TARA JAHPRANG 13:5 - Jinghpaw Hanson Version Bible

⁵ Nanhte gaw nanhte a Karai Kasang Yehowa a hpang hkan nang nna, shi hpe hkrit hkungga ai hte shi a hkang da ai ga hkan shatsup let, shi a nsen madat mara nga na rai myit dai; nanhte shi hpe chyu sha jaw jau nna shi hta manoi nga na rai myit dai.

Jinghpaw Common Language Bible 2009

⁵ Rai ti mung, nanhte mayam tai nga ai Egutu mung kaw na hkrang shaw la ai dai Madu hpe gumlau na hku tsun ai myihtoi shing n rai yup mang hkai chye ai wa kadai mung sat kau ai hkrum na rai wu ai. Dai zawn re ai wa gaw n hkru n shawp nga ai rai nna dai Madu nanhte hpe hkang da nu ai hte maren hkrung nga ai asak hkrung lam kaw na nanhte hpe lam woi shadam shakut nga ai. Ndai n hkru n shawp ai amu kaw na seng kau na matu shanhte si lu na rai ma ai.

TARA JAHPRANG 13:5 ပူးပေါင်းရင်းမြစ်များ

1 KORINHTU 5:13

Shinggan de nga ai ni hpe Karai Kasang jeyang nga ai, n rai ni? Dai n hkru n hkra ai wa hpe nanhte kaw na shaden kau mu.

TARA JAHPRANG 18:20

Rai timung, ngai n hkang da ai, nye a ahkang hpyi hpun nna nden ja ai hte tsun pru ai myihtoi mung, Hpara shaje a amying hte tsun pru ai myihtoi mung, si lu na rai nga ai,” nga nna ngai hpe tsun ai.

YEREMIA 14:15

Dai re ai majaw, Ndai mung hta nhtu hte kawsi hpang gara shang lu na n rai, nga nna ngai n shangun tim, nye amying gang nna htoi ai myihtoi ni a lam Yehowa ning nga ai: Dai myihtoi ni gaw nhtu tsin-yam kawsi hpang gara hte htum mat na mara ai.

TARA JAHPRANG 24:7

Masha langai ngai tinang hpunau Israela amyu hpe lagu la nna, mayam yam ai, shing n rai dut sha ai rai yang, dai lagut wa hpe sat kau na rai ndai: shing di nang hta na n shawp ai amu nang seng kau na rai ndai.

TARA JAHPRANG 22:21

numsha dai hpe kawa nta chyinghka de shanhte woi wa nna, dai mare na lasha ni nlang shi hpe nlung hte kabai sat na rai mu ai; kaning rai nme law, shi gaw kawa nta e nga nga yang shawa num tai nna, Israela amyu hta n htap ai lam galaw nu ai: shing di nang hta na n shawp ai amu, nang seng kau na rai ndai.

TARA JAHPRANG 19:19

shi a manang wa hpe di maw ai hku hkan nna shi hpe mahtang di na rai ndai: shing rai n shawp ai yubak nang kaw na seng kau na rai ndai.

TARA JAHPRANG 17:7

Dai wa hpe sat na rai yang, sakse ni a lata shawng jahtim nna she, dai hpang amyu masha nlang hte jahtim nang na rai mu ai: shing rai jang, nang kaw na n shawp ai amu seng kau lu na ra ai.

TARA JAHPRANG 13:10

shi hpe teng teng sat kau lu na rai ndai: shi hpe sat na rai jang, na a lata shawng jahtim nna she, masha gale nlang jahtim na rai myit dai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

KASA 13:8

Shaloi lakle sara ngu ai, lachyum hku shamying ai, Eluma gaw, dai munggyi wa a kamsham ai lam jahpyak kau ya mayu ai rai nna, shanhte hpe ndang shadang mu ai.

ZEHKARIA 13:3

Marai langai ngai naw htoi ai rai yang, shi hpe shangai ai kanu yan kawa gaw, Yehowa amying gang nna, masu ga tsun ndai majaw, nang hkrung nga lu na n rai, nga nna daru let, shi myihtoi htoi nga yang, shi hpe galun htinggrang na mara ai.

YEREMIA 50:6

“Nye a amyu gaw dam mat ai sagu tai masai; sagu rem ni gaw shanhte hpe shadam kau manu ai; bum ga ntsa e shaprang kau manu ai; shanhte gaw bum kaw nna kawng du hkra kahkrang hkawm nna, shanhte a uyup hpe malap kau manu ai.

1 HKAWHKAM 18:40

Shing rai Elia gaw, Bala myihtoi ni hpe rim la mu; langai mi muk n lawt u ga, ngu mu ai hte maren, shanhte hpe rim la nhtawm, Elia gaw Kishon hka shi de woi sa nna, dai yang e shanthe hpe sat kau mu ai.

