TARA JAHPRANG 13:1 - Jinghpaw Hanson Version Bible

¹ Ngai nanhte hpe hkang da mada hkan shatsup nang nga mu; dai hta jat mung hkum jat et, Yawm mung hkum shayawm et.

Jinghpaw Common Language Bible 2009

^1-3 “Myihtoi langai ngai shing n rai yup mang htai chye ai wa langai ngai gaw shawng de nanhte garai n nawku yu ai karai ni hpe nawku daw jau wa hkra lam woi na nga, mauhpa lamik kumla amu galaw shapraw dan na ga sadi jaw wa na ra ai. Dai rai nna shi tsun ai ga sadi teng wa tim pyi, dai wa a ga hkum madat ya myit. Nanhte gaw dai Madu hpe nanhte a myit masin mahkra hte tsaw ra nga myit dai hpe chye lu hkra nga, dai Madu nanhte a Karai Kasang gaw nanhte hpe chyam yu na matu shanhte hpe lang nga ai.

TARA JAHPRANG 13:1 ပူးပေါင်းရင်းမြစ်များ

1 HKAWHKAM 13:18

Shaloi myihtoi dingla gaw, “Ataw ngai mung nang hte maren myihtoi she rai nga nngai; lamu kasa gaw Yehowa a ga ngai hpe htawn tsun nna, Dai wa gaw muk sha ntsin lu na matu, na nta de shi hpe shaga la u, nga ai,” ngu nna shi hpe masu kau wu ai.

1 HKAWHKAM 13:19

Shing rai shi hte rau bai wa nna, shi a nta hta muk mung sha, ntsin mung lu rai nga ai.

GA SHAGAWP 30:6

Shi nang hpe n daru lu hkra, nang masu ai wa n tai n ga, Shi a ga hta hkum kahtap et.

ESAIA 9:15

Dai amyu hpe woi awn ai ni, shanhte hpe lam shayit mu ai; shanhte hpe hkan nang ai ni mung, shamyit kau ai hkrum ma ai.

YEREMIA 23:11

myihtoi wa mung, hkinjawng wa mung, n san n seng rai nga ma ai; nye nta hta pyi, shanhte a n se ai amu hpe, ngai mu hkrup ni ai, nga nna Yehowa tsun ai.

YEREMIA 23:32

Yu u, masu ai yup mang hkai dan nna, tinang a masu ga hte kaman lila grang ai ga majaw, nye amyu masha ni hpe lam dam shangun ai myihtoi ni hpe, ngai hkap daw na nngai: ngai shanhte hpe shangun ai, n rai, hkang da ai mung, n rai; shanhte gaw ndai amyu a matu, akyu n nga ai, nga nna Yehowa tsun ai.

YEREMIA 27:9

Dai rai nna, Nanhte gaw Babelon hkawhkam hpe daw jau na myit dai n rai, nga nna nanhte hpe tsun ai, myihtoi ni, shaba wawt ai ni, yup mang mu ai ni, mandan bau ai ni hte gumhpan hpan ai ni a ga hpe hkum madat myit:

YEREMIA 29:24

Bai Nehela masha Shemaia lam ning ngu tsun u: Israela Karai Kasang Zaw nawng zaw wa up ai Yehowa ning nga ai;

YEREMIA 29:8

Kaning rai nme law, Israela Karai Kasang Zaw nawng zaw wa up ai Yehowa ning nga ai: Nanhte hte rau nga ai myihtoi ni hte shaba wawt ai ni gaw, nanhte hpe n hkalem kau myit ga; nanhte mu shangun ai yup mang ni hpe, hkum kam myit.

YEREMIA 6:13

“Shanhte yawng, kaji htum ai wa kaw nna, kaba htum ai wa du hkra, lawhpa myit rawng ma ai; myihtoi wa kaw nna hkinjawng wa du hkra, langai hte langai, masu magaw lam hkan ma ai.

EZEKELA 13:23

dai re ai majaw, nanhte htawm hpang de kaman lila shingran mu lu na n rai; shaba mung wawt lu na n rai: nye a amyu masha ni hpe nanhte a lata na ngai mawai la na nngai: ngai Yehowa rai nga ai hpe nanhte chye lu na marin dai,’ nga ai.”

