TARA JAHPRANG 17:2 - Jinghpaw Hanson Version Bible

² Na a Karai Kasang Yehowa nang hpe jaw ai mare ni hta numsha, lasha langai ngai na a Karai Kasang Yehowa a ga shaka hpe tawt nna,

Jinghpaw Common Language Bible 2009

² “Nanhte nga ai mare langai ngai hta lasha nkau mi shing n rai numsha nkau mi gaw dai Madu hpe yubak galaw shut nna shi a ga shaka hpe jahten sharun kau na nga,

TARA JAHPRANG 17:2 ပူးပေါင်းရင်းမြစ်များ

2 HKAWHKAM 18:12

kaning rai nme law, shanhte a Karai Kasang Yehowa a nsen hpe shanhte n madat mara ai sha, shi a ga shaka hte shi a shangun ma Mawshe htet da mada hpe, shanhte gang kau nna n hkan galaw ma ai.

2 HKAWHKAM 21:3

Shi a kawa Hezekia run kau ai tsaw ai kawng ni a shara ni hpe shi bai de da nna, Israela hkawhkam Ahab hte maren, Bala hkungri ni galaw tawn nna, Ashera sumla galaw ai hte, sumsing lamu na shagan ni yawng hte hpe nawku nna, daw jau wu ai.

YOBA 31:28

ntsa de nga ai Karai Wa hpe nyet kau nngai majaw, dai lam mung dawdan ging ai yubak rai nga ai.

PRU MAT 22:19

Yamnga hte kanawn ai kadai rai timung teng teng sat kau ai hkrum lu na rai nga ai.

PRU MAT 22:20

Yehowa hta kaga hpara shaje a man e hkungga jau ai wa gaw, atsai awai hpya kau ai hkrum lu na rai nga ai.

YEREMIA 31:32

shanhte a kaji kawa ni hpe lata hte dun la nna, Egutu mung na woi wa ai shaloi na, shanhte hte tawn da ai ga shaka hte maren, n rai: kaning rai nme law, ngai shanhte a Madu rai nga timung, shanhte gaw, ndai, nye a ga shaka hpe run kau ma ai, nga nna Yehowa tsun ai.

YEREMIA 34:18

Nanhte gaw dumsu kasha hpe ka-ang brang ga nna, lapran hku lai wa let, nye a man e yin la ai ga shaka hte maren, n hkan, nye a ga shaka tawt lai kau ai ni ngu ai, Yuda agyi salang ni Yerusalem agyi salang ni, hpyen du ni, hkinjawng ni hte, ka-ang brang ga ai dumsu kasha lapran hku lai wa ai, mung masha ni mahkra hpe, hpyen ni a lata hta mung, shanhte a asak hpe tam ai ni a lata hta mung, ngai ap kau nna, shanhte a si mang ni gaw, ntsa malem u ni hte ga ntsa matse labye ni a shahpa tai na ra ai.

EZEKELA 16:38

La shaw ai hte masha sat ai num ni hpe dawdan ai zawn, ngai nang hpe dawdan nna, pawt kahtet ai hte n-yun bu ai sai, jaw na nngai.

HOSEA 6:7

Rai timung, shanhte gaw Adam zawn, ga shaka hpe tawt lai kau manu ai: dai yang e shanhte gaw, myit magaw ai hku, ngai hpe di kau ma ni ai.

HOSEA 8:1

Pahtau dum u; hpyen wa gaw langda zawn Yehowa nta de du ra ai: kaning rai nme law, shanhte gaw nye a ga shaka hpe lai kau nna, nye a tara hpe tawt lai kau manu ai.

JAW JAU 20:2

Israela kashu kasha ni hpe ning ngu naw tsun mu: Israela amyu hta na rai timung, Israela masha ni kaw shingbyi nga ai amyu kaga wa rai timung, tinang a kasha Molok hpara hta nawng jau ai wa gaw teng teng si lu na rai wu ai: mung masha ni dai wa hpe nlung hte kabai sat na rai mu ai.