TARA JAHPRANG 22:24

shan lahkawng hpe mare chyinghka de woi shapraw nna, nlung hte kabai sat na rai myit dai: num jan mung mare e rai nga yang, n jahtau wu ai majaw, la wa mung masha num hpe shut ya ai majaw, sat kau ai hkrum lu na rai ma ai: shing di nang hta na n shawp ai amu nang seng kau na rai ndai.

TARA JAHPRANG 7:4

Kaning rai nme law, Hpara shaje hpe nawku shangun lu hkra, shi na nsha hpe nye a lam hta na shayit na ru ai: shaloi Yehowa nanhte hpe pawt bu nna, akajawng sha nang hpe sat kau na ndai.

TARA JAHPRANG 4:19

sumsing lamu de mada yu nna mung, na a Karai Kasang Yehowa gaw sumsing lamu a npu na shinggyim masha ni a matu san da ai ja, shata, shagan ni ngu ai sumsing lamu a zaw nawng zaw wa ni hpe mu lu myit dai shaloi, dai hpe nawku ga nga yang, nanhte n naw n ku na hte n hkan nang shut lu hkra, tinang dai tinang sadi nga mu.

TARA JAHPRANG 13:9

nang hkraw lu ndai n rai, shi a ga mung madat mai na n rai: nang shi hpe yu nna matsan dum lu na n rai: lahpawt ai hte n makoi da ai sha,

TARA JAHPRANG 13:15

dai amu lam hpe nang azin ayang san gawn lu na rai ndai; ashi pru ai hte maren dandawng nna gaja wa teng teng nanhte hta dai zawn re ai matsat shabat amu galaw hkrup ai rai yang gaw;

TARA JAHPRANG 17:5

dai n shawp ai amu shapraw ai numsha, lasha hpe, na a mare chyinghka de woi sa nhtawm, dai numsha, shing n rai, dai lasha hpe nlung hte kabai sat kau na rai myit dai.

TARA AGYI 20:13

Ya dai Gibea mare na, n shawp ai masha dai ni hpe, anhte la sat kau nna, Israela amyu hta na yubak mara raw kau lu hkra, dai masha ni hpe anhte a lata de ap dat mi,” ngu nna htet dat mu ai. Rai timung, Ben-yamin amyu gaw, shi a kahpu kanau Israela masha ni a ga n madat ai hta n-ga,

TARA JAHPRANG 6:13

Na a Karai Kasang Yehowa hpe nang hkrit hkungga nna, shi hpe hkrai daw jau lu na ndai; dagam ai hta mung shi a mying ningsang gang lu na rai ndai.

TARA JAHPRANG 26:14

Si hkrung bungli rawng yang dai hta na ngai n lang; n san n seng nga yang dai hpe ngai n hkra; si mang shakru ai hta dai hpe ngai n lang shalawm nngai: nye a Karai Kasang Yehowa a ga ngai madat ni ai: nang hkang da mada hte maren ngai hkan nang nngai.

YAWSHU 23:8

dai ni du hkra hkan nga manit dai zawn, nanhte a Karai Kasang Yehowa hta shamyet shanat nga mu.

1 SAMUELA 12:14

Nanhte Yehowa hpe hkrit hkungga let, shi hpe jaw jau nga nna, shi hte nhtan n shai ai sha shi hkang da ai ga madat let, nanhte mung, nanhte a ntsa e up ai hkawhkam wa mung, nanhte a Karai Kasang Yehowa kaw hkan nang nga myit yang gaw, mai na manit dai:

1 HKAWHKAM 13:19

Shing rai shi hte rau bai wa nna, shi a nta hta muk mung sha, ntsin mung lu rai nga ai.

2 HKAWHKAM LABAU 34:31

Dai hta kaga hkawhkam wa gaw shi a shara e tsap nga let, ndai laika hta ka da nga ai ga shaka hpe shagrin da na hte Yehowa hpe hkan tam let shi hkang da ai ga, sakse ga hte matsun maroi ga hpe myit masin mahkra hte, n-gun lagaw mahkra hte hkan shatup na nga, Yehowa a man e ga shaka tawn da wu ai.

YEREMIA 7:23

ngai shanhte hpe htet da ai lam chyawm gaw, Nye a ga madat mu; shing rai yang, ngai gaw nanhte a Karai Kasang, nanhte gaw nye a amyu tai na myit dai; nanhte ngamu ngamai hkrum lu hkra, ngai nanhte hpe htet da mada hkan nang nga mu, nga nngai rai timung,