TARA JAHPRANG 12:3 - Jinghpaw Hanson Version Bible

³ shanhte a tawn hkungri ni hpe agrawp kau ya mu; sumla shadaw ni hpe adawt daw kau ya mu; shanhte a Asherim sumla ni hpe nat kau ya mu; shanhte a tawk la ai Hpara sumla ni hpe kran kau ya mu; dai yang na shanhte a amying du teng seng kau ya mu.

Jinghpaw Common Language Bible 2009

³ Shanhte a tawn hkungri ni hpe agrawp kau ya nna chyoi pra ai nlung shadaw ni hpe mung adawt mani kau ya mu. Shanhte a Ashera hpara num sumla hpe nat kau ya nhtawm dai shara ni hta shanhte galoi mung bai n nawku lu mat hkra shanhte a hpara sumla ni hpe kran daw kau ya mu.

TARA JAHPRANG 12:3 ပူးပေါင်းရင်းမြစ်များ

1 HKAWHKAM 14:15

Mai-aw hpe hka e shamawt kanga ai zawn, Yehowa gaw Israela hpe anu adup na rai nna, shanhte gaw Yehowa hpe pawt bu shangun hkra, Asherim sumla ni hpe galaw ma ai majaw, Israela kaji kawa ni hpe jaw da ai mai kaja ai mungdan hta na shanhte hpe baw kau nhtawm, dai Hka nu lai hkra shabra kau na mu ai.

1 HKAWHKAM 15:13

Shi a kanu Mahka mung, matsat shabat re ai Ashera sumla galaw da nu ai majaw, shi hpe hkawhkam jan aya na gum-yu yu kau nna, shi a sumla hpe kahtam kau nhtawm, Kedron hka shi hkaraw e nat kau ya wu ai.

2 HKAWHKAM 11:18

Mung masha ni mahkra gaw Bala nta de sa nna dai hpe run kau mu ai; de a tawn hkungri ni hte sumla ni hpe atsai awai agrawp kau nna, Bala a hkinjawng Matan hpe, hkungri ni a man e sat kau mu ai. Dai hta kaga hkinjawng wa gaw Yehowa nta ntsa e up na du ni hpe san da mu ai.

2 HKAWHKAM 18:4

tsaw ai kawng ni a shara ni htawm kau ai hte, sumla shadaw ni hpe agrawp kau nna Ashera sumla ni hpe kran daw kau wu ai: Mawshe galaw da ai magri lapu hpe mung kahtum kadaw di kau wu ai; kaning rai nme law, Israela masha ni gaw dai aten du hkra, de a man e manam pyaw ai baw nat nawng ya nga ma timung, shi gaw dai hpe, Magri hkyep, ngu nna shamying kau wu ai.

2 HKAWHKAM 23:14

Bai shi gaw shadaw sumla ni hpe agrawp kau ai hte, Asherim sumla ni hpe kran kau nna, de a shara ni hta, si ai ni a nrut nra hte jahpring da wu ai.

2 HKAWHKAM LABAU 14:2

Shi gaw tsasam amyu ni a hkungri ni hte tsaw ai kawng ni a hkungri ni hpe yeng kau wu ai rai nna, sumla shadaw ni hpe agrawp kau ai hte Asherim sumla ni hpe kran kau nhtawm,

2 HKAWHKAM LABAU 14:3

Yuda masha ni gaw kaji kawa ni a Karai Kasang Yehowa hpe hkan tam nna, jep ai tara hte htet da ai ga ni hpe hkan shatup lu na lam, hkang ka mu ai.

2 HKAWHKAM LABAU 19:3

Rai timung, mung ting na Asherot sumla ni hpe htawm kau nna, Karai Kasang hpe hkan tam sharawng ndai majaw, nang hta kaja ai lam mu hkrup se ai,” ngu wu ai.

2 HKAWHKAM LABAU 31:1

Ya dai amu yawng ngut wa ai hpang zuphpawng nga ai Israela masha ni nlang, Yuda mare ni de pru sa wa nhtawm, Yuda, Ben-yamin, Ehprim hte Manashe mung shara shagu hta nga ai, shadaw sumla ni hpe karan kau ai hte, tsaw ai kawng ni a tawn hkungri ni mahkra hpe shaza kau lu hkra, kahtum gadaw run kau mu ai. Shing rai Israela kashu kasha ni yang, langai hte langai tinang a mare buga de bai wa ma ai.

2 HKAWHKAM LABAU 34:3

Kaning rai nme law, shi hkaw dung ai hpang, matsat ning hta e, shi shabrang naw rai nga yang, kawa Dawi a Karai Kasang hpe hkan tam hpang wu ai; shi lahkawng ning hta e Yuda mung hte Yerusalem mare hta nga ai, tsaw ai kawng ni nawku shara ni, Asherim sumla ni, tawk ka ai sumla ni hte jaw ai sumla ni hpe htawm kau hpang wu ai.

