TARA JAHPRANG 10:5 - Jinghpaw Hanson Version Bible

⁵ Ngai mung kayin nna, dai bum na yu wa nhtawm, galaw ngut tawn sai sumpu hta lungpa dai yan hpe bang da we ai: shing rai Yehowa ngai hpe hkang dat ai hte maren, dai sumpu hta ya rawng nga ai.

Jinghpaw Common Language Bible 2009

⁵ Shing rai dai Madu mung ngai hpe jaw dat ni ai; ngai mung kayin let bum kaw nna yu wa nngai. Dai hpang dai Madu hkang da sai hte maren ngai galaw da ai sumpu hta bang da we ai. Dai lungpa yan dai hta ya du hkra rawng nga ai.”

TARA JAHPRANG 10:5 ပူးပေါင်းရင်းမြစ်များ

PRU MAT 25:16

Ngai nang e jaw na de ai sakse ga hpe dai sumpu hta nang bang da na rai ndai.

PRU MAT 25:21

Chyeju magap dai hpe sumpu hta magap tawn da na rai wu ai; ngai nang hpe jaw na de ai sakse ga hpe dai sumpu kata e nang bang da lu na rai ndai.

PRU MAT 32:15

Shaloi Mawshe gaw dai sakse lungpa lahkawng la lang let kayin nna dai bum na yu wa ai: dai lungpa lahkawng a man lahkawng yan hta, maga mi hte maga mi de ka nga ai.

PRU MAT 34:28

Shing rai Mawshe gaw dai yang e, shat mung n sha ntsin mung n lu ai, mali shi ya tup Yehowa kaw nga nga ai. Dai lungpa yan hta, ga shaka ngu na, jep ai tara ga kanu shi, ka ya dat wu ai.

PRU MAT 34:29

Mawshe gaw dai sakse lungpa lahkawng la lang let, Sina bum na yu wa yang, shi Yehowa hte shaga ai majaw, shi a myi man ahpraw tu kabrim lu ai gaw Mawshe n chye wu ai.

PRU MAT 40:20

Bai, dai sakse lungpa shi la nna dai sumpu hta bang nhtawm, dai sumpu hta kandang dinghkrawn nna de a chyeju magap hte dai hpe magap tawn wu ai:

TARA JAHPRANG 10:2

shawng na nang agrawp kau ai lungpa yan hta kap ai ga hte maren, dai lungpa ya hta ngai bai ka da we ga: dai yan hpe dai sumpu hta nang bang da na rai ndai,” nga nna ngai hpe tsun ai.

TARA JAHPRANG 9:15

Shaloi ngai gaw kayin nna dai bum na yu wa nngai; dai bum mung wan grung nga ai; dai ga shaka lungpa yan hpe mung nye a lata maga hpra lang da we ai.

YAWSHU 4:9

Bai Yawshu gaw, ga shaka sumpu hpai ai hkinjawng ni tsap ai shara, dai Yawdan hka ka-ang e mung nlung shi lahkawng jung da wu ai rai nna, dai ni du hkra nga nga ai.