TARA JAHPRANG 19:3 - Jinghpaw Hanson Version Bible

³ Masha sat hkrup ai kadai mung, dai de hprawng lu hkra, na sali wunli matu na a Karai Kasang Yehowa nang hpe jaw ai mungdan hpe, masum hpai di karan nna, nmaw lam ni hpe mung gram kau na rai ndai.

TARA JAHPRANG 19:3 ပူးပေါင်းရင်းမြစ်များ

ESAIA 35:8

Dai shara e, ningmaw lam mung, lam masun mung, hku na ra ai rai nna, dai hpe, Chyoi pra ai lam ngu na maru ai; n san n seng ai ni dai hku lai sa lu na n rai; bawng lawt ai ni hkrai sa lu nna, dai lam hkan ai ni hta angawk ai wa pyi, lam yit na n rai.

ESAIA 57:14

Bai shi gaw, “Nye a amyu masha ni numdaw numdan n hkrum mu ga, htu kau mu, htu kau mu, lam hpe lajang mu ga,” nga nna tsun ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

TARA JAHPRANG 19:2

na a Karai Kasang Yehowa nang hpe madu sha shangun ai mungdan a kata e mare masum nang san da na rai ndai.

TARA JAHPRANG 19:4

Masha sat hkrup nna tinang asak lawt hkra dai de hprawng lu na wa a lam gaw ndai rai nga ai: masha langai ngai hpun kran na nga manang wa hte nam de sa nna,

TARA JAHPRANG 26:1

Na a Karai Kasang Yehowa nang hpe sali wunli matu jaw ai mungdan de nang shang madu sha lu ndai shaloi,

TARA JAHPRANG 4:21

Dai hta kaga nanhte a majaw Yehowa ngai hpe masin pawt nna, Yawdan hka wora hkran de ngai n rap sa lu n hte, nanhte a Karai Kasang Yehowa nanhte hpe Sali wunli matu jaw ai dai reng ai mungdan n shang sha lu na lam, dagam kau nu ai:

HEBRE 12:13

lagaw hten ai ni hkrihkraw n kashai ai sha, shamai ai hkrum lu mu ga, nanhte sa wa na matu, ding ai lam masun lajang mu.