JAW JAU 26:15

nye a ga matsun hpe lale nna, ngai tawn da ai ga shaka sharun na, ngai hkang da ai lam ni hpe n gawn n sawn re ai hte nye a tara lam ni hpe matsat kau myit yang;

JAW JAU 26:25

Nye a ga shaka maga de nga nna nanhte hpe deng na ri nhtu, nanhte a ntsa de ngai shangun dat na we ai: nanhte a mare kata hkan e nanhte shinggyin rawng yang, dai hta ari zinli ngai shangun dat nna hpyen ni a lata de ap kau na made ai.

TARA JAHPRANG 17:5

dai n shawp ai amu shapraw ai numsha, lasha hpe, na a mare chyinghka de woi sa nhtawm, dai numsha, shing n rai, dai lasha hpe nlung hte kabai sat kau na rai myit dai.

TARA JAHPRANG 29:18

shing re ai wa ndai dagam dala ga na jang, “Ngai gaw nye a myit ja ai lam hkan nna, katsing mi da chyahkraw mi da nlang hten mat wa hkra rai timung, ngai gaw pyaw na nngai,” nga nna tinang myit hta awng nga ai wa n nga pru u ga mung, sadi nga mu.

TARA JAHPRANG 29:25

shawng de shanhte n chye ai, shanhte hpe mung n hkang da ai Hpara shaje ni hpe nawku jaw jau ma ai majaw mung,

TARA JAHPRANG 31:20

Kaning rai nme law, shanhte a kaji kawa ni hpe ngai dagam da ai hte maren, nga chyu hte lagat jahku lwi ai mung de shanhte hpe ngai shaw tawn nna, shanhte hkru hkru kat kat sha lu ai hte hpum sau ai shani e, Hpara shaje ni hpang de shanhte dam mat wa nna daw jau na mara ai; shanhte ngai hpe jahpoi nna nye a ga shaka run kau na mara ai.

TARA JAHPRANG 4:23

Dai re ai majw, nanhte Karai Kasang Yehowa nanhte hte tawn da ai ga shaka hpe malap kau nna, nanhte a Karai Kasang Yehowa hkum da ai arai ni a hkrang hte bung ai tawk ai sumla n galaw hkrup myit ga, tinang dai tinang sadi nga mu.

HEBRE 10:28

mawshe a tara hpe tawt lai ai wa gaw, matsan dum la ai n hkrum ai sha, sakse lahkawng masum a ga hte si ai hkrum lu ai;

YAWSHU 23:16

Nanhte a Karai Kasang Yehowa nanhte hpe hkang da ai ga shaka lam hta na nanhte tawt lai nna, Hpara shaje ni hpe sa jaw jau ai hte nawku nga myit yang gaw, Yehowa a pawt ai sindawng nanhte hta du nna, shi nanhte hpe jaw da ai ndai mungdan kaja hta na nanhte alawan htum mat wa na marin dai,” ngu nna tsun mu ai.

YAWSHU 7:11

Israela amyu shut hpyit masai; ngai tawn da ai ga shaka pyi shanhte run kau ma mu ai; shanhte machyai da sai arai la nna, lagu mung lagu, masu mung masu; tinang a arai hta nan bang da nu ai.

YAWSHU 7:15

Shing rai, machyai kau ai rai rem ai lata la hkrum ai wa gaw, Yehowa a ga shaka tawt lai kau nna, Israela amyu hta angawk angak re ai amu galaw wu ai majaw, shi hpe, shi lu malu hte hpawn nat kau na rai myit dai,” ngu wu ai.

TARA AGYI 2:20

Shaloi Yehowa Israela hpe pawt bu let tsun wu ai gaw, “Amyu ndai, nye a ga n madat sha ya ai hte, shanhte a kaji kawa ni hpe ngai tawn da ai ga shaka tawt lai ma ai majaw;

TARA AGYI 6:31

Yoasha chyawm gaw, “Nanhte mahtang Bala hpang de karum na myit ni? shi hpe hkye la na myit ni? shi hpe karum ai wa mahtang dai hpawt na nhtoi garai n lai yang si ai hkrum u ga, Bala wa Karai teng yang gaw, shi a tawn hkungri marai langai ngai jahten ya ai rai yang, shi a matu shi tsang u ga,” ngu nna dai ni hpe htan kau wu ai.