TARA JAHPRANG 2:3 - Jinghpaw Hanson Version Bible

³ ‘Ndai bum hpe nanhte kayin hkawm ai gaw ram ma salit dai; dingdung maga de lung wa manu:

Jinghpaw Common Language Bible 2009

³ anhte ndai kawng marawn hkan hkawm kayin ai aten ram ram na mat saga ai majaw dingdung maga de anhte lung wa ra saga ai, nga nna tsun ai.

TARA JAHPRANG 2:3 ပူးပေါင်းရင်းမြစ်များ

BU HKAWM 9:22

Ni ni sha rai timung, shata mi rai timung, shaning ting rai timung, sumwi dai sumpan sum ntsa e ajung nga dingsa, Israela kashu kasha ni gaw bu lam n hkawm ai sha, but de nga ma ai: sumwi dawm mat wa jang, shanhte hkawm sa wa ma ai.

TARA JAHPRANG 1:6

“Anhte a Karai Kasang Yehowa Horeb bum e anhte hpe, ‘Nanhte ndai bum e nga ai gaw ram ma salit dai;

TARA JAHPRANG 2:14

Yehowa dagam kau wu ai hte maren, ndai hpyen dap hta lawm ai dai prat na hpyen masha nlang hte si grawm mat ma hkra, Kadesha-barnea de ningnan du ai shani kaw nna, Zered hkaraw tap ai nhtoi du yang, sumshi matsat ning na wa sai, rai nga ai.

TARA JAHPRANG 2:2

Shaloi Yehowa ngai hpe tsun nngai gaw,

TARA JAHPRANG 2:4

amyu mash ni hpe mung ning ngu hkang da mu: Seira bum e nga nga ai nanhte a nhpu nnau Esaw a kashu kasha ni a lamu ga jarit hku nanhte hkawm lai wa na rai nna, shanhte nanhte hpe hkrit na ma ai; dai re ai majaw nanhte nan grai sadi nga mu.

TARA JAHPRANG 2:7

Kaning rai nme law, na a Karai Kasang Yehowa gaw lam shagu hta nang hpe shaman ya nit dai; ndai nam mali kaba hta e nang hkawm sa wa ai lam hpe shi dum ya nga ai; ndai mali shi ning tup na a Karai Kasang Yehowa gaw nang hte rau nga nga sai rai nna, nang hpa mung n ra hkra rai nit dai,’ ngu nngai.