SHAKAWN KUNGDAWN 16:4

Lam kaga hkan ai ni a tsin-yam law wa na ra ai. Shanhte a sai kumhpa hta, ngai ru jaw lawm na nngai n rai. Shanhte a amying nye a n-gup hte shamying na nngai, n rai.

PRU MAT 23:13

Ngai nanhte hpe tsun matsun mahkra hta sadi nga mu; hpara kaga a amying hkum tsun, hkum gang et; dai gaw na a n-gup na kadai mung nna u ga.

PRU MAT 23:24

Shanhte a hpara ni hpe nang nawku lu na n rai; dai ni hpe jaw jau lu na n rai; shanhte a lai len hku mung nang hkan lu na ndai n rai: shanhte hpe nang atsai awai tsan kau nna, shanhte a hpara shadaw ni hpe mung kahtum gadaw di kau na rai myit dai.

PRU MAT 34:13

shanhte a tawn hkungri ni hpe nang run kau ya na rai ndai; shanhte a sumla shadaw ni hpe nang agrawp kau ya nna, shanhte a Asherim sumla ni hpe kran daw kau ya na rai myit dai:

ESAIA 27:9

Dai rai nna Yaku amyu gaw yubak raw dat kau ai hkrum nna, Asherum sumla ni hte jan sumla ni htawm hpang e n nga lu hkra, shi gaw tawn hkungri ni a nlung ni mahkra hpe namhtun lung zawn agrawp kau ai gaw, shi a yubak raw dat kau ai akyu rai na ra ai.

YEREMIA 17:2

shanhte a ma kaji ni pyi, tsaw ai kawng ni a tsit lali ai hpun makau e nga ai, tawn hkungri ni hte Asherim sumla ni hpe dum ma ai.

HOSEA 2:17

Dai yang e shi a tsabyi sun ni hpe ngai shi hpe bai jaw nna, Ahkora kadit gaw myit mada chyinghka tai na ra ai: shing rai shi gaw, hkawnsek prat e, Egutu mung na pru wa ai shani e zawn, ngai hpe bai htan na ra ai.

MIHKA 5:14

na a Asherim shadaw ni hpe, na a ka-ang na ngai baw kau nna, na a mare ni hpe shaza kau na nngai.

ZEHKARIA 13:2

“Zaw nawng zaw wa up ai Yehowa ning nga ai: Dai shani e ngai gaw, Hpara sumla ni a amying hpe dai mungdan hta na jahtum kau nna, htawm hpang de dai ni hpe, kadai dum na n rai; dai hta n-ga, myihtoi ni hpe mung, n san n seng ai wenyi ni hpe mung, ndai mungdan kaw na ngai shapraw kau na nngai.

BU HKAWM 33:52

dai mung na amyu masha ni mahkra hpe nanhte shachyut kau nna, shanhte a tawk ka ai nlung ni yawng hpe mung, shanhte jaw ai sumla ni yawng hpe mung, agrawp kau na hte, shanhte a tsaw ai kawng na shara ni yawng hte hpe hpya kau ya na rai myit dai:

TARA JAHPRANG 12:4

Shanhte galaw ai lam hkan nna, nanhte gaw nanhte a Karai Kasang Yehowa a matu galaw lu na n rai.

TARA JAHPRANG 7:25

Shanhte a tawk la ai sumla ni hpe nat kau ya mu: dai hta kap ai aja gumhpraw ni hpe hkum marit et; dai hpe hkum hta la et; hta la n-yang, dai gaw na a mahkam tai na ra ai: dai hpe na a Karai Kasang Yehowa matsat nga ai.

TARA JAHPRANG 7:5

Dai re ai majaw shanhte hpe ning di mu: shanhte a tawn hkungri ni hpe agrawp kau ya mu; shanhte a sumla shadaw ni hpe adawt daw kau ya mu; shanhte a Asherim sumla ni hpe kran daw kau ya mu; tawk la ai sumla ni hpe mung nat kau ya mu.

SHINGRAN 13:1

Shaloi nammukdara hta na dawng pru ai matse labye langai mi ngai mu nngai; dai gaw nrung shi hte baw sanit tu nga ai; de a nrung ni hta ja lagup shi gup nna, shi a baw ni hta arawng jahpoi ai amying kap nga ai.

TARA AGYI 2:2

nanhte mung, ndai mung na masha ni hte ga shaka tawn da lu na n rai; shanhte a tawn hkungri ni hpe nanhte hpya kadawng kau ya na rai myit dai, ngu nna ngai tsun masade ai. Rai timung, nanhte nye a ga n madat myit dai; hpa majaw shing rai galaw myit ta?