TARA JAHPRANG 17:9 - Jinghpaw Hanson Version Bible

⁹ Lewi masha hkinjawng ni hte dai aten e tara agyi galaw ai wa hpang de sa gawn na rai ndai: shanhte mung nang hparan ya na lam madun na mara ai.

Jinghpaw Common Language Bible 2009

⁹ Lewi hkinjawng ni hte dai aten rung hta tara agyi galaw nga ai wa dai amu hpe daw dan ya u ga, na a amu shawn na rai ndai.

TARA JAHPRANG 17:9 ပူးပေါင်းရင်းမြစ်များ

1 HKAWHKAM LABAU 26:29

Izhari a amyu hta na Hkenania hte shi a shadang sha ni gaw, du hte tara agyi tai nna, Israela mungdan a magam amu gun hpai ma ai.

PRU MAT 18:16

shanhte amu rawng yang ngai kaw du sa nna ngai gaw masha wa hte shi a manang lapran e jeyang ya ai hte, Karai Kasang a ga matsun mung shi a tara mung ngai sharin ya mawe ai,” ngu nna katsa hpe tsun wu ai.

PRU MAT 22:8

Lagut wa hpe n mu hkrup yang gaw, nta madu wa, shi a htingbu wa a arai la ai n la ai gaw, Karai Kasang a man e sa kadeng mu ga.

YEREMIA 18:18

Shaloi shanhte gaw, Sa marit; Yeremia hpe hpaji daw ga; hkinjawng wa hte tara, hpaji rawng ai wa hte hpaji daw ai ga, myihtoi wa hte myihtoi ga, htum mat na n rai; sa marit; shinglet hte shi hpe kayat gaw; shi a ga langai mi muk n madat ga, nga nna tsun ma ai.

EZEKELA 44:24

Amu pru yang, shanhte tara dara na mara ai; nye hkang da ai ga hte maren shanhte jeyang na mara ai: ngai madat da ai poi ni hpe galaw yang, nye a tara hte matsun maroi ga ni hpe shanhte shatup nna, nye a laban nhtoi ni hpe chyoi pra shangun na mara ai.

HAGI 2:11

Zaw nawng zaw wa up ai Yehowa ning nga ai; Hkinjawng ni hpe tara lam san yu u:

ZEHKARIA 3:7

“Zaw nawng zaw wa up ai Yehowa ning nga ai, ‘Nang gaw nye a lam ni hta hkan hkawm nna, nye a ga matsun hpe hkan nang nga yang, nye a nta na tara agyi nang tai nna, nye a wang ni hpe sin lu na ndai: grup yin e tsap nga ai ni a ka-ang e, nang mung ahkang aya lu la na ndai.

ZEHKARIA 7:3

Betela mare na ni, Sharezera yan Regem-melek hte shan hte rau nga ai ni hpe, shangun dat mu ai.

MALAHKI 2:7

Kaning rai nme law, hkinjawng wa gaw, Zaw nawng zaw wa up ai Yehowa a kasa rai nga ai majaw, shi a nten ni chye chyang ai lam kyem da nna, masha ni gaw shi a n-gup hta na tara tam lu na mara ai.

TARA JAHPRANG 16:18

Na a Karai Kasang Yehowa nang hpe jaw ai mare shagu hta, na a amyu e hkan nna, tara agyi hte du agyi tawn da na rai ndai; shanhte gaw amyu masha ni hpe dingman ai hku tara dara ya na rai mu ai.

TARA JAHPRANG 17:10

Yehowa san da ai shara na ni madun ai tara lam hku hkan nna galaw na rai ndai; shanhte nang hpe sharin ya ai hte maren hkan galaw na rai ndai:

TARA JAHPRANG 21:5

Lewi a kashu kasha hkinjawng ni mung sit sa na rai ma ai: kaning rai nme law, na a Karai Kasang Yehowa amu gun hpai na hte shi a amying nsang hta shaman ya na matu Yehowa shanhte hpe lata la nu ai rai nna, ndang kalang hkat ai amu shagu hte anu hkat ai amu shagu hpe shanhte a ga hte shangut lu na rai ma ai.

TARA JAHPRANG 25:1

Marai lahkawng shada amu rawng ai majaw, tara agyi ni kaw sa shawk nna, tara agyi ni shan a lam hparan yang, dingman ai wa hpe sha-awng nna, n dingman ai wa hpe jasum na rai mu ai.

TARA JAHPRANG 33:10

Shanhte gaw na a matsun maroi ga Yaku hpe, Na a tara Israela hpe, sharin ya na mara ai: Manam pyaw hkungga na a man e, Wan nat hkungga na a tawn hkungri ntsa e, mara tawn na mara ai.