TARA JAHPRANG 11:2 - Jinghpaw Hanson Version Bible

² Nanhte a Karai Kasang Yehowa daru sharin ai lam hpe mung; shi a daru magam, shi a n-gun ja ai lata hte shada nga ai lahpum hpe mung;

Jinghpaw Common Language Bible 2009

² Dai Madu hte rau nanhte hkrum kadup ai mahkrum madup lam a majaw nanhte sharin la lu manit dai shi a lam hpe dai ni adum nga mu. Dai gaw nanhte a kashu kasha ni n rai, dai mahkrum madup lu la sai nanhte she rai nga ai. Shi a galu kaba ai daru magam n-gun hte chyalai n-gun hte hpring ai shi a mauhpa magam amu ni hpe nanhte mu manit dai.

TARA JAHPRANG 11:2 ပူးပေါင်းရင်းမြစ်များ

SHAKAWN KUNGDAWN 136:12

N gun ja ai lata, ladawn da ai lahpum hte shanhte hpe woi wa mu ai, Shi a chyeju htani htana agrin nga ai.

PRU MAT 6:6

Dai majaw Israela amyu hpe, ning ngu tsun u: Ngai Yehowa rai nga nngai; Egutu mung a mayam lit hta na ngai nanhte hpe shaw la nna, shanhte a share punghkaw hta na shapraw la na made ai; sharawt nga ai lata hte mung, ari kaba amyu myu hte mung ngai nanhte hpe hkye hkrang la na made ai:

GA SHAGAWP 22:19

Nang gaw Yehowa hta shamyet shanat nga lu hkra, Dai ni, ndai lam ni, ngai nang hpe mung chye shangun de ai.

ESAIA 53:5

Rai timung, shi gaw anhte a tara tawt lai ai a jaw e hkala nba hkrum nna, anhte shut hpyit ai a majaw ahpye a lam hkrum sha nga ai: anhte ngwipyaw nga lu hkra, shi ari ahpri hkrum sha nga ai; shi a nma majaw, anhte mai tsai lu ga ai.

KASA 26:22

Karai Kasang kaw na karum ai lu la ai majaw sha, dai ni du hkra nga nga let, kaji kaba yawng hpe sakse hkam ai hta,

TARA JAHPRANG 29:10

na a Karai Kasang tai nga na matu, dai ni na Karai Kasang Yehowa nang hte tawn da ai shaka ga hte dagam ga hpe yin la na nga,

TARA JAHPRANG 3:24

‘Yehowa Madu e, Nang gaw na a mayam hpe na a galu kaba ai hte, na a n-gun ja ai lata madun hpang nit dai: nang zawn daru magam bungli hte hpung shingkang amu shapraw lu ai Karai Kasang gaw, sumsing lamu hte ginding aga ntsa e kadai wa nga a ta?

TARA JAHPRANG 4:34

Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?

TARA JAHPRANG 5:24

‘Yu u, anhte a Karai Kasang Yehowa shi a hpung shingkang hte daru magam anhte hpe madun dan ma ni ai; wan grung ai kata na shi a ga nsen mung, anhte na lu saga ai: Karai Kasang Yehowa shi nan masha hte shaga nga ninglen, masha naw hkrung nga lu ai gaw, dai ni anhte mu chye saga ai.

TARA JAHPRANG 7:19

na a Karai Kasang Yehowa nang hpe shaw woi wa ai shaloi na, shi madun ai lamik kumla, mauhpa lam ni hte shi a n-gun ja ai lata, shada nga ai lahpum hpe azin ayang dum nga na rai ndai: dai zawn, nang hkrit ai amyu yawng hte hta na a Karai Kasang Yehowa di ya na ru ai.

TARA JAHPRANG 8:19

Na a Karai Kasang Yehowa hpe nang malap kau nhtawm, hpara shaje ni kaw kasawt nna nawku jaw jau rai wa nit yang gaw, nanhte teng teng hten bya ai kaw du na manit dai, nga nna dai ni nanhte a lam ngai sakse hkam da se ai.

TARA JAHPRANG 9:26

Yehowa hpe ngai hpyi we ai gaw, ‘Yehowa Madu e, na a hpung shingkang hte nang hkrang la nna, na a n-gun ja ai lata hte Egutu mung na shaw woi wa ai, na a Sali wunli ngu na, na a amyu masha ni hpe hkum shaza kau et:

YAWSHU 24:31

Yawshu a prat tup hta mung, Israela masha ni a matu Yehowa galaw ai lam magup hpe chye nna Yawshu a hpang e shi hpe mu dep ai salang ni a prat tup hta mung, Israela masha ni Yehowa hpe jaw jau ma ai.