ZEHKARIA 10:2

Terahpim sumla ni chyawm gaw, ga kaman tsun nna, shaba wawt ai ni, masu ai shingran mu ma ai; shanhte gaw n teng ai yup mang htai dan nna, shanhte a shalan shabran ai ga, kaman lila rai nga ai: dai re ai majaw, mung masha ni gaw, sagu zawn lam dam nna, sagu rem wa n nga ai majaw, ruyak ai hkrum ma ai.

ZEHKARIA 13:4

Dai shani e myihtoi htoi ai wa kadai mung, tinang mu ai shingran majaw, kaya dum na ra ai: shanhte gaw hkalem hkalau sha na matu, mazut ai nba lawai na n rai:

MAHTE 24:11

Masu ai myihtoi law law mung paw pru nna, law law hpe lam shadam na mu ai.

MAHTE 24:24

Kaning rai nme law, masu ai Hkristu hte rai timung, masu ai myihtoi hte rai timung paw pru nna, lata la sai ni hpe pyi shadam lu yang, shadam kau lu hkra lamik kumla hte mauhpa amu kaba madun dan na ra ai.

MAHTE 7:15

Kraw lawang hta e amya sha na chyahkyawn myit rawng nna, sagu hpyi bu hpun let nanhte kaw sa du ai myihtoi masu ni hpe koi gam mu.

MARKU 13:22

Kaning rai nme law, masu ai Hkristu hte rai timung, masu ai myihtoi hte rai timung, paw pru nna, lata la ai ni hpe shadam lu yang, shadam lu hkra, lamik kumla hte mauhpa amu shachyen na mara ai.

LUKA 6:26

Masha yawng mayawng nanhte hpe kaja ai ngu myit yang, nanhte dingnye lu myit dai: kaning rai nme law, shanhte a kaji kawa ni mung dai zawn myihtoi masu ni hpe ngu yu manu ai.

TARA JAHPRANG 18:20

Rai timung, ngai n hkang da ai, nye a ahkang hpyi hpun nna nden ja ai hte tsun pru ai myihtoi mung, Hpara shaje a amying hte tsun pru ai myihtoi mung, si lu na rai nga ai,” nga nna ngai hpe tsun ai.

TARA JAHPRANG 4:1

Ya, Israela amyu e, nanhte asak hkrung nga lu nna, nanhte a nji nwa ni a Karai Kasang Yehowa nanhte hpe jaw da ai mungdan hta shang madu sha lu hkra, nanhte hkan shatsup nga na matu ngai sharin achyin da ai matsun maroi ga hte hkang da ai tara ga hpe madat mara la mu.

TARA JAHPRANG 4:2

Dai ngai nanhte hpe hkang da ai hte hta ga ningnan jat lu na n rai, ndai hta na langai mi muk lai kau lu na n rai: ngai nanhte hpe hkang da sai nanhte a Karai Kasang Yehowa a tara matsun ni hpe nanhte hkan shatsup nga lu na rai myit dai.

2 HTESALONI 2:9

Dai n tara ai wa a du sa ai gaw, Satan a shachyen ai n-gun atsam, lamik kumla hte, masu ai mauhpa amyu myu hte,

2 PETRU 2:1

Rai timung, amyu masha ni hta e, masu ai myihtoi ni mung paw pru ma ai; dai hte maren, nanhte hta e mung, masu ai sara ni paw pru wa na mara ai rai nna, jahten shabya chye ai bra wa ai ga hpe, mayun jashawn la nna, shanhte hpe mari la sai Madu hpe nyet kau ai hte, tinang dai a ntsa e tsin-yam tsindam hpe, larau ladau du shangun na maru ai.

1 YAWHAN 4:1

Tsawra ai ni e, wenyi shagu hpe hkum kam nga myit; dai wenyi ni Karai Kasang kaw na rai nga ma ai kun, chyam yu nga mu; kaning rai nme law, masu ai myihtoi law law wa, mungkan ga de sa wa masai.