TARA JAHPRANG 13:4 - Jinghpaw Hanson Version Bible

⁴ dai myihtoi wa, dai yup mang mu ai wa a ga nang madat lu na n rai: kaning rai nme law, nanhte hta nanhte a Karai Kasang Yehowa hpe kraw lawang mahkra hte myit masin mahkra hte tsawra ai myit rawng ai n rawng ai, nanhte a Karai Kasang Yehowa chyam yu ai rai nga ai.

Jinghpaw Common Language Bible 2009

⁴ Dai Madu a hpang hkan nang let shi hpe shagrau sha-a mu; shi a hkang da ai ga hpe madat mara hkan sa nhtawm dai ni hpe shadik shatup nga mu; shi hpe nawku ai hte shi hta sadi dung nga mu.

TARA JAHPRANG 13:4 ပူးပေါင်းရင်းမြစ်များ

2 HKAWHKAM 23:3

Dai hta kaga hkawhkam wa gaw dai shadaw makau e tsap nga let ndai laika hta ka da nga ai ga shaka hpe shagrin tawn da na hte, Yehowa hpe hkan nang let, Yehowa a hkang da ai ga, sakse ga hte matsun maroi ga hpe, myit masin mahkra hte n-gun lagaw mahkra hte hkan shatup na nga, Yehowa a man e ga shaka tawn da wu ai: mung masha ni nlang hte mung dai ga shaka hpe yin la mu ai.

2 HKAWHKAM LABAU 34:31

Dai hta kaga hkawhkam wa gaw shi a shara e tsap nga let, ndai laika hta ka da nga ai ga shaka hpe shagrin da na hte Yehowa hpe hkan tam let shi hkang da ai ga, sakse ga hte matsun maroi ga hpe myit masin mahkra hte, n-gun lagaw mahkra hte hkan shatup na nga, Yehowa a man e ga shaka tawn da wu ai.

YEREMIA 7:23

ngai shanhte hpe htet da ai lam chyawm gaw, Nye a ga madat mu; shing rai yang, ngai gaw nanhte a Karai Kasang, nanhte gaw nye a amyu tai na myit dai; nanhte ngamu ngamai hkrum lu hkra, ngai nanhte hpe htet da mada hkan nang nga mu, nga nngai rai timung,

MIHKA 6:8

Masha wa e, mai kaja ai lam, shi nang hpe madun dan nit dai: dinghpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?

LUKA 1:6

Dai yan gaw, Madu a jep ai tara hte hkang da mada yawng hpe htep lahti hkan nang ma ai rai nna, Karai Kasang a man e dinghpring ai yan rai nga ma ai.

ROMA 6:13

nanhte a daw shan ni hpe mung, n ding n hpring ai hpyen hking hpe zawn, yubak hpe hkum ap ya myit; si mat ai ni kaw na hkrung rawt lu ai ni zawn, Karai Kasang kaw tinang dai sak ya mu; nanhte a daw shan ni hpe mung, dinghpring ai hpyen hking shatai nna, Karai Kasang hpe sak ya mu.

1 KORINHTU 6:17

Dai Madu hta manoi ai wa chyawm gaw, Wenyi langai sha rai nga ma ai.

TARA JAHPRANG 10:20

Na a Karai Kasang Yehowa hpe hkrit hkungga nga u; shi a magam gun hpai u: shi hta shamyit shanat nna dagam ai hta shi a amying ningsang gang u.

TARA JAHPRANG 11:1

Dai re ai majaw nang gaw na a Karai Kasang Yehowa hpe tsawra let, shi a ga madat hte matsun maroi, dawdan ai tara hte hkang da ai ga ni hpe hkan shatup nga na rai ndai.

TARA JAHPRANG 30:20

na a Karai Kasang Yehowa hpe tsawra u, shi a nsen madat mara nga u, shi hta manoi manat nga u; kaning rai nme law, shi gaw na a asak hkrung lam hte na a prat galu na lam rai nga ai: dai rai jang, Yehowa Abraham, Isak, Yaku hte hpe jaw na nga dagam da ai mungdan hta nang anga nga lu na rin dai,” ngu nna Israela amyu masha mi hpe tsun da wu ai.

TARA JAHPRANG 6:13

Na a Karai Kasang Yehowa hpe nang hkrit hkungga nna, shi hpe hkrai daw jau lu na ndai; dagam ai hta mung shi a mying ningsang gang lu na rai ndai.

TARA JAHPRANG 6:5

dai, na a Karai Kasang Yehowa hpe, na a myit masin mahkra hte, na a kraw lawang mahkra hte, na a n-gun lagawng mahkra hte tsawra nga u.

KOLOSE 1:10

Karai Kasang a chye chyang ai lam hta asi si nna, kaba wa let tsawm pra ai lam shagu hte kaja ai bungli shagu hta dai Madu a lam tau yu nna ging dan let hkawm nga myit ga mung,

2 YAWHAN 1:6

Shi a hkang da ai ga hte maren, anhte hkan galaw ga yang gaw, dai gaw tsawra ai lam rai nga ai. Nanhte shawng npawt kaw nna na yu manit dai hte maren, nanhte mung hkan galaw mai ai hkang da ai ga gaw, ndai ga rai nga ai.

1 SAMUELA 7:3

Shaloi Samuela gaw Israela amyu ting hpe, “Nanhte myit masin mahkra hte Yehowa hpang de kayin wa marin dai rai yang gaw, nanhte jau tawn ai maigan Hpara hte Ashtarot ni hpe kau tawn da nhtawm, Yehowa hpe myit manoi nna shi hpe chyu sha jaw jau mu: shaloi, Hpilisti masha ni a lata na shi nanhte hpe hkye la na ra ai,” ngu wu ai.