TARA JAHPRANG 11:9 - Jinghpaw Hanson Version Bible

⁹ Yehowa nanhte a nji nwa ni hta, shanhte hte shanhte a amyu matu ni hpe jaw na nga dagam da ai mungdan, dai nga chyu hte lagat jahku lwi ai mung hta nanhte asak galu malit ga gaw, dai ni ngai nang hpe tawn da ya ai hkang da mada ga hpe nanhte hkan shatup lu na rai myit dai.

Jinghpaw Common Language Bible 2009

⁹ Dai Madu gaw nanhte a nji nwa ni hte shanhte a matu mara ni hpe jaw na ngu nna ga sadi jaw da sai, dai sut su ngamu ngamai nna ga sau hte hpring nhtawm ningru ningja ai mungdan hta aten na na nanhte shanu nga lu na rai myit dai.

TARA JAHPRANG 11:9 ပူးပေါင်းရင်းမြစ်များ

PRU MAT 20:12

Na a Karai Kasang Yehowa nang hpe jaw ai ga hta na a asak galu lit ga, na nnu yan nwa hpe hkungga lara di u.

PRU MAT 3:8

shanhte hpe Egutu masha ni a lata na hkye hkrang la na hte dai mung kaw nna, Hkanan, Hiti, Amori, Hperizi, Hiwi hte Yebusi masha ni nga ai, ja kat ai hte kaba nga ai, nga chyu hte lagat jahku lwi ai mung de woi wa na ngai yu sa ring ngai.

GA SHAGAWP 10:27

Yehowa hpe hkrit hkungga ai myit gaw asak galu shangun nga ai; Tara n lang ai ni a shaning chyawm gaw gadun nga ai.

GA SHAGAWP 3:16

Shi a hkra lata hta asak galu ai, rai nga nna, Pai lata hta sutgan hte arawng sadang rawng nga lu ai.

GA SHAGAWP 3:2

Kaning rai nme law, dai gaw asak galu ai shaning shata hte, Ngwipyaw ai lam, nang hpe shalaw jahtam ya na ra ai.

GA SHAGAWP 9:11

Kaning rai nme law, nye a majaw na a nhtoi ni galu wa nna, Nang hkrung nga ai shaning ni law htam wa ra ai.

EZEKELA 20:6

shanhte hpe Egutu mung na shapraw la nhtawm, mungdan ni mahkra hta grau kaja nna, shanhte a matu ngai san da ai, nga chyu hte lagat jahku lwi ai mung de woi jashawn na lam, ngai shanhte hpe dagam da nngai:

TARA JAHPRANG 1:8

Yu mu, dai mungdan nanhte a man e ngai tawn ya se ai; nanhte a kaji kawa Abraham, Isak, Yaku hte hte, shanhte a hpang na matu mara ni hpe jaw na, nga nna Yehowa dagam da ai mung de shang nna madu la ma su,’ nga nna tsun ma ni ai.

TARA JAHPRANG 11:10

Nang shang madu sha lu na mungdan gaw, nanhte pru kau da ai Egutu mung hte bung ai n rai; shat mai sun galaw ai zawn, nli gat nhtawm, lagaw hte ntsin jaw ra ai mungdan n rai:

TARA JAHPRANG 11:21

shing rai jang, na nji nwa ni hpe jaw na nga, Yehowa dagam da ai mungdan hta, nang hta na nshu nsha ni a aprat gaw, ginding aga ntsa e sumsing lamu grin nga dingsa, galu nga na malit dai.

TARA JAHPRANG 4:40

Nang hte na a nshu ni ngamu ngamai lu hkra mung, na a Karai Kasang Yehowa prat tup matu nang hpe jaw tawn ai mungdan hta nang asak galu n ga mung, dai ni tsun da ai matsun maroi ga hte hkang ai tara ga hpe hkan shatsup nga lu na rai myit dai,” nga nna Mawshe hkaw tsun da ai rai.

TARA JAHPRANG 5:16

Na a Karai Kasang Yehowa nang hpe jaw ai mungdan hta, na a asak galu nna ngamu ngamai lit ga, na a Karai Kasang Yehowa nang hpe hkang da sai hte maren, na nnu yan nwa hpe hkungga lara di u.

TARA JAHPRANG 5:33

Nanhte madu sha na marin dai mungdan hta nanhte hkrung nga lu nna, ngamu ngamai na hte asak galu malit ga gaw, nanhte a Karai Kasang Yehowa nanhte hpe hkang da ai lam magup hta nanhte hkan sa lu na rai myit dai.

TARA JAHPRANG 6:18

Nang ngamu ngamai nga lu na hte Yehowa a ga ndat nga ai hte maren masha hpyen ni nlang hpe na a man na shaden kau nna, na nji nwa ni hpe dagam da ai chyeju mungdan de shang sha lu n ga gaw,

TARA JAHPRANG 6:2

nanhte sa nna madu sha na marin dai mung hta hkan lang nga na matu, nanhte hpe sharin achyin ya na nanhte a Karai Kasang Yehowa a hkang da ai ga, matsun maroi hte dawdan ai tara gaw, ndai rai nga ai.

TARA JAHPRANG 6:3

‘Israela amyu e, na nji nwa ni a Karai Kasang Yehowa a ga ndat nga nga sai hte maren, nga chyu hte lagat jahku lwi ai mung hta nanhte ngamu ngamai nna law htam wa myit ga,’ madat mara la nna hkan nang nga u.

TARA JAHPRANG 8:7

Kaning rai nme law, na a Karai Kasang Yehowa gaw, nang hpe dai kaja grau ai mungdan, hkaraw nhkap bum shagawng ntsa hkan nna lwi hkrat ai hka nu hka shi, hka hpawk hka htung hpring ai ga;

TARA JAHPRANG 9:5

Dai mungdan nang shang madu sha lu ai gaw, na a dinghpring ai a marang e mung n rai, na a myit masin tengman ai a marang e mung n rai: Yehowa na nji nwa Abraham, Isak, Yaku hte hpe dagam da ai ga shadik na majaw, na a Karai Kasang Yehowa gaw dai amyu ni hpe, tinang a n shawp ai a majaw na a man na shaden kau nu ai.