHPRANG 2:34 - Jinghpaw Hanson Version Bible

³⁴ Dai shaloi e shi a mare nga manga anhte kashun la nna, mare ninghkrin nlang hte hta na, numsha, lasha, ma kaji yawng hpe atsai awai hpya kau gaw ai; langai mi muk ngam da ga ai n rai:

Jinghpaw Common Language Bible 2009

³⁴ Dai shaloi e nan, anhte gaw mare nga manga ni kashun la nhtawm jahten kau ya ga ai; lasha, numsha hte ma kaji ni yawng hpe mung sat kau ga ai rai nna hkrung nga ai masha langai mi hpe mung n ngam da ga ai.

TARA JAHPRANG 2:34 ပူးပေါင်းရင်းမြစ်များ

TARA JAHPRANG 3:6

Hesbon hkawhkam Sihon hpe di ai zawn, dai mare ni hpe mung, anhte di gaw ai: mare ninghkrin nlang hte hta na, numsha, lasha, ma kaji yawng hpe atsai awai hpya kau gaw ai.

TARA JAHPRANG 7:2

na lata de ap ya ndai shaloi, shanhte hpe atsai awai sat kau na rai myit dai: shanhte hte ga shaka nang tawn da lu na n rai; matsan dum ai myit mung madun lu na n rai:

TARA JAHPRANG 7:26

Dai matsat shabat re ai rai hpe na nta nhku de hkum shawn et; shawn n yang gaw, nang hkum mung rai dai zawn jahten kau hkrum ging ai tai na rin dai; dai zawn re ai arai hpe nang gaja wa matsat ai hte koi kau lu na rai ndai: dai gaw jahten kau ging ai arai rai nga ai.

YAWSHU 10:28

Dai shani e Yawshu gaw Makeda mare hpe gasat la wu ai rai nna, mare hte de a hkawhkam hpe nhtu hte hpya sat kau wu ai: mare hta rawng ai masha nlang hte hpe, langai mi muk n ngam hkra, shi atsai awai shamyit kau wu ai; Yerihko hkawhkam hpe di ai hte maren, Makeda hkawhkam hpe mung di wu ai.

YAWSHU 10:40

Shing rai Yawshu gaw dai bum ga hte Dingda ga, pa ga hte kadit ga mahkra hte de a hkawhkam ni hpe hpya sat kau mu ai: langi mi hpe mung jahkrung da wu ai n rai; Israela Karai Kasang Yehowa hkang da ai hte maren, hkrung mahkrung hpe atsai awai shamyit kau wu ai.

YAWSHU 11:14

Dai mare hkan na lanep rai ni hte yamnga yawng mayawng hpe chyawm gaw Israela masha ni tinang a matu magawn la ma ai; masha hkrung mahkrung hpe sat kau lu ai du hkra shanhte nhtu hte shamyit kau mu ai; langai mi hpe mung jahkrung tawn mu ai. n rai.

YAWSHU 6:21

Dai mare kata na numsha lasha, kaji kaba, sagu bainam, wutang gumra nga manga hte hpe, shanhte nhtu hte atsai awai sat kau mu ai.

YAWSHU 7:11

Israela amyu shut hpyit masai; ngai tawn da ai ga shaka pyi shanhte run kau ma mu ai; shanhte machyai da sai arai la nna, lagu mung lagu, masu mung masu; tinang a arai hta nan bang da nu ai.

YAWSHU 9:24

Shanhte gaw Yawshu hpe, “Ndai mung ting nanhte hpe jaw kau nna, mung masha mahkra hpe nanhte a man na shamyit kau na nga, na a Karai Kasang Yehowa shi a shangun kasa Mawshe hta hkang da sai lam hpe na a mayam ni teng teng na lu saga ai rai nna, nanhte a lata hte si sum na hpe hkrit la ga ai majaw galaw kau sagaw ai.

1 SAMUELA 15:3

Dai majaw ya sa nna, dai amyu hpe sa gasat su; lahpawt ai myit n rawng ai sha, atsai awai hpya kau nna, numsha lasha, ma kaji ma chyangai, sagu dumsu, gawla-uk lawze nlang sat kau mu.”