TARA JAHPRANG 13:3 - Jinghpaw Hanson Version Bible

³ Nang n chye ai Hpara shaje hpang de sit sa nna nawku ga nga tsun yang, dai nang hpe madun ai lamik kumla hte mauhpa amu byin lu ai rai timung,

TARA JAHPRANG 13:3 ပူးပေါင်းရင်းမြစ်များ

1 HKAWHKAM 13:19

Shing rai shi hte rau bai wa nna, shi a nta hta muk mung sha, ntsin mung lu rai nga ai.

SHAKAWN KUNGDAWN 119:2

Shi a sakse ga hpe matsing nga nna, Myit yawng hte shi hpe hkan tam ai ni, a lu ma ai.

SHAKAWN KUNGDAWN 66:10

Rai tim Karai Kasang e, nang anhte hpe chyam yu nit dai, Gumhpraw hpe zawn, anhte hpe shabyawng yu nit dai.

SHAKAWN KUNGDAWN 81:7

Ru tsang hkrum yang nang shaga nna, ngai nang hpe mawai la de ai; Mu ngoi ai nsen hte ngai nang hpe htan ya de ai: Meriba hka makau e, ngai nang hpe chyam yu de ai. [Selah.]

PRU MAT 20:20

Shaloi Mawshe gaw, “Hkum hkrit myit; nanhte hpe chyam yu na matu mung, nanhte yubak n galaw hkra, shi hpe hkrit hkungga nga na matu mung, Karai Kasang yu hkrat wa ra ai,” ngu nna amyu masha ni hpe tsun wu ai.

ESAIA 8:20

Tara hte sakse ga hpe madat mara mu; shanhte tsun ai lam ndai ga hte nbung yang, gaja wa, shanhte a matu jahpawt manap n nga ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

KASA 17:11

Dai mare masha ni gaw Htesaloni masha ni hta myit grau su ma ai rai nna, dai mungga hta myit shawn loi ai hte, dai lam ni teng ai n teng ai chye lu hkra, Chyum laika hpe shani shagu a yu nga ma ai.

1 KORINHTU 11:19

Kaning rai nme law, nanhte hta e tengman ai ni dan pru u ga, bra wa na lam pyi nanhte hta e byin lu na ra ai.

2 KORINHTU 8:8

Ning nga tsun ai gaw htet da ai ga tsun nngai n re ai sha, kaga ni a shakut sharang ai hpe tau yu nna nanhte a tsawra ai myit majing hpe chyam yu na she, tsun nga nngai.

EHPESU 4:14

shing rai anhte ma chyangai naw n rai nga na hte, masha a n hkru n hkra ai, maw da ai hkalem hkalau ai hpaji hte maren, nbung ngu ai sharin shaga ai lam shagu gadau gadap ai hte nhting nhtang n hkrum ai sha,

TARA JAHPRANG 6:5

dai, na a Karai Kasang Yehowa hpe, na a myit masin mahkra hte, na a kraw lawang mahkra hte, na a n-gun lagawng mahkra hte tsawra nga u.

TARA JAHPRANG 8:16

nang hpe shagrit chyam yu nna, hpang jahtum e nang hpe chyeju madun na nga, na a nji nwa ni pyi n chye ai manna hte dai nam mali kata e nang hpe bau maka ai na Karai Kasang Yehowa hpe nang malap kau nhtawm,

TARA JAHPRANG 8:2

Na a Karai Kasang Yehowa nang hpe shagrit chyam yu nna, shi a hkang da ai ga hpe hkan nang mayu ai myit rawng ai n rawng ai chye lu hkra; lai mat wa sai mali shi ning tup woi hkawm ai nam mali lam dingdung hpe dum nga u.

2 HTESALONI 2:11

Dai re ai majaw tengman ai lam hpe n kam n sham ai sha, n ding n man ai hta sharawng awng ai ni n lang hte gaw, dawdan ai hkrum mu ga,

1 YAWHAN 2:19

Anhte kaw na shanhte pru ma timung, anhte hte nseng ga ai. Kaning rai nme law, anhte hte seng taw gaw shanhte anhte hte anga nga na mara ai: rai timung, shanhte nlang anhte hte n seng ga ai gaw dan wa u ga, shanhte pru wa ma ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.

1 YAWHAN 4:4

Shu sha ni e, nanhte gaw Karai Kasang kaw na rai nga myit dai rai nna, shanhte hpe dang kau manu ai: kaning rai nme law, nanhte hta e rawng nga ai wa gaw, mungkan ga e nga nga ai wa hta grau nna kaba nga ai.

SHINGRAN 13:14

Shawng na matse labye a man e galaw lu ai lamik kumla ni hte ga ntsa de nga ai ni hpe shi hkalem kau wu ai rai nna, nhtu hkang nma hkrum timung, naw hkrung nga ai matse labye a hkrang sumla galaw na, ga ntsa nga ai ni hpe tsun dat wu ai.

TARA AGYI 2:22

shing di, shanhte a kaji kawa ni Yehowa lam hkan shatsup ai zawn, shanhte hkan nang na kun, n hkan nang na kun gaw, naw ngam ai amyu ni a lata hte Israela hpe ngai chyam yu na we ai,” nga ai.

1 SAMUELA 26:19

Nye madu, hkawhkam wa e, ya na a mayam a ga madat mara ya e: Yehowa nan ngai e hpyen na hku nang hpe shadut ndai rai yang gaw, shi hkungga hkap la u ga: shing n rai, shinggyim masha e shadut ai rai yang gaw, Yehowa man e dagam dala hkrum sha mu ga: kaning rai nme nga yang, shanhte ngai hpe, ‘Hprawng u; Hpara shaje tam naw wa nu,’ nga nna Yehowa a Sali ga hta n nga lu hkra, dai ni pyi gawt kau nga myit hka.